31/01/2019
MGA NAKA-BACKPACK KAG DALAGKO NGA BAG, INDI PAGPASUDLON SA JARO CATHEDRAL KAG PLAZA SA JARO FIESTA -- PRO 6
Iloilo City --- Indi pagpasudlon sa Jaro Cathedral kag plaza sa kafiestahan sang Jaro sa Pebrero 2 ang mga naka-backpack kag dalagko nga bags.
Ini suno kay Police Regional Office 6 Spokesperson Superintendent Joem Malong.
Suno kay Malong, may ipahamtang nga mga police lanes sa lugar agud mag-check sa publiko nga mapasakop sa kafiestahan.
Gin-implementar ang lihok agud malikawan ang mga insidente ilabi nga may pagpangbomba sa simbahan sa Jolo, Sulu sang Enero 27,2019.
Maga-conduct man sang random inspection ang mga pulis sa iban nga bahin sang syudad sa amo nga adlaw.
Base sa Regulation Ordinance No. 2017-003, ginadumili-an ang pagdala sang backpack, botelya kag canned drinks kun may mga festival kag dalako nga kahiwatan sa syudad.
(Aljohn Torreta/AineBravo)
