20/08/2026
32 روپے کی کمی خوش آئند، مگر عوام کو ابھی حقیقی ریلیف نہیں ملا!
آل پاکستان پیٹرولیم اینڈ سی این جی ڈیلرز ایسوسی ایشن
معزز عوام،
ڈیزل کی قیمت میں 32 روپے 63 پیسے کی کمی خوش آئند ضرور ہے، مگر ہم واضح طور پر کہنا چاہتے ہیں — یہ ابھی بھی حقیقی ریلیف نہیں۔ نئی قیمت 363 روپے 6 پیسے اب بھی عام آدمی کی قوتِ خرید سے کہیں باہر ہے۔
دوسری طرف پیٹرول کی قیمت میں 2 روپے 97 پیسے کا مزید اضافہ کر دیا گیا، جو 337 روپے 52 پیسے تک جا پہنچی۔ ایک ہاتھ سے تھوڑا سا دیا، دوسرے ہاتھ سے فوراً واپس کھینچ لیا۔
ہمارا واضح مطالبہ ہے:
پیٹرول اور ڈیزل کی قیمتیں فوری طور پر 250 روپے فی لیٹر تک لائی جائیں۔ جب تک ایسا نہیں ہوتا، یہ عوام کے خون کو نچوڑنے کے مترادف ہے۔
سب سے بڑا سوال یہ ہے — آخر یہ اوور ٹیکسز کب ختم ہوں گے؟ عوام کی جیب سے جو بھاری لیویز اور ٹیکس نچوڑے جا رہے ہیں، وہ کب کم ہوں گے؟ پیٹرول میں کمی کیوں نہیں کی جا رہی جبکہ عوام مسلسل مہنگائی کی چکی میں پس رہی ہے؟
عوام کو 32 روپے کے "احسان" سے بہلانے کی بجائے حکومت کو ٹیکس کے پورے ڈھانچے پر نظرثانی کرنی ہوگی۔ ورنہ یہ کھیل ایسے ہی چلتا رہے گا — پہلے بڑھاؤ، پھر تھوڑا کم کر کے تالیاں بجواؤ۔
عوام اب سب سمجھتی ہے۔ حساب کتاب سب کے سامنے ہے۔
قیمتیں 250 تک لاؤ، اصل ریلیف دکھاؤ۔
والسلام
آل پاکستان پیٹرولیم اینڈ سی این جی ڈیلرز ایسوسی ایشن
