25/07/2026
ရိုးသားပါ
ဘယ်နေရာ ဘယ်ဒေသမှာ ဘာတွေပဲ
လုပ်ကိုင် နေရပါစေ””ရိုးသားခြင်းသည်သာ ခွန်အားပါ။
အခု ဆိုလိုတဲ့ ရိုးသားခြင်းက တခြား အရှည်ကြီး
မတွေးပါနဲ့””
ကြီးကြီးကျယ်ကျယ်တွေ မဟုတ်ပါဘူး။
တည့်တည့်လေး သွားပါ။
ရှင်းရှင်းလေး လျှောက်ပါ။
ပွင့်ပွင့်လင်းလင်းလေး ပြောပြပါ။
ပြောဆို ညှိနှိုင်း ပူးပေါင်း ဆောင်ရွက်
ခြင်းမျိုးပါ။
ဘာပဲလုပ်လုပ် ပေါ့”””
မရှင်းမလင်း လုပ်ကိုင်ခြင်းဟာ
အရာရာကို ရူပ်ထွေးသွားစေပါတယ်။
ဒါကြောင့်”””
ရိုးသားလိုက်ပါ။
ရိုးဂုဏ်ဆိုတာ ဘယ်တော့မှလည်း စားမကုန်နိုင်ပါဘူး။
အထင်ကရ မျက်မြင်အရ
အုန်းကနဲ့ ဘုန်းကနဲ့ ဖြစ်ချင်မှဖြစ် ပြပေလိမ့်မယ်။
ဒါပေမယ့်
ဘယ်အချိန် ဘယ်ကာလ
ဘယ်နေရာရောက်ရောက် ကိုယ့်ကိုကိုယ် သံသယ ကင်းကင်းနဲ့ ဘဝကို ဖြတ်သန်းနိုင်စေပါတယ်။
စိတ် လွတ်လပ်ပါတယ်။
နေရထိုင်ရ သွားရလာရတာ ပေါ့ပါးပါတယ်။
လန်းဆန်းနေမယ်၊ ရဲရင့်တယ်၊တည်ကြည်နေတယ်။
မျက်နှာဟာ ပွင့်လန်းနေပါ့မယ်။
တကယ်တော့ ဘဝရှင်သန်ခြင်းဟာ””
စိတ်အေးချမ်းပြီး ငြိမ်းချမ်းစွာ လျှောက်လှမ်းနိုင်ဖို့ကသာ လိုရင်းပါ။
ပစ္စည်းဥစ္စာတွေ ဘယ်လိုပဲ ပေါများနေပေမယ့်”””
အချွေအရံတွေ ဘယ်လောက်ပဲ များပြားနေပါစေ”
သွားလေရာ မတော်တရားလို့သာ အလေးပေး ဆက်ဆံပေး နေရပေမယ့်”””
စိတ် စေတနာမပါတဲ့ လိုက်လျော ပေးနေမှုတွေဟာ သူလည်း လေးပင်နေရသလို၊ ကိုယ်လည်းစိတ်ကျဉ်းကျပ်ပါတယ်”””
ဆိုတော့”””
ရိုးသားတာ အကောင်းဆုံးပါပဲ။
မရှိ မရှိဘူး။
မသိ မသိဘူး။
လုပ်ရင် လုပ်တယ်၊ မလုပ်ရင် မလုပ်ဖူး၊
သိတ် ရှင်းလင်းတဲ့ နေထိုင်ခြင်းမို့
ဘဝဟာ ပေါ့ပါးနေပါတယ်။
အဲလိုသူဟာ
ဘယ်နေရာ သွားရမလည်း
ဘယ်သူနဲ့ တွေ့ရမလည်း၊ ဘယ်လိုစကားမျိုး
ပြောဆိုရမလည်း အကုန်ဖြစ်တယ်။
ကြောက်နေတာ တွန့်ဆုတ်နေတာ လုံးဝမရှိဘူး။
ဒါကြောင့်”””
ရိုးသားလိုက်စမ်းပါ။
မလိမ့်တပတ်နဲ့ တချို့”””ဥပယ်တမျှင်လို့
ဆိုကြတာ ရှိသေးတယ်။
ဒါ ဘယ်လိုပြောပြော လိမ်တာပါပဲ။
ညာတာပါပဲ။
သွယ်ဝိုက်ပြီး ကိုယ်လိုတာကို လှည့်ပတ်
လုပ်ယူခြင်း မျိုးပါပဲ။
ဘာမှ မထူးဘူး”””
ဒါ အရင်းစစ်လိုက်ရင် “မရိုးသားခြင်း”ပါပဲ။
ဒဲ့( တည့်) သမားတွေမှာ
စကားပြောဆိုတာ ကြမ်းတမ်းတာ ရှိကောင်းရှိမယ်။
ဒါပေမယ့်”””
သူတို့ မဟုတ်တာ မလုပ်ဘူး။
မမှန်တာ မပြောဘူး။
အကျိုးမဲ့စေတဲ့ အလုပ် မလုပ်ကြပေဘူး။
ကိုယ်လိုတာ ရရှိဖို့ လှည့်ပတ်ပြီး ပြောနေပြီ၊
အကြောင်းတရားတွေ စကားမရှိ စကားရှာ
ဖောင်ဖွဲ့ လျှောက်ရေးပြနေပြီ၊
ပြောပြ နေပြီ ဆိုရင်”””
သေချာတယ်”””
မရိုးသားတော့ဘူး။
သူ့အပစ် ဖုံးဖိချင်လို့””
သူ့ လုပ်ရပ် ပေါ်မှာစိုးလို့””
ဒါ ရှင်းတာပဲ”””
လိုရင်း မရောက် ဖြစ်နေပြီဆိုကတည်းက
ဒါ မဟုတ်တော့ဘူး”””
ဝေးဝေးက ရှောင်နေတာ အကောင်းဆုံးပါ။
မဖြစ်လို့ ဆက်ဆံ နေခဲ့မိရင်တောင်”””
ဒါနောက်ဆုံးပါပဲ။
ဘယ်တော့မှ ခြေဦးမလှည့်တော့ဘူး။
တည့်တာပဲ ကောင်းပါတယ်။
မတ်နေတာပဲ ကောင်းပါတယ်။
ရိုးရှင်းကြတာပဲ ကောင်းပါတယ်။
Kolinn Carbody repair painting.
Magwe
