28/05/2026
#မိမိကားကိုအမည်ပေါက်ပြောင်းမည်ဆိုပါက -
===============================
ပထမဦးဆုံး လိုအပ်သော စာရွက်စာတမ်းများပြင်ဆင်ပြီး လူကြီးမင်းနေထိုင်သော မြို့နယ်အခွန်းရုံးသို့ သွားရောက်ကာ အခွန်ဆောင်ပေးရပါမယ်ခင်ဗျာ။
လိုအပ်သောစာရွက်စာတမ်းများမှာ-
(၁) ကား Owner Book (မူရင်း၊ မိတ္တူ)
(၂) ကား Wheel Tax (မူရင်း၊ မိတ္တူ)
(၃) အမည်ပေါက်ပြောင်းမည့်သူ၏ မှတ်ပုံတင် (မူရင်း၊ မိတ္တူ)
(၄) အမည်ပေါက်ပြောင်းမည့်သူ၏ အိမ်ထောင်စု (မူရင်း၊ မိတ္တူ)
(၅) ကားအရောင်းအဝယ်စာချုပ် (မူရင်း၊ မိတ္တူ)
(၆) ကားဓာတ်ပုံ (၃ပုံ)
(ကားအရှေ့၊ ကားအနောက်၊ ကားဘေးဘက်- စုစုပေါင်း(၃)ပုံ လိုအပ်ပါမယ်။)
အထက်ပါ စာရွက်စာတမ်းများ ပြည့်စုံပြီဆိုပါက မိမိ အိမ်ထာင်စုစာရင်းမှာပါတဲ့မြို့နယ်အခွန်ရုံး သို့သွားပြီး ရုံးစာရေးထံတွင်တင်ပြပေးရပါမယ်။
ရုံးစာရေးက ရာဖြတ်(တရာဝင်ကားသတ်မှတ်တန်ဖိုး) မှ သတ်မှတ်နှုန်းထားအတိုင်း သွင်းရမည့်အခွန်ခအားတွက်ချက်ပေးပါမည်။
အခွန်ကျသင့်ငွေသိရပါက ဘဏ်ငွေသွင်းချလံအားစောင့်ယူရပါမည်။ ဘဏ်ငွေသွင်းချလံရရှိပါက နီးစပ်ရာ မြန်မာ့စီးပွါးရေးဘဏ်တွင် အခွန်ငွေအားပေးသွင်းရပါမည်။
ငွေသွင်းပြီးပါက ငွေသွင်းပြေစာအား မိတ္တူတစ်စောင်ကူးပြီး အခွန်ရုံးစာရေးထံသို့ ပြန်တင်ပြပေးရပါမည်။
ထို့နောက် အခွန်ရုံးမှ အခွန်စိမ်းစာရွက် (၂)ရွက်အားထုတ်ပေးပါမည်။
(အခွန်စိမ်းစာရွက်တွင်- Original ဟု ရေးသားထားသော စာရွက်အား ကညနရုံးသို့ ပေးရမည်ဖြစ်ပြီး၊ Copy ဟု ရေးသားထားသော စာရွက်နှင့် ဘဏ်ငွေသွင်းချလန်အား အမည်ပေါက်ကားပိုင်ရှင်မှ သိမ်းယူထားရပါမည်။
(အခွန်စိမ်းဆိုသည်မှာ မိမိမှ ကုန်ပစ္စည်းတစ်ခုကို ဝယ်ယူပြီး ထိုပစ္စည်းအတွက် အစိုးရသို့ တရားဝင်အခွန်ဆောင်ခြင်းဖြစ်သည့်အတွက် အခွန်ဆောင်သူမှ ထိုအခွန်စာရွက်အား သိမ်းယူထားနိုင်ပါသည်။ နောက်ထပ်ကားတစ်စီး ထပ်ဝယ်ပါကလည်း ထိုအခွန်စာရွက်ဖြင့် ခုနှိမ်၍ အခွန်ခပေးဆောင်နိုင်ပါသည်။)
အခွန်ဆောင်ပြီးပါက မိမိကားOwner Book လိပ်စာပါသည့် ကညနတွင် အမည်ပေါက်ပြောင်းလဲနိုင်ပါပြီ။
ရန်ကုန်တိုင်းဒေသကြီးအတွင်းရှိ အခွန်းဦးစီးဌာနရုံးတစ်ချို့၏ လိပ်စာများကို အောက်တွင်ဖော်ပြထားပါတယ်ခင်ဗျ
Crd_Original_Uploader
#
