06/06/2024
ဆိုင်ကယ်ရှိတဲ့ ဘော်ဒါတွေအားလုံး မိုးတွင်းမှာ ဒါတွေစစ်ဖို့ မမေ့နဲ့ !!!
မိုးရာသီဆိုတာ နှစ်စဥ်နှစ်တိုင်း ယာဥ်မတော်တဆမှုတွေ အဖြစ်များတဲ့ကာလတစ်ခုပါ။ အထူးသဖြင့်တော့ မိုးရေကြောင့် လမ်းတွေချောပြီး ဖြစ်တာများပါတယ်။
ဒါပေမဲ့ ဘော်ဒါတို့အနေနဲ့က အကြောင်းအမျိုးမျိုးကြောင့် မိုးတွင်းမှာလည်း ဆိုင်ကယ်မောင်းမှဖြစ်မယ်ဆိုရင်တော့ အောက်မှာပြောထားတာတွေကို စစ်ကိုစစ်ရမယ် ဘော်ဒါတို့ရေ ...။
◾ ဆိုင်ကယ်ဘရိတ်
မိုးတွင်းဆိုရင် လမ်းတွေက ပုံမှန်ထက်ပိုပြီးချောနေတတ်လို့ ဘရိတ်မမိဘူးဆိုရင် အရမ်းအန္တရာယ်များပါတယ်။ ဒါကြောင့် ဘယ်ပဲသွားသွား ဆိုင်ကယ်ဘရိတ်မိ၊ မမိစစ်ဆေးပြီးမှ သွားသင့်ပါတယ်။
◾ ဆိုင်ကယ်တာယာ
တာယာပန်းပွိုင့်တွေ ပါးနေရင် ဘရိတ်မမိတာမျိုး ဖြစ်နိုင်သလို၊ စလစ်ဖြစ်နိုင်ချေလည်း များတာမို့ ဘော်ဒါတို့တွေ အန္တရာယ်ကင်းအောင် တာယာတွေပါးနေရင် လဲလှယ်သုံးပြီး တာယာလေလျော့နည်းမှုရှိ၊ မရှိကိုလည်း ဆိုင်ကယ်မစီးခင်မှာ စစ်ထားရပါမယ်။
◾ ဆီယိုစိမ့်မှုရှိ၊ မရှိ
ဆီယိုစိမ့်နေရင် ဆီဖိုးတွေ ပိုကုန်သလို အင်ဂျင်ကိုလည်း ထိခိုက်စေနိုင်ပါတယ်။ မိုးရေစိုနေတဲ့ လမ်းမှာဆိုရင် ဆီယိုစိမ့်မှုကြောင့် လမ်းပိုချောပြီး မတော်တဆမှုတွေ ပိုဖြစ်နိုင်တယ်နော်။ ဒါကြောင့် ဆီယိုစိမ့်မှု ရှိ၊ မရှိကလည်း စစ်ကိုစစ်ရမယ့်အထဲမှာ ပါ,ပါတယ်။
◾ အင်ဂျင်ဝိုင်
စက်လည်ပတ်မှုအားကောင်းဖို့၊ အင်ဂျင်အပူချိန်ကို ထိန်းသိမ်းဖို့အတွက် အင်ဂျင်ဝိုင်ဆီလုံလောက်မှုရှိ၊ မရှိက အင်မတန်မှအရေးကြီးပါတယ်။ အင်ဂျင်ဝိုင်လုံလောက်မှုရှိမှပဲ အင်ဂျင်အပူလွန်ပြီး ဆိုင်ကယ်စက်ရပ်သွားတာမျိုးမရှိအောင် ကာကွယ်နိုင်မှာပါ။
◾ လျှပ်စစ်ပိုင်း
မိုးတွင်းဆို ဆိုင်ကယ်ရဲ့ ဘတ္ထရီ၊ ဝိုင်ယာကြိုးတွေကို အမြဲစစ်သင့်သလို ရေမထိအောင်လည်း အထူးဂရုစိုက်သင့်ပါတယ်။ မဟုတ်ရင်တော့ ဝိုင်ယာရှော့ခ်ဖြစ်တာမျိုးတွေ ဖြစ်နိုင်ပါတယ်။
◾ ချိန်းအခြေအနေ
မိုးရာသီမှာဆိုရင် ချိန်းတွေ အလွယ်တကူသံချေးတက်နိုင်ပြီး ဆိုင်ကယ်မောင်းတဲ့အခါ အခက်အခဲတွေ ကြုံရတတ်ပါတယ်။ ဒါကြောင့် သံချေးမတက်အောင် ချိန်းတွေကို စက်ချောဆီပုံမှန်သုံးပေးဖို့လည်း မမေ့ပါနဲ့နော်။
ဒီလိုတွေ စစ်ဆေးပြီးရင်တော့ ဘော်ဒါတို့အနေနဲ့ ဘေးကင်းစိတ်ချရတဲ့ ခရီးလမ်းတစ်ခုကို စတင်နိုင်ပါပြီ။
ဒါကြောင့် တခြားဘော်ဒါတွေလည်း မိုးတွင်းမှာ ဘေးကင်းစွာဆိုင်ကယ်မောင်းနိုင်ဖို့ ပြန်ပြီးမျှဝေပေးလိုက်ပါဦးနော် ...
