07/09/2022
https://www.facebook.com/1572376036113565/posts/8356213947729706/
OPISYAL NA PAHAYAG
Setyembre 7, 2022
Alarm tagging ng mga LGU sa mga nahuling lumabag sa batas-trapiko kaugnay ng No Contact Apprehension Policy (NCAP), pansamantalang inalis
LIBU-LIBONG alarma kaugnay ng mga paglabag sa No Contact Apprehension Policy (NCAP) ang pansamantalang inalis upang mapayagan ang pagpaparehistro ng mga sasakyan na naitalang may mga paglabag sa batas-trapiko.
Kasunod ito ng ipinadalang liham ni Land Transportation Office (LTO) Chief Assistant Secretary Teofilo Guadiz III sa mga lokal na pamahalaan na nagpapairal ng NCAP upang hilingin ang pansamantalang pag-alis ng alarma na naka-tag sa sistema ng ahensya na ipinasok ng mga LGU.
“This will allow the renewal of registration of apprehended motor vehicles through the NCAP pending the final Decision/Resolution of the Supreme Court on the matter,” ayon kay Guadiz.
“In the event the Supreme Court will affirm the validity of the same, the alarms shall be re-tagged in our system, and the fines/penalties shall be reflected and/or applied during the next renewal for registration,” dagdag nito.
Ngayong araw ay tatlong lokal na pamahalaan na ang nagpoproseso ng pag-alis ng alarma sa mga sasakyang may paglabag sa NCAP kabilang ang Quezon City (1,190 alarms), Paranaque City (93,083 alarms) at Bataan (7,616).
Ang nasabing hakbang ay may kaugnayan sa ipinalabas na Temporary Restraining Order (TRO) ng Korte Suprema laban sa implementasyon ng NCAP.
🇵🇭
