Naka cars

Naka cars Trading

Японы алдарт Панасоник компаныг үүсгэн байгуулагч нь Мацүшита Кооносүкэ гэдэг хүн байдаг. Энэ хүн өөрийнхөө амжилтанд хү...
10/02/2026

Японы алдарт Панасоник компаныг үүсгэн байгуулагч нь Мацүшита Кооносүкэ гэдэг хүн байдаг.

Энэ хүн өөрийнхөө амжилтанд хүрсэн 3 нууцаа ингэж хэлсэн байдаг:

- Би ядуу байсан, өндөр боловсролгүй байсан, бие муутай байсан болохоор л амжилтанд хүрсэн юм гэж.

Энэ эрхэмийг маш энгийн, хүнтэй маш хүндэтгэлтэй харьцдаг байсан гэдэг юм.

Тэгсэн энэ хүний талаар японы жирийн нэг иргэн ийм нийтлэл бичжээ.

Би нөхөртэйгөө шинкансэнд суугаад явж байлаа. Бидний суусан шинкансэнд алдарт панасоник компанийг үүсгэн байгуулагч Мацүшита байгааг бид анзаарав. Нөхөр маань шүтэж биширдэг байсан тул очоод мэндэлмээр байна гээд болдоггүй. Тэр алдартай баян хүн өөрийг нь тоохгүй төвөгшөөх байх гээд зориг нь хүрэхгүй эргэлзээд л байлаа. Би нөхөртөө хэллээ мандарин аваачиж өгөөд, мэндлээд ир гээд.

Нөхөр нээрээ тэгье гээд гартаа мандарин бариад очоод май гээд өгтөл:
- Өө баярлалаа гээд тэр доор нь халислаад идэв. Тэгээд нөхөр ч мэндлээд үг сольсондоо баярлаад л буцаад суудалдаа ирэв. Удалгүй Киото хотод зогсох дөхтөл Мацүшита гуай буух болсон бололтой. Буухаасаа өмнө бидний суудлын дэргэд ирээд:
- Мандарин өгсөнд баярлалаа. Маш амттай байлаа гэлээ. Бид ч бас баярлаад ёслоод үдэж өгөв. Тэгээд цонхруу хартал буусныхаа дараа бидний цонхны хажууд ирээд инээмсэглээд ёслоод биднийг үдэж өгөв. Шинкансэн хөдлөөд явсан ч гараа даллаад зогсоод л байв. Нөхөр маань энэ үйлдэлд нь учиргүй баярлаад нүдэнд нь нулимс цийлэгнээд бөөн баяр гэртээ ирлээ. Тэгээд л гэнэт би бүх цахилгаан бараагаа Панасоник болгоно гээд цахилгаан барааны дэлгүүр лүү гараад явсан. Нээрээ л болгосондоо ( инээв).

👏👏👏👏

Маш алдартай нэр хүндтэй болсон хойноо ч хүнтэй маш энгийн харьцдаг байсан гэгддэг эрхэм юм л даа.

9 настайдаа Осака хотруу сурангаа ажил хийхээр ганцаараа явсан. Маш хүнд өвчтэй байсан ч тэрийгээ ялан дийлж 94 насалж чадсан гээд л түүхийг нь уншвал үнэхээр суралцаж, бодууштай юм их байдаг...

Приус 40 41 ийн ялгаа #Приус40. Battery нь шинэчлэгдсэн Приус 50-ийхтай адилхан, хүчин чадал өндөр сүүлийн үеийн технол...
04/01/2026

