18/09/2018
/قرش/ 2008
مقال كامل عن السيارة بِساعدك اذا عم تدور ع سيارة بهالحجم 👇👇
منبلش بمحركات السيارة المتوفرة بالسوق :
1- محرك سعة 1500 cc بقوّة 109 حصان و 145 نيوتن متر عند 4000 لفة بالدقيقة
" هاد بيعني انو المحرك مابيعطي كل عزمو إلا لمّا يوصل عدّاد دوران المحرك لل4000 لفة بالدقيقة "
تسارع السيارة بعلبة سرعة اوتوماتيك من 0 إلى 100 km/h ب 14.3 ثانية
تسارع بطيئ كتير "متل تسارع الكيا ريو تقريبا"
مارح نحكي عن مصروف السيارة لأنو عالبركة كل كازية بانزينا شكل
2- محرك سعة 1600 cc بقوة 117 حصان و 154 نيوتن متر عند 4000 لفة بالدقيقة
تسارع السيارة بعلبة سرعة اوتوماتيك من 0 إلى 100 km/h ب١٢ ثانية
تسارع مقبول "متل تسارع الكيا سيراتو تقريبا"
هي المحركات المنتشرة بسوريا ، موجود كمان محركات 2000 cc بس قليلة
كل محركات السيارة مزودة بتقنية MIVEC و هيي نفسا الV-TEC عند الهوندا و وظيفتا توقيت فتح و إغلاق الصبابات لتوفير الوقود أو إخراج كامل قوة المحرك
بالنسبة لعلبة السرعة بتجي ب أربع غيارات اوتوماتيك او خمس غيارات مانيوال
مميزات السيارة :
1- سيارة إقتصادية
2- واسعة و مريحة نسبياً
3- مرتفعة عن الأرض (مناسبة لطرقاتنا)
4- شكل خارجي جميل
5- سيارة عملية أعطالا نادرة
8- قطعا متوفرة
6- تجربة قيادة جيدة (أقرب للوسط)
7- سيارة عائلية بإمتياز
عيوب السيارة :
1- محركات ال 1500 و ال 1600 ضعيفة و بتحتاج تدعسلا منيح لتستجيب
2- قطعا و تصليحا غالي "متل أيّ سيارة ياباني"
3- المقصورة تصميما سيئ و مليان بلاستيك بيخبّط بالجور
5- نظام التعليق مقبول السيارة بتخبّط شوي
6- علبة السرعة الاوتوماتيك بس 4 غيارات و مافيها تيبترونيك .
سعر السيارة :
بيترواح بين ال ٧ ملايين لل ٨ ونص مليون ليرة سورية تقريبا حسب حالة السيارة و مواصفاتها ( إلا إذا السيارة شبه زيرو )
بالنهاية إذا بدك سيارة إقتصادية و عائلية و شكلا حلو من برا هي هيي السيارة المناسبة
أما إذا عم تدور ع سيارة خرج شباب و رياضية نوعا ما فهالسيارة مو مناسبة ( في خيارات أفضل )
ملاحظة : هي السيارة مختلفة كليّاً عن النسخة الرياضية منها "الإيفو" لاحدا يقارنن ببعض
إذا في شي منقصينوا او أخطاء خبرونا فيهن ❤
تابعونا للمزيد من المقالات عن السيارات ببلدنا❤
