Mongolian Pajero Club

16/05/2026

Mongolian pajero club-с жил бүр уламжлал болгон зохион байгуулдаг SCORPION 4x4 2026 уралдаанны 10 дах жилдээ шууд лайв

14/05/2026

SCORPION 4x4 2026
ТЭМЦЭЭНИЙ УДИРДАМЖ & ХӨТӨЛБӨР

ЗОРИЛГО

Бартаат замын авто спортыг хөгжүүлэх, чадварлаг тамирчдыг бэлтгэн олон улс, тив дэлхийд эх орныхоо нэрийг гаргах, хүүхэд залуусын чөлөөт цагийг зөв боловсон өнгөрүүлэх, техник технологийн мэдлэг боловсролыг дээшлүүлэхэд энэхүү тэмцээний зорилго оршино.

ТЭМЦЭЭНИЙ ХУГАЦАА, БАЙРШИЛ

Тэмцээн 2026 оны 05-р сарын 16-ны өдөр
Хан-Уул дүүргийн 13-р хороо, Шувуун фабрик, “Алтан элс” карьер дээр зохион байгуулагдана.

ТЭМЦЭЭНИЙ ХӨТӨЛБӨР

08:00 – 11:00
Сонирхогчийн ангилал (R-3) гараа

08:00 цагаас
R-1, R-2 ангиллын тамирчид:
• Техникийн үзлэгт орно
• Мандатаа авна
• Тамирчны өмсгөл хүлээн авна
• Батлан даалтын хуудсанд өөрийн биеэр гарын үсэг зурна

09:00 – 10:00

• Сугалаа сугална
• Замтай танилцана

11:00
R-1 Мэргэжлийн ангиллын эхний гараа

12:00 – 13:00
Үдийн завсарлага
Тэмцээний нээлтийн ажиллагаа

13:00-19:00
R-1 Мэргэжлийн ангиллын дараагийн гараанууд

20:00
Шагнал гардуулах ёслол

19:00
Хаалтын ажиллагаа

УРАЛДААНЫ ОРОЛЦОГЧ

Автомашин эзэмшигч болон бартаат замын спорт сонирхогч хэн бүхэнд нээлттэй.
Тухайн ангиллын жолооны эрхийн үнэмлэхтэй эрэгтэй, эмэгтэй тамирчид оролцох боломжтой.

УРАЛДААНЫ ЗАМ

Тойрог хэлбэрийн хэт бартаат замд дараах саадууд байрлана:

• Трамплин — 3 удаа
• Хөндлөн болон нүхэн канал
• Дугуйн шатрын нүүдэл (зигзаг)
• Элсэн шатрын нүүдэл (зигзаг)
• Вань буюу элсэн нүх
• Огцом өгсүүр
• Огцом уруу
• Огцом эргэлт

АНГИЛАЛУУД

R-1 Мэргэжлийн ангилал
Нийт замын урт — 12 км

Нийт бүртгэлээс хамааран 4–5 гараанд хуваагдана.
Гараа бүрээс 2–3 автомашин шалгарч, финалын сүүлийн гараанд дээд тал нь 12 автомашин өрсөлдөнө.

R-2 Хагас мэргэжлийн ангилал
Нийт замын урт — 12 км

Нийт бүртгэлээс хамааран 1–2 гараанд хуваагдан бөөн гараагаар уралдана.

Хамгийн бага хугацааны үзүүлэлттэй тамирчид аварга болж, байр эзэлнэ.

R-3 Сонирхогчийн ангилал
Нийт замын урт — 2 км

Тусгайлан бэлдсэн хэт бартаат замд уралдана.

Хамгийн бага хугацааны үзүүлэлттэй тамирчид аварга болж, байр эзэлнэ.

БҮРТГЭЛ

Нийт тамирчдын бүртгэл 2026.05.15-ны өдрийн 12:00 цагт хаагдана.

Тэмцээний өдөр бүртгэл хийхгүй болохыг анхаарна уу.

Иймд та бүхэн бүртгэлээ хугацаанд нь амжиж хийлгэнэ үү

11/05/2026

Нийт тамирчидад энэ өдрийн мэндийг хүргэе.
5 сарын 16 буюу тэмцээний өдөр өглөө 08:00 цагаас техникийн үзлэг, мандат, хувцас тараах тул R-1, R-2 ангилалд уралдах тамирчид бүгд бэлэн байна уу!

10/05/2026

Энэ сарын 16-нд болох тэмцээний техникийн зөвөлгөөний хурал эхэллээ.

07/05/2026

Скорпион 4х4 тэмцээн 2026 оны 5 сарын 16 ны өдөр 3 ангиллаар зохион байгуулагдана.
Бүртгэл 2026 оны 5 сарын 15 ны 12:00 цагт хаагдана
Техникийн зөвлөгөөний хурал 2026 оны 5 сарын 10 ны бүтэнсайн өдөр БГД цагдаагийн 1-р хэлтсийн хурлын зааланд 18:00 цагт болно.
R1 Мэргэжлийн ангилал
https://forms.gle/Khnx4bfapcro8sjE7
R2 Про мэргэжлийн ангилал
https://forms.gle/KECC5hfjuGZ5hTEU8
R3 Сонирхогчийн ангилал
https://forms.gle/Si4KUuDvN7dXydYXA
Нийт тамирчдад амжилт хүсье.