Приус 40 41 ийн ялгаа

#Приус40. Battery нь шинэчлэгдсэн Приус 50-ийхтай адилхан, хүчин чадал өндөр сүүлийн үеийн технологийн шингэн battery-тай, мөн багажиндаа нэмэлт суудалтай, энэ нь суудлаа буулгаад 41 болдог давуу талтай гэсэн үг.
#Приус41 Battery нь приус 20,30-тай ижилхэн байдаг ба үйлдвэрийн баталгаа нь 200.000km байдаг болохоор battery-ний асуудал нэлээдгүй гардаг. 5 суудалтай
(Приус40-ийнх 400.000km-ийн үйлдвэрийн баталгаатай)
- Зарим хүмүүс 40 battery-г муу, эвдрэхээрээ үнэтэй, бас олдодгүй гэж ярьдаг нь маш өрөөсгөл ойлголт юм. Battery бараг л эвдэрдэггүй болохоор сэлбэгийн газрууд нэг их оруулж ирдэггүй, мөн үнэ нь 1.2 саятай байдаг шүү.
- 2015 оноос хойш сери-2 буюу дараачийн шинэчилэгдсэн загвар гарсан байдаг.
- Одоо L, S, S Touring, G, G-Touring загваруудын хоорондын ялгааг тайлбарлаж өгъе.
- G Touring гэдэг нь 3 хаалга смарт, хурд түгжигч, 3 салаа гэрэл, их гэрэл шүршигчтэй, руль нь арьсан болдог. Гадна талдаа гэвэл 17 сток обуд болон хормойтой болж өгдөг, мөн гуперны нэмэлт гэрэлтэй.
- Мөн бензин идэлт гэвэл приус 20,30-тай адилхан.
🚗 Приус 40,41 G Touring Skylight гэдэг загвар нь шилэн дээвэртэй байдаг.
🚗 G гэдэг нь 16 тай сток обудтай, хормойгүй болдог ба бусдаар G Touring-тай ижил.
🚗 S Touring гэдэг нь зөвхөн жолооч талын хаалга смарт, хурд түгжигч байхгүй, энгийн рультай, бусдаар G Touring загвартай ижилхэн.
🚗 S гэдэг загвар нь жолооч талын хаалга смарт, 2 салаа их гэрэлтэй, бусдаар G загвартай ижилхэн.
🚗 L гэдэг нь таг энгийн гэсэн үг.
2 салаа гэрэл, жолоочийн хаалга смарт, гуперны нэмэлт гэрэл байхгүй гэх мэт үйлдвэрийн тоног хамгийн муу загвар гэсэн үг.
🚗 За ингээд эцэст нь хэлэхэд Приус 20, 30-тай харьцуулашгүй унаа шүү ххэ.

Winter package

Toyota Winter Package тоноглол гэж юу вэ?

Японы хойд нутгууд хүйтэн цаг ууртай, хур тунадас их унадаг бөгөөд эдгээр бүс нутагт зориулж Тоёотагаас хэрэглэгчид зориулж машинаа захиалж авахдаа нэмэлт төлбөр төлж Winter Package буюу хүйтэн цаг уурт тохирсон багц сонгож авахыг санал болгодог.
- Winter Package машиныг хамгийн энгийн таних арга бол арын гэрлийг харахад баруун талд нь нэмэлт улаан цайртай харагддаг. Цас бороо манантай үзэгдэх орчин хязгаарлагдмал үед нэмэлтээр асдаг манангийн гэрлийг их гэрэл дотор эсвэл гупер дээр тусад хосоор нь эсвэл зөвхөн баруун талдаа асдаг байхаар суурилуулж өгсөн байдаг.

- Энгийн машины хөргөх шингэний концетраци 30% байдаг энэ нь -15 хэмд хөлддөг. Харин 50% болсоноор -35 хэмд хөлдөхгүй. Хөргөх шингэнийг илүү хурдан халаахын тулд яндан дээр нэмэлт халаагуур тавьж өгсөн байдаг.

- Машиныг асаах стартер энгийн машиных 1.3кВт байдаг бол хүйтэн нөхцөлд зориулсан машиных 1.7кВт хүчин чадалтай байдаг.

- Хөлддөггүй илүү хүчин чадалтай том цэнэг хугаагуур (аккумлятор) тавьсан байдаг

- Салоны паарны радиатор халдаг нэмэлт халаагчтай. Салооны паар ажилуулахад илүү хурдан халдаг.

- Урд салхины шил, хойд шил, урд 2 хаалганы шил, хажуугийн 2 толь нь цас мөс арилгах нэмэлт халаагчтай байдаг.

- Урд болон хойд шилний шил арчигчний сахал нь хүйтэнд хөлдөггүй, цас мөс наалддаггүй байдаг.

- Машины дээвэр, шал, хаалганы хэсгүүдэд дулаалгын нэмэлт материал болох цулхай ашиглаж дулаалж өгсөн байдаг.

* Мөн ихэнх машинуудад үйлдвэрээс болон нэмэлтээр суурилуулсан алсаас асаагчтай байдаг

* Хүйтэн цас их ордог газар явдаг машинууд хөдөлгүүрийн болон явах эд ангийн хэсгийг зэвэрч цоорохоос хамгаалж нэмэлт тосон цацлага түрхсэн байдаг. Мөн явах эд анги, рамны хэсгийг зэврэлтэнс хамгаалж тусгай будгаар будсан байдаг гэжээ. Copy

Address

Ulaanbaatar
976

Telephone

+97695187979

Website

Alerts

Be the first to know and let us send you an email when Naka cars posts news and promotions. Your email address will not be used for any other purpose, and you can unsubscribe at any time.

Shortcuts

Share

Category