Myat Moe car workshop

11/02/2024

02/10/2022

07/09/2022

ဆီတိုးလိုက်ပိတ် တဖက်ပဲဆီတက်

04/09/2022

Location

01/09/2022

အင်ဂျင်ချက်မီးလင်းတာ ကောင်းလား ?

အင်ဂျင်ချက်မီးလင်းတာ ကောင်းလားမေးရင် ၊ မကောင်းဘူးဘဲ ဖြေကြမှာပါ ။ ဒါပေမယ့် အင်ဂျင်ချက်မီးလင်းတာ ကောင်းတယ်ဆိုတဲ့ အချိန်တချိန်ရှိပါတယ်။

ကားတွေစက်မနှိုးခင် သော့ဖွင့် Ignition On လိုက်တယ်ဆိုရင် ကားရဲ့ ဒိုင်ခွက်ထဲမှာ Engine Check Light မီးလင်းနေရပါမယ်။ အဲ့လို့ စက်မနှိုးခင် သော့ဖွင့် Ignition On လိုက်လို့ ချက်မီးမလင်းဘူးဆို တိုင်ပတ်ပါပြီ ၊ ကားစက်နှိုးလို့မရတော့ပါဘူး ။ ဒီတော့ ချက်မီးလင်းတာကောင်းလား ၊ မကောင်းဘူးလားမေးရင်တော့ ၊ လင်းသင့်တဲ့ချိန် လင်းရင်ကောင်းပြီး ၊ မလင်းသင့်တဲ့ချိန် လင်းရင် မကောင်းဘူးပဲဖြေရမှာပါ ။

မနေ့က မြို့ထဲအလုပ်ကိစ္စနဲ့သွားနေတုန်း ညနေစောင်းလောက် ဦးလေးဖြစ်သူက ဖုန်းဆက်တယ် ၊ လမ်းမှာကားရပ်ထားပြီး ပြန်ထွက်မယ်လုပ်တော့ စက်နှိုးမရတော့လို့တဲ့ ။ အဲ့ဒါနဲ့နေရာမေးတော့ ဗိုလ်ချုပ်စျေးရှေ့တည့်တည့်လမ်းဘေး ကြီးမှာ ကားပျက်နေတယ်ဆိုတာနဲ့ ကိုယ်တိုင်ပဲ ပြင်မယ့် ပစ္စည်းမပါ ဘာမပါနဲ့ သွားကြည့်ပေးရတယ်။

ဦးလေးက နယ်ကတက်လာတာ ကားက ဖင်ကောက် ဒီဇယ် 3C အင်ဂျင်နဲ့ ။ ဟိုရောက်တော့ စက်နှိုးဖို့ သော့ဖွင့်ကြည့်တော့ ဒိုင်ခွက်ထဲ ချက်မီး Engine Check Light လင်းမနေပါဘူး ။ သေချာပြီး အင်ဂျင်ချက်မီး မလင်းရင်တော့ ပုံမှန်ဆို ဘယ်ကားမှ စက်နိုးစရာမရှိပါဘူး ။ ဒါပေမယ့် သေချာအောင် Start ဆွဲကြည့်တော့ မော်တာလည်ပြီး စက်မနိုးပါဘူး ။

ဒီ ဖင်ကောက် ဒီဇယ် 3C အင်ဂျင်နဲ့ကားတွေမှာ ဖြစ်တတ်တာ တခုရှိပါသေးတယ် ။ တိုင်ပင် Belt ကြိုးပြတ်တာပါ ။ ကားမောင်းနေရင် အရှိန်ရနေချိန် တိုင်ပင် Belt ကြိုးပြတ်တတ်ပြီး ၊ ပြတ်တာနဲ့ ဘားထောက်ပြီး ကင်းရှပ် Camshaft တွေကျိုး ၊ ဘားတွေကောက်တတ်ပါတယ်။ ဒါကတော့သူ့ရောဂါပါ ။
ဒီကားတွေ ထိုးရပ်တာမျိုးဖြစ်ရင် start မဆွဲခင် အဲ့အချက်လေး သတိထားရပါတယ်။ မဟုတ်ရင် ကြိုးပြတ်နေတယ်ဆိုရင် ကိုယ် Start ဆွဲခါမှာ အပေါ်ကလိုဖြစ်ပြီး Head ဖွင့်ရတဲ့ အဆင့်ဖြစ်တတ်ပါတယ်။ သတိထားရမယ့် အချက်ပါ ။

ခုကားကတော့ ချက်မီးမလင်းတာဆိုတော့ ဝါယာရိန်းလိုင်းပိုင်းဖြစ်မယ်ဆိုတာ စဉ်းစားမိပါတယ်။ သူ့မှာဖြစ်တတ်တာက ပန့်မီးခေါင်းကို မီးမရောက်တာ ၊ နောက် EFI Fuse နဲ့ ၊ Relay တွေမကောင်းတာ အဖြစ်များ တယ်လို့ တွက်ဆပြီး ၊ EFI Fuse နဲ့ Relay တွေစစ်ကြည့်တော့ 15Amp EFI Fuse တချောင်းပြတ်နေတာ တွေ့ပါတယ် ။

အဲ့ဒါနဲ့ Fuse အပိုမရှိတာနဲ့ ကားမှာပါလာတဲ့ ဝါယာကြိုးကိုပဲ ဝါယာစအမျှင်လေးတွေ ထုတ်ပြီး အစားထိုးထည့်ပေး ၊ Fuse ပြတ်ရတဲ့ အကြောင်းလိုက်ရှာကြည့်တော့ ကြိုးလိုင်းတွေပေါက်နေတာနဲ့ ကားမှာပါတဲ့ ဝါယာတိတ်နဲ့ပတ်ပေးရပါတယ်။