Бүх асуултад үнэн зөв бөглөнө үү

21/08/2025

🌧🚙 Талархлын Пост 🚙🌧

2025 оны 8-р сарын 20, 21-ний өдрүүдэд үргэлжилсэн борооны улмаас нийслэл болон орон нутгийн олон газарт үер бууж, замын хөдөлгөөнд хүндрэл учирлаа. Шавар, усанд суусан олон арван иргэд тусламж хүсэж бидэнд хандсан бөгөөд Монголын Пажеро Клубын залуус тал бүрээсээ чин сэтгэлээсээ тусламжийн гараа сунгалаа.

🌟 Онцлох үйл явдлуудаас дурдвал:
• Чингэлтэй дүүргийн Зүрх ууланд хөгжлийн бэрхшээлтэй иргэдийг тээвэрлэж явсан 45 хүний суудалтай автобус шаварт суусан байсныг амжилттай татаж гаргалаа.
• Онцгой байдлын 2 автомашин Салхитын орчимд дуудлагатай явж байхдаа шаварт сууж, айлын байшингийн хана руу халтирч наалдсан байсан бөгөөд амжилттай чөлөөллөө.
• Нийслэлийн түргэн тусламжийн нэг машин төв аймгийн Түргэний голын ойролцоо шаварт суусан байсан бөгөөд шуурхай гаргаж, иргэдийн амь насыг хамгаалах үйлсэд нь дэмжлэг үзүүлэв.
• зурагтын шинэ эцэсийн ойролцоо яаралтай дуудлагатай явж байсан түргэний тэргийг ч мөн адил саадгүй гаргалаа.

🚙 Энэ хоёр өдөрт нийтдээ суудлын болон жийп төрлийн 70 гаруй автомашиныг амжилттай татаж гаргаж, иргэдийн аюулгүй байдлыг хангахад хувь нэмрээ орууллаа.

💪 Монголын Пажеро Клубынхаа сайхан сэтгэлтэй, нэгнийхээ төлөө нэгдэж чаддаг залуусаараа үнэхээр их бахархаж байна. Та бүхэнтэйгээ хамтдаа байх үнэхээр сайхан!

#МонголынПажероКлуб
#АвранТуслахАжиллагаа
#БидНэгБаг

20/08/2025

Монголын Пажеро Клубын Гишүүдийн Дүрэм

1. Элдэвтэй, найрсаг харьцах
Бид бүгдээрээ жийп сонирхогчид учраас нэг зорилгын төлөө цугласан. Хүн бүрийг хүндэтгэн харьцаж, эерэг уур амьсгал бүрдүүлэх нь бидний хамтын хариуцлага юм.

2. Сурталчилгаа ба спамыг хориглоно
Группын зорилго нь жийп сонирхогчдыг нэгтгэхэд оршино. Хэрэгцээгүй спам, холбоогүй линк болон хувийн сурталчилгааг нийтлэхийг хориглоно.

3. Нууцлалыг дээдлэх
Групп доторх мэдээлэл, санал бодол, харилцан яриа нь зөвхөн гишүүдийн дунд үлдэх ёстой. Бусдын хувийн мэдээлэл болон эмзэг сэдвийг гадагш түгээхгүй байхыг анхаарна уу.

4. Хамтын ажиллагаа, туслалцаа
Пажеро сонирхогчид бие биедээ мэдлэг, туршлага, зөвлөгөөгөө харамгүй хуваалцаж, эвсэг, нэгдмэл хамт олон байхыг зорьно.

5. Авран туслах үйл ажиллагаа
Монголын Пажеро Клуб нь 2016 оноос хойш замд гацсан, тусламж хэрэгтэй болсон хүмүүст үнэ төлбөргүй авран туслах ажиллагааг тогтмол зохион байгуулж ирсэн. Энэ уламжлалаа үргэлжлүүлэн, хүндрэлд орсон нэгнээ орхилгүй, нөхөрлөлийн гараа сунгах нь бидний бахархал, үнэт зарчим юм.

6. Монгол жийп соёлыг түгээе
Монголын жийп соёлыг зөв төлөвшүүлж, хойч үедээ үлдээхийн тулд клубын нэр хүндийг эрхэмлэн, соёлтой жолоодлого, зөв хэрэглээг түгээж явах нь бидний үүрэг.

12/06/2025

Пажеро Клубын Зуны Нээлтийн Аялал
Пажеро клуб маань 6-р сарын 14, 15-ны өдрүүдэд зуны нээлтээ тэмдэглэн, нөхөрсөг уур амьсгалтай, хоёр өдөр нэг шөнийн аялалд гарахаар төлөвлөж байна.
Бидний аяллын чиглэл — байгаль дэлхий, түүх дурсгалаа хослуулсан Гүнжийн сүм.

📍 Хэзээ: 6-р сарын 14-ний өглөө
📍 Хаашаа: Гүнжийн сүм
📍 Хугацаа: 2 өдөр, 1 шөнө
📍 Хэн: Пажеро хөлөглөгч хэн бүхэнд нээлттэй.
📍 БЗД товчоо Carrefour/сансар/ 08:00 цагт

Бидэнтэй нэгдэж, зуныг хамтдаа хөгжилтэй, дурсамж дүүрэн угтъя! 🌄🚙