26/01/2026
ယာဉ်မီးလောင်မှု မတော်တဆဖြစ်ပွားခဲ့ခြင်းနှင့် ပတ်သက်၍ ရှင်းလင်းတင်ပြခြင်း ။
———————————————————————
၁။ ကျွန်တော်တို့ ထုတ်လုပ်ရောင်းချထားသော Sinotruk VGV-U75 Plus တစ်စီးသည် (၁၆.၁.၂၀၂၆) နေ့တွင် မောင်းနှင်နေစဉ် မီးလောင်မှု မတော်တဆ ဖြစ်ပွားခဲ့သည့်အပေါ် Customers များအနေဖြင့် စိုးရိမ်ပူပန်မှုများ ရှိနေသည်ကို ကျွန်တော်တို့ အပြည့်အဝ နားလည်လက်ခံပါသည်။
၂။ အဆိုပါ မီးလောင်မှုဖြစ်ပွားသည်ကို သိသိချင်း ကုမ္ပဏီမှ ဒုစက်ရုံမှူး နှင့် တရုတ် Sinotruk VGV ကုမ္ပဏီမှ တရုတ်အင်ဂျင်နီယာ ယာဉ်စစ်ဆေးရေးမှူးတို့ ချက်ချင်းသွားရောက်ခဲ့ပါသည်။ အဆိုပါယာဉ် မတော်တဆ မီးလောင်မှုကြောင့် နေပြည်တော်နှင့် သက်ဆိုင်ရာဌာနဆိုင်ရာများမှ တာဝန်ရှိသူများလည်း စက်ရုံသို့ လာရောက်ပြီး အသေးစိတ် စစ်ဆေးခဲ့ပါသည်။
၃။ မီးလောင်မှုဖြစ်ပွားသည့် ယာဉ်ပိုင်ရှင်ကိုလည်း ချက်ချင်း ကားတစ်စီး အစားထိုးပေးခဲ့ပြီး ယနေ့ထိ ယာဉ်ပိုင်ရှင် နစ်နာဆုံးရှုံးမှုမရှိအောင် ညှိနှိင်းဆောင်ရွက်လျက်ရှိပါသည်။
၄။ ယခုကဲ့သို မတော်တဆ မီးလောင်မှုဖြစ်ပွားခဲ့သည့်အပေါ် ကုမ္ပဏီအနေဖြင့် များစွာစိတ်မကောင်း ဖြစ်ရသည့်အပြင် Customers များ၏ လုံခြုံရေးနှင့် ဘေးအန္တရာယ် ကင်းရှင်းရေးသည် ကျွန်တော်တို့အတွက် အရေးကြီးဆုံးဖြစ်ပါတယ်။ ယခုကိစ္စကို အလေးထား ဆောင်ရွက်နေပြီး After Sales Service ကိုလဲ ပိုမို ကောင်းမွန်အောင် ဆောင်ရွက်သွားမှာဖြစ်ပါတယ်။
VGV-U75 Plus သုံးစွဲနေသော Customers များ စိတ်ချလက်ချ သုံးစွဲနိုင်ရန်အတွက် ယာဉ်များကို အခမဲ့ Safety Inspection အပိုင်းအား ခေါ်ယူစစ်ဆေးမှုများ ပြုလုပ် ဆောင်ရွက်ပေးသွားမှာ ဖြစ်ပါတယ်။ ထို့အပြင် မတော်တဆမီးလောင်မှုကို ကြိုတင်ကာကွယ်နိုင်ရန် မီးသတ်ဗူး (၁)ဗူးအား အခမဲ့ပေးအပ်သွားမည်ဖြစ်ကြောင်း အသိပေးအပ်ပါသည်။
၅။ ဝယ်ယူအားပေးမောင်းနှင်သူ Customers များ ဘေးအန္တရာယ်ကင်းပြီး လုံခြုံစိတ်ချရန်အတွက် ပိုမို ကောင်းမွန်သော After Sales Service အား ကျွန်တော်တို့ ကုမ္ပဏီမှ ကြိုးစားဆောင်ရွက်သွားပါမည်။
