10/10/2026
MGA KOMON NGA PAKIANA HA LANGIS PAN MOTORCYCLE.
Ha paggamit ba hin langis pan motorcycle mayda ba angay bilngon nga label ha langis para masiguro ko it kalidad hit lana ngan siguridad hit ak sarakyan gihapon?
Ou mayda. Ha kamatuoran mayda upat (4) nga label hit Lubricant oil nga kinahanglan mo mabaruan.
Anu man ini hira?
4T, SAE, API, JASO
Mga anu ini hira?
4T Stand for FOUR STROKE. Asya ini it una mo kukulawan ha label hit langis nga gagamiton mo para masiguro mo nga pan motorcycle hiya. Ngatanan hit mga moderno nga motorcycle starting year 2000 nga mga hinimo tinawag na nga mga 4 STROKE ENGINE or FOUR STROKE MOTORCYCLES. Kun waray hini, pwedi mo bilngon it word nga "MOTORCYCLE" or picture hin motorcycle or logo hin motorcycle ha sticker hit botilya hit langis. Kun waray bisan mausa hini nga mga nahingadnan ko, diri ito nga langis or Lubricant pan motorcycles.
SAE Stand for SOCIETY OF AUTOMOTIVE ENGINEERS. Hira an organisasyon nga na control, verify, checking, certify han mga lapot han langis para pan motorcycle nga dapat sundon hit ngatanan nga mga Lubricant companies ha bug-os nga kalibutan. Hira an una nga nahatag hin lisensya ha mga Lubricants companies ha pag himo hin mga engine oil para motorcycle. Ini nga mga lapot Asya ini nga mga 5w-40, 10w-30, 10w-40, 10w-50, 15w-40, 15w-50, 20w-40, 20w-50. Asya ini it ikaduha mo nga kikitaan nga dapat mayda.
API Stand for AMERICAN PETROLEUM INSTITUTE. Hira an organisasyon ha United States of America 🇺🇸 nga nagpapatuman han pankalibutan nga mga modelo para ha kalidad, perpormans ngan suruklan han mga langis han mga motorcycle. Hira an ikaduha nga nahatag hin lisensya ha mga lubricant companies ha paghimo hit mga engine oil. Ini nga mga suruklan nga susundon hit mga taga himo hit langis asya ini nga API SG, API SJ, API SL, API SM, API SN, API SP. It mga tawag hini "API RATING". Kada botilya hit langis pan motorcycles mayda hini tag urusa. Amo ini ikatulo nga imo pagbibilngon nga label hit langis pan motorcycle. It API RATING pan motorcycle natitikang ha letra nga "S" It tawag hini ENGINE OIL CODE.
JASO Stand for JAPANESE AUTOMOTIVE STANDARD ORGANIZATION. Hira an organisasyon ha JAPAN 🇯🇵 nga naghihimo han mga surundan para ha klasipikasyon hit langis nga dapat sundon hit ngatanan nga mga Lubricant companies. Ini nga mga klasipikasyon Asya ini nga MA/MA2 label kun pan Manual Engine, MB label naman kun pan Authomatic Scooter Engine. Hira gihap an ikatulo nga nahatag hin lisensya ha mga Lubricant companies. Asya ini it imo ikaupat nga pag kikitaan ha langis pan motorcycle.
FOR SUMMARY:
Para ha mga manual engine motorcycles, Adi it lubricant label nga dapat pangitaan mo ha usa nga langis pan motorcycle.
✅ 4T or FOUR STROKE ENGINE OIL
✅ SAE (viscosity/lapot) Scale
✅ API Rating like SG, SJ, SL, SM, SN, SP
✅ JASO MA or JASO MA2
Para ha mga Authomatic Scooter engine motorcycles, Adi it lubricant label nga dapat pangitaan mo ha usa nga langis pan motorcycle.
✅ 4T or FOUR STROKE ENGINE OIL or FOR SCOOTER ENGINE OIL
✅ SAE (viscosity/lapot) Scale
✅ API Rating like SG, SJ, SL, SM, SN, SP
✅ JASO MB
Unta mayda kamo nabaruan yana nga adlaw. 😌
