26/06/2026
تاثير حرارة الشمس على العجالي، هذايا مقال صغير كتحضير للتجربة الجاية.
المتداول كونه كل ما ترتفع درجة حرارة العجلة ب10°C، ضغط العجلة يرتفع ب0,1 بار... عموما يتزاد 0,3 بار على الضغط والعجلة باردة، بعد ماقطعت السيارة مسافة طويلة وماننساوش عامل حرارة الكياس والطقس.
ماذابك ماتفوتش مسافة ثلاثة كيلوماتر للكيوسك او العجال باش تتفقد الضغط. او اذا ماعندكش خيار، تنجم تركح الضغط والعجلة سخونة لكن اقرى حساب كونه الضغط الي باش تقيسه وقتها زايد شوية.
الافضل للناس الي تنجم، تعمل كمبريسور هواء صغير في الدار او فمة الكمبريسور المحمول ينجح وكافي.
كتوضيح اكثر لارتفاع ضغط العجالي مع ارتفاع الحرارة، الكورب توري الفينومان هذا (بالنسبة للكراهب utilitaires لانه الضغط حاطينه بدى من 3,5 بار). لكن ارتفاع الضغط مع ارتفاع الحرارة يشمل اي عجلة.
