26/01/2026
طاح في الشبكة نصاب عندو سوابق دار صفحة سماها مؤسسة أهل الخير لحفر الآبار والصدقات الجارية ، كاينشر فيديوهات ماشي ديالو كايطلق الأدس باش يطلعو الفيديوهات لأكبر عدد ديال الناس ، وكاين لي تاق فيه وصيفاط ليه فلوس باش حفر بيهم آبار وماحفر حتى بير الفضيحة هو تعاونو معاه ناس بمئات ملايين السنتيمات وماصدق حتى روبيني في سبيل الله ، وربي ملي بغا يفضحو ، طمع بزاف وتعمات ليه البصيرة ونشر فيديو ديالي مصورو شي واحد من بعيد ونا مابنتش ليه ، هز المقطع فيه الما طالع وكتب فوق منو خليو الفرحة تكمل نجهزو هاد البير نوصلو الما للناس ، المصيبة هو البير محفور هادي أربع سنوات ومجهز وهو مافراسو والو بل حنا حافرينو في الحوز هو قاليهم البئر في شيشياوة ، تاصلت بيه خرج فيا عينو وقاليا شهرتي بالمؤسسة ديالي راني غاندعيك وقلت ليه نتلقاو في محكمة ، مشيت صليت الجمعة في السجود ديالي قلت لكان بصاح كايعاون ناس ياربي تبينو ليا ، تغديت دخلت ميسانجر كانلقا ميساجات ديال ضحايا ديالو يشتكون منه ، قسما بالله ماعمرو حفر شي بير ، تاصلت بيه ولا كايطلب السماحة ، قلت ليه راه خاصك طلب السماحة من ناس لي ديتي ليها رزقها وتعطي الفقراء حقهم ، قالي والله ماباقي نعاود محا الصفحة ، جاني اتصال قالو لي خويا امين ماتزكلوش راه باغي يخرج فلوس غذا ويهرب لبرا ، تاصلت بمحامي قالي خويا امين خاصك تكون مفيرسي ليه عاد تقدر دير بيه شكاية ، دبا كانوجه رسالتي للضحايا غدا حطو بيه شكاية حيث هدا كان دار صفحة في الأول وحجزو ليه على الهاتف الشرطة وماقدرش مزال يدخل ليها ، ملي خرج من الحبس دار صفحة جديدة ملي فضحتو ناض مسحها ، دبا صفحتو السابقة ستجدونها في أول تعليق ، والمعلومات لي عندي راه عندو جوج مقرات واحد في العرايش واحد في تطوان شنو الحل مع هاد النصاب المقطر من فعلو ، بارطاجيو المنشور........يتبع
