07/05/2026
"π-π₯ππ£π’π₯π§ π π’ πππ¬ ππ§π’ πππππ" π£π₯π’ππ₯ππ , πππ‘ππ¨π‘π¦ππ₯ π¦ππ‘π ππ§π’-π² π£ππ₯π π¦π π ππ¦ π ππππ¦ππ π‘ππ πππ¦π¬π’π‘ π¦π π©ππ’πππ§ππ’π‘π¦
Ginlunsar sang Land Transportation Office ang βI-report mo kay LTO Chiefβ program nga nagatuyo nga mapahapos ang pag-report sang mga traffic violations indi lang sa Western Visayas kundi sa bilog nga pungsod.
Suno kay LTO-6 Regional Director Atty. Gaudioso Geduspan II, mahimo na subong maka-report online paagi sa official website sang LTO nga www.lto.gov.ph ukon sa www.ltoncr.com.
Pwede man magreklamo paagi sa Facebook Messenger sang Land Transportation Office - Philippines kag LTO-6 Digital, samtang ang hotline number nga 1342-586 pwede man tawagan para sa direkta nga pagreklamo.
Si LTO Chief Assistant Secretary Markus Lacanilao mismo ang naga monitor sini suno pa kay Geduspan.
Suno sa Direktor, ang mga naga-report pwede mag-submit sang ebidensya pareho sang pictures kag videos, kag kinahanglan ibutang ang detalye sang reklamo kag ang ginareklamo nga indibidwal agud gilayon nga maaksyunan.
Ginapaidalom man sa confidentiality ang identity sang nagareklamo, bisan pa nga ginaduso ang pagpakilala para sa mas maayo nga proseso.
Matapos ma-validate ang reklamo kag makitaan sang substance, maga isyu sang show cause order ang LTO nga nagahatag sang 3 tubtob 5 ka adlaw para sa sabat sang ginareklamo.
Ginpabutyag man ni Geduspan, nga ang tanan nga traffic violations pwede i-report basta may substansya kag kumpirmado nga lehitimom Apang kun mapamatud-an nga peke ukon fabricated ang reklamo, ang nag-file man ang pwede mahatagan sang sanction ukon show cause order.
Suno sa pa sa Direktor sang LTO-6, ang programa ginlunsar agud makita ang pinaka-epektibo kag komportable nga paagi sang pagreklamo sang mga motorista, kag sa subong ginatutokan pa ang feedback kag initial progress sini nga bag-o nga sistema.
|RTenorio
