МӨНХХАДА ХХК
ТОВЧ ТАНИЛЦУУЛГА:
"Мөнххада” компани нь 2013 онд Тоёота Мотор Корпорацийн шинэ автомашиныг Монгол улсад борлуулах албан ёсны эрхийг авч Японы алдарт G-Lion групптэй хамтран үйл ажиллагаагаа эхлүүлсэн. Яармагт байрлах Тоёотагийн албан ёсны засвар үйлчилгээний төвийг 2016 онд ашиглалтад оруулсан бөгөөд өдгөө дөрвөн үндсэн чиглэлээр үйл ажиллагаа явуулж байна.
🤝Тоёотагийн шинэ автомашины худалдаа: Монгол орны эрс тэс уур амьсгал, бартаат замд чанар, эдэлгээгээрээ шалгарч нутагшсан Тоёота брэндийн 11 төрлийн автомашиныг Монголын үнэнч хэрэглэгчдэдээ үйлдвэрээс шууд хүргэж буй. Тоёота брэндийн Land cruiser 300, 76, 78, 79, Hilux, Rav4, Hiace, Granvia, Prado, Prius автомашины шинэ загваруудыг худалдаа, лизингийн хамгийн уян хатан нөхцөл, чанартай цогц үйлчилгээгээр санал болгож байна.
🤝Дугаартай автомашины худалдаа: Toyota-Q үйлчилгээгээр дамжуулан Монгол Улсад үйл ажиллагаа явуулж буй албан ёсны дилерүүдээс борлуулагдсан 7 хүртэлх жилийн насжилттай автомашинуудад цэгэн оношилгоо хийсний үндсэн дээр баталгаат засвар үйлчилгээ, бүрэн угаалга цэвэрлэгээнд хамруулж ашиглалтын доголдолгүй, чанартай автомашин болгон дахин худалдан борлуулах үйлчилгээг санал болгож байна.
👨🔧Тоёотагийн мэргэшсэн засварчдаас бүрдсэн засвар үйлчилгээ, сэлбэгийн худалдаа: Японы Banzai, Италийн Ravagloli, Германы Wurth зэрэг брэндүүдийн орчин үеийн тоног төхөөрөмжөөр бүрэн тоноглогдсон засварын төв Тоёотагаас заасан стандартын дагуу Тоёотагийн үйлдвэрээс нийлүүлэгдсэн сэлбэг хэрэгслийг ашиглан Монгол улсын хамгийн анхны G1 зэргийн болзол хангасан инженерээр удирдуулсан мэргэжлийн засварчид автомашины засвар үйлчилгээг хийн гүйцэтгэж байна.
🚙Автомашины их бие, будгийн засварын үйлчилгээ: Кузов засварын үйлчилгээ нь олон улсын стандартыг хангасан VERTA брэндийн өөртөө хатаалгын системтэй будгийн камераар тоноглогдсон. Түүнчлэн Италийн автомашины рамны гажаа гаргагч GLOBAL JIG төхөөрөмж, SCANGRIP брэндийн будгийн өнгө ялгагч гэрэл, Японы HIRANE үйлдвэрийн гагнуурын машин, STRAIGHT брэндийн хуванцар деталь наагч багаж, Тоёотагийн үйлдвэрт ашиглагддаг NAX брэндийн будаг болон бусад бүх шаардлагатай бараа материалыг Япон улсаас оруулж ирэн үйл ажиллагаандаа ашигладаг.
Их бие, будгийн засвараар мэргэшсэн чадварлаг засварчид маань өөрсдийн технологийн ур чадвар ба тусгай багажуудыг ашиглан Тоёотагийн үйлдвэрлэгчээс өгсөн зөвлөмж, стандарт цагийн дагуу автомашиныг засаж амласан хугацаандаа, өндөр чанартайгаар үйлчлүүлэгчид хүлээлгэн өгөхийг зорин ажиллаж байна.
Дээр дурдсан дөрвөн үндсэн чиглэлээс гадна эх дэлхийдээ ээлтэй Тоёотагийн эрхэм зорилгод нэгдэн автомашины нано технологийг өөрийн охин компани Magic Engineering Auto компаниар дамжуулан Тоёотагийн үнэнч хэрэглэгчиддээ хүргэж байна.
