02/03/2026
آل مڪينڪل آٽو يونين
(رجسٽر نمبر 0222)
پاران هنگامي عوامي مطالبو
شڪارپور شهر ۾ مڇرن جي وڌندڙ آزار سبب ملييريا، ڊينگي ۽ ٻيون موذي بيماريون تيزي سان پکڙجڻ جو خدشو وڌي ويو آهي۔ ورڪشاپن، بازارن، ٽرانسپورٽ اڏن ۽ رهائشي علائقن ۾ مڇرن جي گهڻائي سبب مزدورن، ڊرائيورن، مسترين، دوڪاندارن ۽ عام شهرين کي سخت پريشاني کي منهن ڏيڻو پئجي رهيو آهي۔
مڪينڪل ۽ آٽو شعبي سان لاڳاپيل مزدور اڳ ئي مهانگائي ۽ معاشي بحران سبب متاثر آهن، مٿان وري بيمارين جو خطرو روزگار ۽ روزاني ڪم ڪار کي وڌيڪ متاثر ڪري رهيو آهي۔ خاص طور رمضان المبارڪ جي بابرڪت مهيني ۾ هي صورتحال انتهائي ڳڻتي جوڳي آهي۔
ان حوالي سان آل مڪينڪل آٽو يونين (رجسٽر نمبر 0222) ضلعي انتظاميه ۽ خاص طور ڊپٽي ڪمشنر شڪارپور صاحب کان پرزور مطالبو ڪري ٿي ته شڪارپور شهر ۽ ڀرپاسي وارن علائقن ۾ فوري طور تي مڇرن جي خاتمي لاءِ جامع ۽ مؤثر اسپري مهم هلائي وڃي، نالن ۽ گٽرن جي صفائي ڪرائي وڃي ۽ مستقل بنيادن تي حفاظتي قدم کنيا وڃن، جيئن شهرين ۽ مزدورن کي وبائي بيمارين کان بچائي سگهجي۔
عوامي صحت، مزدورن جي حفاظت ۽ ڪاروباري سرگرمين جو تسلسل هڪٻئي سان جڙيل آهن، تنهنڪري هنگامي بنيادن تي قدم کڻڻ وقت جي اهم ضرورت آهي۔
مزدورن ۽ شهرين جو گڏيل آواز — صحت مند شڪارپور، محفوظ روزگار