Fuse ပြန်ထည့်ပေးပြီး စမ်းတော့လည်း Engine Check Light မလင်းသေးပါဘူး ။ စက်လည်းမနှိုးသေးပါဘူး ။ အဲ့ဒါနဲ့ EFI Relay အပေါ်က အခွံကိုချွတ်ပြီးစစ်ကြည့်တော့ Relay က ကပ်ချင်သလိုလို မကပ်ချင်သလို ဖြစ်နေတာ သွားတွေ့ပါ တယ်။ အဲ့ဒါနဲ့ Relay Point လေးကိုပဲ ဝပ်အူလှည့်နဲ့ တွန်းကပ်ပေးလိုက်တော့မှ ချက်မီးလည်းလင်း ၊ စက်လည်း နိုးရသွားပါတယ်။

စက်ပြန်သတ် ၊ ပြန်နှိုးစမ်းကြည့်တော့ Fuse ကတော့ မပျက်တော့ပါဘူး ၊ Relay က တချက်တချက် အဲ့လိုကြောင်နေတာတွေ့ရတယ်ဗျ ၊ ဖြစ်နိုင်တာ ကတော့ Relay Coil တွေအားနည်းပြီး Relay Contact Point တွေကို မဆွဲနိုင်တော့တာမျိုးပါ ။

အချိန်ကလည်း ညနေစောင်း ၊ အနီးနားမှာလည်း သူ့အမျိုးအစား ပစ္စည်းဝယ်ဖို့မလွယ် ၊ ဦးလေးကလည်း ခရီးဆက်ဖို့ကလည်းရှိတော့ ၊ Relay အလုပ်လုပ်ပုံလေးကို နည်းနည်းပြောပြပြီး ၊ အဆင်မပြေရင် ၊ အခုလို ထပ်ဖြစ်ရင် Relay Contact Point လေးကို ကိုယ်တိုင် တခုခုနဲ့ ကူပြီးတွန်းကပ်ပေးပြီး နှိုးဖို့ ပြပေးလိုက်ရပါတယ်။

(ပုံတွေကတော့ သူ့ကားက ပုံတွေမဟုတ်ပါဘူး နမူနာပုံစံတူတွေပါ၊ လမ်းဘေးကြီးမှာ အချိန်မရှိ အချိန်မတော် အပြေးအလွှားသွား ပြင်ရတော့ ဘာပုံမှ ရိုက်ချိန်မရတော့ပါဘူး)

ကားမောင်းရင်း မတော်တဆလမ်းမှာဖြစ်ရင် စက်နှိုးမရရင် ၊ စမ်းသပ်ဖို့ လိုလာရင် ဒီအချက်လေး တချက် သတိရဖို့ အကြံပြုတာပါ ။

သော့ဖွင့်ချိန် ဒိုင်ခွက်ထဲ ချက်မီးမလင်းရင် ကားစက်မနှိုးပါဘူး ။ နားမလည်ဘဲ Start တွေ လှိမ့်ဆွဲစမ်းရင် ဘတ္ထရီ အားကုန်တာပဲ အဖတ်တင်ပါမယ်ဆိုတာ တင်ပြလိုက်ရပါတယ်။

Check မီး မလင်းတာတွေကတော့ အမျိုးမျိုးဖြစ်တတ်ပါတယ်။ အဖြစ်များတာက EFI Fuse တွေ ၊ Relay တွေပျက်တာ ၊ Ground ကြိုးတွေလွတ်တာ ၊ ECU နဲ့ BCM တွေပျက်တာတွေ အဖြစ်များပါတယ်ခမျာ။

စာဖတ်သူမိတ်ဆွေညီကိုမောင်နှမအားလုံး နည်းပညာဗဟုသုတ ကြွယ်ဝကြပါစေ။
Prime Auto Technology ကထုတ်ထားတဲ့ ကားနှင့်ပတ်သတ်သော နည်းပညာစာအုပ်များ ဝယ်ယူလိုပါက
(1) လက်တွေ့အသုံးချ ကားဝါယာရိန်းနည်းပညာများစာအုပ်
https://www.facebook.com/Prime125/posts/2868462253452510
(2) လက်တွေ့အသုံးချ ကားအဲကွန်းနှင့် ဝါယာရိန်းနည်းပညာများစာအုပ်
https://www.facebook.com/1596624100636338/posts/2830034373961965/?d=n
(3) ကားရောဂါ လက္ခဏာများ စာအုပ် အတွဲ (၁) + (၂)
https://www.facebook.com/1596624100636338/posts/2859262071039195/?d=n
ကားဝါယာရိန်း နည်းပညာသင်တန်းများ တက်ရောက်လိုပါက
https://www.facebook.com/Prime125/posts/2906050449693690
(မှတ်ချက် ။ ပေ့စ်များ ၊ အကောင့်များတွင် ဒီစာကိုကြော်ငြာအဖြစ် ကော်ပီကူးယူတင်ပြခြင်း ၊ စာများဖြတ်တောက်ပြီး လိုသလိုအသုံးပြုခြင်း ခွင့်မပြုပါခမျာ)
Prime Auto Technology ရဲ့ Telegram Channel ကို Join ပြီး နည်းပညာများလာရောက် လေ့လာနိုင်ပါတယ်ခမျာ ။
https://t.me/Primeautotechnology
Lynn Za Nee ( P.T.U)
Prime Auto Technology

01/09/2022

ပန်ကာကြိုးလဲခြင်း

31/08/2022

Hino

31/08/2022

Start engine