21/07/2025
July 21, 2025
Ang Santos nga Ebanghelyo sumala kang San Mateo
Mateo 12:38-42
Mateo 12:38
Unya dihay mga escriba ug mga Fariseo nga miingon kaniya, "Magtu-tudlo, gusto unta kaming motan-awg ilhanan gikan kanimo."
Mateo 12:39
Apan kanila mitubag siya nga nag-ingon, "Basta kaliwatan nga dautan ug mananapaw mangita gayud ug ilhanan; apan walay laing ilhanan nga igahatag ngadto niini gawas sa ilhanan nga mao si Jonas nga profeta.
Mateo 12:40
Kay maingon nga si Jonas didto sa tiyan sa dakung isda sulod sa tulo ka adlaw ug tulo ka gabii, maingon man usab ang Anak sa Tawo adto sa kinapusoran sa yuta sulod sa tulo ka adlaw ug tulo ka gabii.
Mateo 12:41
Ang mga tawo sa Ninive mobangon ra unya sa adlaw sa hukom uban niining kaliwatana ug magahukom niini sa silot; kay sila nanaghinulsol tungod sa pagwali ni Jonas, ug tan-awa, ania dinhi karoy labaw pa kay kang Jonas.
Mateo 12:42
Ang reyna sa Habagatan mobangon ra unya sa adlaw sa hukom uban niining kaliwatana ug magahukom niini sa silot; kay siya mianhi gikan sa kinatumyan sa yuta aron sa pagpatalinghug sa kaalam ni Salomon, ug tan-awa, ania dinhi karoy labaw pa kay kang Salomon.
Pamalandong:
Maayong adlaw na usab kanatong tanan Brothers and Sisters. Sa atong Ebanghelyo karong adlawa nangayo ug timailhan ang mga Eskriba ug mga Pariseo ngadto sa atong Ginoong Hesukristo. Apan giengnan sila ni Hesukristo nga walay ipakita nga timailhan gawas kang Jonas nga didto sa tiyan sa dakong isda sulod sa tulo ka adlaw. Brothers and Sisters wala pakitai ug ilhanan ang mga Eskriba ug mga Pariseo tungod sa pagkawala nilay pagtuo sa atong Ginoo. Nangayo lang sila ug timailhan kay tungod gusto nilang sukit sukiton o sukdon kung kinsa ba gayud ang atong Ginoong Hesukristo. Apan Brothers and Sisters matud pa sa Juan 20:29 bulahan kadtong wala kakita apan ningtuo
✝ Juan 20:29
"Si Jesus miingon kaniya: Tungod kay ikaw nakakita kanako, mitoo ikaw? Bulahan kadtong wala magpakakita, apan bisan pa, nanagpanoo."
Ug kita isip sumusunod ni Hesukristo nagalakaw kita subay sa atong pagtuo ug dili sa atong mga nakita
✝ 2 Corinto 5:7
"(Kay nagalakaw kita pinaagi sa pagtoo, dili pinaagi sa pagtan-aw)."
Busa mga Egsuon atong patubuon ang atong pagtuo diha sa atong Kasingkasing kay tungod niini mamunga kita ug mga maayong buhat tungod sa atong pagtuo sa Diyos.
