01/06/2026
ယနေ့ သော်တာ အင်္ဂျင်ဝိုင် ဖွင့်လှစ်ရောင်းချခြင်း(၂၅)နှစ်မြောက်အထိန်းအမှတ်အနေနဲ့ ဝယ်ယူအားပေးကြတဲ့ စျေးဝယ်များအား တဦးလျှင်ဧရာမင်းထူးရှယ်ဆန်(၃)ပြီစီ မေတ္တာလက်ဆောင်ပေးလှူခဲ့ပါတယ်။
(၂၀၀၁)ဂျွန်လ(၁)ရက်မှာ မုံရွာ ရဲတိုက်တန်းမှာ စတင်ဖွင့်လှစ်ခဲ့တဲ့ မူလ ဘူတ နေရာလေးကိုလည်းမမေ့သလို ဘဝတပါးပြောင်းသွားကြတဲ့ ကျနော်နဲ့အတူရုန်းကန်ခဲ့တဲ့ ကိုရှည်ကြီး၊ ကိုစိုးမိုးတို့ကိုလည်း ပြုသမျှကုသိုလ်တို့ကို သတိတရ အမျှပေးဝေလျက်ပါ။
(၂၅)နှစ်တာကာလအတွင်းမှာ အခက်အခဲအမျိုးမျိုးတွေကို ကျော်ဖြတ်ခဲ့ပြီးအောင်မြင်မှုလေးများအတွက် သော်တာမိသားစုအနေနဲ့ ရောင့်ရဲ ကျေနပ်မိပါတယ်၊၊
ခုလိုရပ်တည်နိုင်ဘို့ အားပေး ကူညီကြတဲ့ ရန်ကုန်ဘုရင့်နောင်မှ ကုန်သည်ကြီးများနဲ့ မိတ်ဘက် ကုမ္ပဏီအပေါင်းကိုလည်း ကျေးဇူးအထူးတင်ရှိပါတယ်။
သော်တာမှ ကျနော့် သားသမီးများ၊ကုန်စည်စီးဆင်းရန်ဆောင်ရွက်ပေးကြတဲ့ ကားဆရာများ ကုန်တင်ကုန်ချအလုပ်သမားများကိုလည်း ကျေးဇူးတင်ရှိပါတယ်။
အိမ်သုံး တဗူး၊တခွက်၊တစိတ်မှစ၍ဝယ်ယူအားပေးကြတဲ့ ထမင်းရှင်များ၊ကိုယ်ပိုင်ကားဆရာများ၊အငှါးယာဉ်မောင်းကားဆရာကြီးများ၊ချင်းတွင်းမြစ် အတွင်းမှ စုန် ဆန် ပြေးဆွဲနေကြတဲ့ ခရီးသည်တင် အမြန်ရေယာဉ်နှင့် ကုန်တင်မော်တော်ရေယာဉ်ဆရာကြီး နဲ့ ကျနော်တို့ထံမှ တဆင့်ပြန်လည်းရောင်းချပေးကြသော အနယ်နယ် အရပ်ရပ်မှ မိတ်ဆွေကုန်သည်ကြီးများပါမကျန် ကျေးဇူးတင်ထိုက်သူအားလုံး ကိုယ်၊စိတ်နှစ်ဖြာ ကျန်းမာ၊ချမ်းသာကြပါစေ။
သော်တာနဲ့စပ်သမျှ ယာဉ်၊ရထား၊စက်ရန္တယားတွေ အချွတ်အယွင်း အတိမ်းအစောင်းမရှိ လွယ်ကူစွာသွားလာလှုပ်ရှားနိုင်ကြပါစေကြောင်း ဆုတောင်း
မေတ္တာ ပို့သအပ်ပါသည် ခင်ဗျား။
