17/06/2026
Na pikëlloi thellë lajmi për ndarjen e papritur nga jeta të kolegut tonë, inspektorit Vllaznim Maloku.
Vllaznimi ishte pjesë e Ministrisë së Infrastrukturës dhe Transportit që nga 1 korriku i vitit 2001 dhe për 25 vjet me radhë shërbeu me përkushtim, profesionalizëm dhe përgjegjësi në sektorin publik.
Si veteran i Ushtrisë Çlirimtare të Kosovës dhe si shembull i një shërbyesi publik me integritet, Vllaznimi do të kujtohet nga të gjithë ne për karakterin e tij fisnik, korrektësinë në punë dhe gatishmërinë e vazhdueshme për të dhënë kontribut në çdo rrethanë.
Në këto çaste të rënda, u shpreh ngushëllimet më të sinqerta dhe më të thella bashkëshortes së tij, Xhevë Maloku, djemve Edonisit dhe Agonisit, vajzës Atlandita, si dhe gjithë familjarëve, miqve, bashkëluftëtarëve dhe kolegëve të tij.
Qoftë i përhershëm kujtimi për Vllaznim Malokun dhe i lehtë dheu i Kosovës, për të cilën luftoi dhe dha kontribut të çmuar gjatë gjithë jetës së tij.
