15/08/2025
تعالو نتعرف علي حكاية باشمهندس محمد الذي ترك الخرطوم والوظيفه بلا عودة وقرر جعل الزراعه مهنته وحياته🌱
العودة إلى الزراعة… حكاية شغف وصمود وقرار 🌱
أنا محمد الشيخ إدريس أحمد، مدير تقنية المعلومات بشركة الجديان للدعاية والإعلان، ومن قرية الطالباب - الحصاحيصا.
قبل أكثر من 3 سنوات، قررت أعمل برنامج ثابت: كل خميس بعد الشغل من الخرطوم اسوق معاي الوالد ونمشي المزرعة في الحصاحيصا ينبسط و نقضي الجمعة هناك ينبسط يومين ، ونرجع السبت المساء.
ارض الوالد ظلت 30 سنة بدون زراعه، ومن خلال الزيارات لتغير ضغط العمل فكرت في احياء هذه الارض وزراعتها وتشجيرها.مع العلم انو الوالد زارع 700 متر شجر مثمر: رمان، جوافة، ليمون، برتقال والجريب … وكنا من صغرنا نشوف الزراعة من الوالد، نزرع كل الخضروات، فكبر معاي شغف الزراعة وكانت البداية قبل الحرب.
تركت الخرطوم و الوظيفه من اجل احتراف الزراعه واستقريت في منطقتي بالحصاحيصا ، أسست منظومة طاقة شمسية، وبعدها بأسبوع ركبت منظومة ري بالتنقيط… لكن فجأة قامت الحرب في مدني، واحترقت أغلب الأشجار المثمرة.
ما استسلمت… رجعنا نعيد الحياة للمزرعة، انقذنا ماتبقي من الاشجار المثمرة وزرعنا الخضروات اكوسة والعجور والاسود والخيار والخدرة والذرة والبرسيم وأنتجنا، ودخلنا السوق والحمدلله، ووصلنا مرحلة الاكتفاء الذاتي من كل الخضروات.
من خلال تجربتي في تغيير نظام الري التقليدي للري بالتنقيط و الطاقة الشمسية وجدت الفرق كبير جدا وفوائد عظيمة.
الزراعة ما بس شغل… الزراعة حياة، صبر، وفرحة حصاد تنسي تعب شهور من الاهتمام والرعاية للنباتات🌾❤️
الحقل بالنسبة لي هو بيتي الثاني 🤍
نحن في #مشتل #الريف #الشمالي وصلنا طلبية البذور والاسمدة للباشمهندس محمد حتي مدني ومنها انطلق للعروة الصيفيه والآن مقبل على العروة الخريفي نتمني ليه التوفيق🤲.
كتيرين جدا نفس حكاية محمد حب وشغف للزراعه وتوفر الارض وكل معينات الزراعه إلا انهم م قادرين يقرروو ويتخذو خطوة واحدة نحو اراضي بور مهجورة ومزارع مسورة يسكنها الطير 🤝
مشتل الريف الشمالي -الريف الشمالي- الخرطوم- السودان.
هاتف:0964004676
