17/08/2025
𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎
𝐏𝐥𝐚𝐭𝐞 𝐃𝐢𝐬𝐭𝐫𝐢𝐛𝐮𝐭𝐢𝐨𝐧 𝐂𝐚𝐫𝐚𝐯𝐚𝐧 𝐬𝐚 𝐑𝐞𝐡𝐢𝐲𝐨𝐧 𝐈: 𝐀𝐠𝐨𝐬𝐭𝐨 𝟏𝟑–𝟐𝟑, 𝟐𝟎𝟐𝟓
Sa ilalim ng pamumuno nina Regional Director Glorioso Daniel Z. Martinez at Assistant Regional Director Engr. Eric C. Suriben, isasagawa ng Land Transportation Office (LTO) Region 1 ang isang Plate Distribution Caravan mula Agosto 13 hanggang Agosto 23, 2025.
Ang caravan ay para sa mga may-ari ng motorsiklong walang plaka mula taong 2014 hanggang 2017, bilang tugon sa matagal nang kahilingan ng publiko.
Ang inisyatibang ito ay bahagi ng direktiba nina Pangulong Ferdinand R. Marcos Jr. at DOTr Secretary Vince Dizon upang mapabilis ang pamamahagi ng mga plaka at maibsan ang backlog sa rehistrasyon. Sa pangunguna ni LTO Chief Assistant Secretary Atty. Vigor D. Mendoza II, patuloy na pinapalawak ng ahensya ang abot-kayang serbisyo sa bawat rehiyon ng bansa.
𝐌𝐠𝐚 𝐊𝐚𝐢𝐥𝐚𝐧𝐠𝐚𝐧𝐠 𝐃𝐚𝐥𝐡𝐢𝐧 𝐬𝐚 𝐂𝐚𝐫𝐚𝐯𝐚𝐧:
✅ Copy of Certificate of Registration (CR)
𝐌𝐚𝐡𝐚𝐥𝐚𝐠𝐚𝐧𝐠 𝐏𝐚𝐚𝐥𝐚𝐥𝐚:
Ang aktibidad na ito ay nakatuon lamang sa pamimigay ng plaka para sa mga motorsiklo. Hindi nito saklaw ang mga kotse o ibang uri ng sasakyan.
Hinihikayat ang publiko na samantalahin ang serbisyong ito upang agad na makuha ang kanilang plaka at makatulong sa pagsasaayos ng transportasyon at seguridad sa ating mga lansangan.
Para sa karagdagang impormasyon, bisitahin ang opisyal na page ng LTO Region 1 o makipag-ugnayan sa pinakamalapit na tanggapan ng LTO.
