08/04/2026
Paita
NEWS UPDATE: FUEL PRICE FREEZE GIDUSO SUBAY SA HULGA NGA MOSAKA SA P170/L ANG DIESEL
Giduso ni Senator Bam Aquino ang Senate Bill No. 2011 o ang Fuel Price Control Act subay na sa hulga nga mosaka sa P170 kada litro ang diesel ug P120 usab sa gasolina karong semanaha.
Gumikan sa nagkagrabeng krisis sa supply sa lana tungod sa tensiyon sa Middle East, tinguha sa maong balaodnon nga himoong basic necessities o malakip sa nag-unang panginahanglanon ang gasolina ug diesel.
Ubos sa maong balaodnon, adunay gahom ang gobyerno nga magpatuman og price freeze panahon sa national emergency.
Sa kasamtangang balaod o Price Act, bugas, delata ug LPG lang ang sakop sa price control kun dunay nga kalamidad.
“Oo, sa mga batas natin ngayon, kapag may state of calamity, or state of national emergency, merong price freeze sa mga pangunahing bilihin. Pero napansin namin, hindi kasama dito ang diesel at gasoline. Kaya nais namin isama ang diesel at gasoline sa mga produktong mapa-price freeze kapag nagtawag ng state of national emergency. Kapag panahon ng emergency, mahalaga na yung taong bayan, makita nila na umaaksyon yung gobyerno at matitigil yung pagtaas ng presyo ng bilihin", matod ni Senator Aquino.
| via Kristin de Dios
