23/06/2021
မိုးရာသီအတွက်အကြံပေးချင်တာလေးပါ၊ညဘက်အထိကားမောင်းကြသူများ၊မိမိတို့၏ကားမီးခွက် cover ဝါပြီးမှုန်နေပါကဘတ်တိုက်ပြီးကြည်လင်နေအောင်ထားဖို့လိုပါတယ်၊မီးခွက်အတွင်းစလောင်း reflector ဘယ်လောက်ပဲကောင်းနေပါစေ၊ အပြင် cover မှုန်ဝါးနေရင်တော့ညမြင်ကွင်းမကောင်းနိုင်ပါဘူး၊ညပိုင်းမိုးရွာသည့်အချိန်မောင်းနှင်ပါကပိုမိုဆိုးရွားနိုင်ပါသည်၊မီးခွက်ရှေ့ cover များအက်ကြောင်းသေးသေးလေးများထပြီးကျဥ်လာပြီဆိုရင်တော့၊တိုက်ချွတ်ဆေးကြောလဲဂျီးပြောင်သွားပေမယ့်ကြည်တောက်လာမှာမဟုတ်ပါဘူး၊
ဥပမာအနေနဲ့ပြောရမယ်ဆိုရင်၊ Mark II ရွှေငါးရှေ့မီးကြီး ပုံစံမျိုးဆိုရင်တခြားကားရှေ့မီးခွက်ပုံစံတွေထက်နေရောင်ခြည်စားတာပိုခံရလေ့ရှိပါတယ်၊နေစားပြီးဝါသွားမှာစိုးလို့၊စတေကာရိုးရိုးအကြည်နှင့်အပြာလဲ့နေသောစတေကာများကိုကပ်ခြင်းသည်မီးခွက်နေစားပြီးဝါသွားခြင်းကိုအနည်းငယ်ကာကွယ်နိုင်သော်လည်း၊၎င်းကပ်လိုက်သည့်စကေတာမှကော်နှင့်နေရောင်ခြည်အပူရှိန်ထိတွေ့မှုကြောင့်လအနည်းငယ်ကြာလာလျှင်၊ဖိုင်ဘာသားကိုအက်ကြောင်းသေးလေးများဖြစ်ပေါ်လာစေနိုင်ပါသည်၊အထူးဂရုပြုရမှာကတော့၊မီးခွက် cover ကိုမှန်ကြည်ဆေးဖြင့်သန့်စင်ပါ၊ပြီးသွားရင် kit ပေါလစ်လေးတိုက်ပေးပါ၊ပေလစ်မှာပါတဲ့အဆီကြောင့်အပေါယံ coating လုပ်ထားသလိုမျိုးဖြစ်နေမှာပါ၊ဖြစ်နိုင်ရင်စတေကာမကပ်ပါနဲ့၊ဒါကထိန်းသိမ်းကာကွယ်တဲ့အပိုင်းပါ၊
မီးခွက်ကာဗာကအလွန်မှုန်ဝါနေပြီးအက်ကြောင်းတွေထလို့အတော်အခြေအနေဆိုးနေလို့၊မီးခွက်အလုံးလိုက်ကြီးလဲစရာမလိုပါဘူး၊ Mark 2 ရွှေငါး၊ Honda fit/ probox အစရှိတဲ့ကားတွေအတွက်တရုတ်ကမီးခွက်အစုံလိုက်အသစ်ဝယ်လို့ရပါတယ်၊မီးခွက်အစုံလိုက်ကိုသောင်းဂဏန်းကနေတစ်သိန်းခွဲဝန်းကျင်လောက်ရှိနိုင်ပါမယ်၊စျေးအပြောင်းအလဲအနည်းငယ်တော့လမ်းကြောင်းအခြေအနေအရရှိကောင်းရှိနိုင်ပါတယ်၊ကိုယ့်ရဲ့ကားကမကောင်းတော့တဲ့မီးခွက်ကာဗာကိုခွာပြီး၊တရုတ်မီးခွက်ကာဗာအသစ်နဲ့လဲလိုက်ရင်၊ကားရုပ်လေးလဲပိုသစ်သွားမယ်၊လက်ရှိရှိပြီးသားမီးလုံးမီးဆံအဟောင်းနဲ့ပဲ၊သုံးရင်တောင်အဆင်ပြေနိုင်ပါတယ်၊အခုအကြံပြုခဲ့တဲ့အကြောင်းအရာများကတော့ modify မလုပ်ပဲမိမိကားမှာ original ပါပြီးသားဖြစ်တဲ့မီးခွက်၊မီးလုံးမီးဆံများနဲ့ပဲစွမ်းဆောင်ရည်အပြည့်အဝပြန်လည်ရရှိအောင်လုပ်ဆောင်ပေးနိုင်တဲ့အချက်အလက်များဖြစ်ပါတယ်၊