23/12/2025
فالسوق المغربي، بزاف كيشوفو DOT بحال “تاريخ الانتهاء”.
ولكن فالحقيقة، إلا كان بنّو جديد، اللي كيفرق بصّاح هو كيفاش كان مخزّن.
✅ شنو خاصك تعرف:
البنّو ما كيتلفش “بوحدو” إلا كان مخزّن مزيان.
ميشلان فحملة “Tires Are Not Bananas” ذكّرات بلي دارو اختبارات وقارنو بنوات جداد مع بنوات ما مستعملينش مخزنين حتى 3 سنين، وما كان حتى فرق فالأداء إلا كان التخزين صحيح.
وبالاحتياط، أي بنّو كيتعتبر “قديم بزاف” إلا فات 10 سنين.
🧊 شروط التخزين الموصى بها (بنوات جداد):
- بلاصة مسدودة، نقية، وناشفة (بعيد على الرطوبة وتسرب الماء)
- الحرارة تكون مستقرة (ماشي سخونية بزاف ولا تبدلات كبار)
- بعيد على الشمس / الأشعة UV (ماشي فڤيترينة كتضربها الشمس)
- بعيد على مصادر الأوزون (موتورات كهربائية، كومبريسور، لحام، ترانسفورماتور)
- بعيد على الزيوت/المازوط/المواد الكيميائية (زيت، بنزين، صباغة، منظفات قوية)
- ما يكونش ضغط ولا ثقل كيشوه الشكل (ما يتحطّش فوقو حمولة ثقيلة)
🎯 الخلاصة: DOT + تخزين مزيان = بنّو جديد موثوق.
الخطر الحقيقي ماشي DOT “ماشي ديال هاد الشهر”، الخطر هو تخزين خايب (شمس، سخونية، أوزون، مواد كيميائية…).
