Petrolheads Club

18/03/2026

مرسيدس كابريوليه 190 🤯

18/03/2026

18/03/2026

12.80 للتر فالمغرب و2 دراهم للتر فالجزائر… واش هادشي معقول😨

18/03/2026

لا يمكن ان يكون لدينا احتياط 60 يوم وارتفاع السعر بعد 15 يوم نتعرض لأكبر سرقة واستخفاف بالمواطن الدي يدفع تمن كل شيء يجب ان نصحا ونقاطع هده الشركات التي هي سبب كل مصائب المواطن البسيط

18/03/2026

مرسيدس 190

18/03/2026

اَلنوردشليف نوربورغرينغ 💚

18/03/2026

🚨 مهرجان "اللهطة" العالمي: كيفاش توفر 5 دراهم وتخسر 50 درهم د المازوط وأنت واقف فالسينيال! 🚨
​أش هاد المهزلة؟ وأش هاد "القاعيدة ديال الجوع" اللي ولات فينا؟ واش حنا شعب كايعيش الأزمة، ولا شعب "كيصنع" الأزمة بيده ومن والو؟ 🤦‍♂️
​السيناريو كيتعاود كل مرة: ك تخرج إشاعة (ولا خبر صحيح) بلي الزيادة غتكون مع 12 د الليل.. هنا "الفراقشية" ديال فيسبوك كيديروا خدمتم، كيشعلوا العافية، والشعب "الملهوط" كيدير "بومبا" فدماغه قبل ما يوصل للبومبا ديال المازوط!
​تفضلوا شوفوا قمة "الذكاء" الاقتصادي:
​الحساب المقلوب: بنادم شاد الصف ساعتين، ضارب الطروبيا، ومخسر نص لتر د المازوط غير فـ "الرونتي" (Ralenti) باش يعمر طوموبيله ويوفر في الطروبية كاملة واحد 10 دراهم ولا 15 درهم. واش هذا اقتصاد ولا "مرض نفسي" سميتو اللهطة؟
​صناعة الأزمة: المحطة كيكون فيها المازوط كافي ليوماين، كيهجموا عليها "الملهوطين" فدقة وحدة، كيتقاضى الستوك، كتولي أزمة حقيقية.. ومن بعد نرجعو لفيسبوك نتباكاو: "مابقاش المازوط، البلاد غادية للهاوية!". راه أنت اللي هويتي بديك العقلية ديال "خزّن لا يطير".
​الفراقشية والقطيع: هادوك اللي كيبقاو يبارطاجيو: "سارعوا قبل النفاد"، "الليلة العظمى".. هادوك راه كايضحكوا عليكم. حولوا الشعب من مواطن واعي كيطالب بحقه، لـ "كائن ملهوط" كيجري مورا "ليصانص" بحال لى غيتقطع من العالم.
​الخلاصة:
​الزيادة كاينة، والحكرة كاينة، هادشي ما فيهش الشك. ولكن باش نزيدو عليها بـ "قلة النفس" و"اللهطة" ونعطيو الفرصة للي بغا يضحك علينا، فهنا حنا اللي كنصنعو الأزمة. راه الفرق بين "مواطن واعي" و"ملهوط" هو الثبات. أما هاد الزحام اللي كنشوفو الليلة، راه كيبين بلي "الفراقشية" نجحوا فالمهمة ديالهم ورجعوا بنادم كيخاف من 20 ريال زيادة كتر ما كيخاف على كرامته وهو واقف فديك الصفوف ديال الذل.
​عفاكم، اللي في كرشو العجينة ديال الجوع يخليها لراسه، ما تزيدوش تمرضونا بهاد المناظر ديال "آخر أيام روما". ✋🚫
​ #اللهطة #الفراقشية #المغرب

17/03/2026