ShoogirCash

31/08/2021

13/02/2020

مع ازمة البنزين والمواصلات دي حلول ممكن تخفف ولو شوية من الازمه وبالمره تسهل عليك حياتك:

1- ما الا تمشي السوق المركزي عشان تشتري خضار ناس "فريش" بيجيبوهو ليك لحدي عندك وبسعر مناسب كمان 👌

2- ما الا تمشي السوق او السوبر ماركت عشان تشتري احتياجاتك ناس "دكاني" بيجيبو ليك اي حاجه عاوزها لحدي بيتك 😎

3- ما الا تمشي السجانه او المغلق عشان تشتري مواد البناء والكهرباء والسباكه ناس "مغلق دوت كوم" بيجازفوها ليك اتصل على 2326 او نزل التطبيق

4- لو عاوز سباك نجار حداد ...الخ اي صنايعي ناس "حرفه" بيجوك لحدي بيتك 💃

5- لو عاوز اكل مطاعم شوف ناس "طلباتي" او "يلا نطلب" ولو زهجت من اكل المطاعم ناس "مكسب" عندهم اكل منزلي ومعمول بحب 😋

6- لو عندك قروش عاوز تستلمها خليهم يحولوها ليك بي بنكك او اي تطبيق وبرضو بتحول منو كهرباء ورصيد 💸

7- داير كورسات خش "كورسيرا، إدراك" وغيرها من المنصات التعليميه واللي شهادتها افضل ب 1000 مره من كورس السوق العربي البتتبهدل وبتضيع يومك كلو فيهو

8- داير تتعلم انجليزي نزل Duolingo و BBC Learning English و Cambly و Speaky وماف داعي طبعا اقول ليك انهم احسن من كورس السوق العربي 🙄

9- داير تفتش على شغل لو عندك حرفه او خدمه بتقدمها نزل مكسب او حرفه وسجل فيهم ولو عاوز وظيفه نزل orooma او موقع "وظيفة" 😌

10- عاوز تحجز تذكره ايا كانت طيران بر بحر ناس "تذكرتي" ديل بتلقى عندهم اي حاجه، او شوف الكول سنتر بتاع الشركات واتصل عليهم واحجز ما الا تطلع 🌏

11- لو حسيت انك عيان اتصل على 2102 من 8 صباحا لي 8 مساء ديل ناس شركة "صحة" حيقدمو ليك الاستشاره الصحيه المناسبه ويوجهوك للاخصائي الانسب لو تطلب الامر بدل ما تمشي من مستشفى للتاني 🔬

12- ما الا تمشي للجيم نزل Home Workout بيديك تمارين بتعملها ف البيت عادي حسب زمنك والمستوى العاوز توصل ليهو والمنطقه العاوز تمرنها في جسمك مفيش احلى من كدا 💪

13- لو عاوز تغير زيت العربيه او تشحن البطاريه او تغير اللستك ما الا تمشي البنشر اتصل على ناس "منجد" 6174 وبيوصلوك لحدي محلك ويعزوك

14- لو عندك عربيه وكل يوم بتمشي وترجع من الدوام براك خش قروب "سكتنا واحده" وسوق معاك الناس الفي سكتك ولو عاوز قروش خش قروب "ترحيلك علينا" وبتتفق مع ناس يمشو ويرجعو معاك

15- ولو خلاص كتمت شديد والا تطلع نزل waze بيوريك الشوارع الفيها زحمه عشان تتخارج منها

16- ولو عاوز شغل طباعه وتصميم ما الا تمشي السوق العربي ناس ODPOnline Design and Printing بيعملو ليك اي حاجه وانت في محلك

17- ما الا تسافر برا السودان عشان تطلب من امازون وسوق.كوم وعلي بابا ناس "StoZone LTD" بجيبوها ليك من برا 😎🔥

18- التكنلوجيا دي عملوها عشان تسهل عليك حياتك وتخفف وقتك وجهدك ومالك ف يا ريت نستفيد منها ... قادر تتخيل انو كل الحاجات دي ممكن تعملها بالموبايل الماسكو في يدك دا ... ولو قعدت شويه كدا حتلاقي انو ماف حاجه تخليك تطلع من البيت اصلا 😂😂

اخييرا لو في اي خدمه تاني ممكن تخليك تقعد ف البيت ورينا ليها بالله ودي اغلبها خدمات قايمين بيها شباب سودانيين ف ادعموهم... وكترو الشير

26/11/2019

اسبوع التقنية المصرفية

الخريطة بتوضح موقع كل اجنحة الرعاة والمشاركين في اسبوع التقنية المصرفية زورونا واستمتعو بكل فعالياتنا 👍👍

01/01/2019

تهنئة خاصة للشعب السوداني بذكرى الاستقلال المجيدة
كل عام وانتم بخير

09/12/2018

محرر

27/11/2018

24/11/2018

لحياة اسهل


قاعة الصداقة

21/11/2018

برنامجك الاسبوع الجاي حايكون شنو!!
كنسل أي حاجة في و تعال لينا في معرض اسبوع التقنية المصرفية .. من مساء السبت و لحدي الاربعاء عشان تتعرف على كل العروض والتسهيلات في التعاملات البنكية عن طريق الوسائل الالكترونية المختلفة المقدمة من الرعاة والمشاركين، وادخل في السحوبات اليومية على جوائزنا القيمة

18/11/2018

اسبوع التقنية المصرفية ماحايكون معرض وجوائز بس انضمو لينا في قاعة الطيب صالح بقاعة الصداقة يوم24 وحتى 27 نوفمبر

خليكم متواجدين معانا من الساعه 10 صباحاً لحد الساعة 12

09/11/2018

وادي نيالا

10/07/2018

رفع سقف ارصدة بطاقات المحفظة الإلكترونية "كاش الكارد" الي الاتي :
1. الاساسية من 5,000 الي 50,000 جنيه
2. الفضية من 50,000 الي 150,000 جنيه
3. الذهبية من 250,000 جنيه الي سقف مفتوح مع ربط البطاقة بحساب مصرفي

05/07/2018

اليوم اعلان نتيجة الشهادة السودانية باذن الله
ادخل رقم جلوسك في الرابط ادناه بعد الموتمر ووفر قروشك
http://result.sd
قروشك انت اولى بيها من حق كل طالب يشاهد نتيجته مجان

شارك المنشور في كل القروبات
لكي يصل لكل الطلاب
بالتوفيق للجميع

أخبار اليوم الوطني للمعلومات