الأعطال الكهربائية-السيارات

14/08/2026

11/08/2026

سيارة انخدم محركها وطلع فيها صوت بنترية واضح
الميكانيكي شاري سماعة ب45 دينار اقنع بيها صاحب السيارة ان الصوت من الرشاشات بعد ما غيرلها شماعي وشوية حبشتكنات .
جانا بينظف الرشاشات ومقتنع ان كلام الخرتيت صحيح وغير قابل للنقاش وللعلم قبل الخدمة ماكانش فيها صوت .
قضينا وحطيناهم ع الماكينة للتجربة وكلهم كويسات يتكتكوا زي الساعة .
هذه القصة تطور للجملة الشهيرة((تحرك بيها يومين تتعدل)).

معلومة :
وحدة من علامات تعطل حساس الطرق knock sensor
السيارة ترزن في الطلعة وبعد سرعة 60 تتسرح شوية لكن مش شرط يكون الحساس نفسه مضروب ومش مقياس ان اي حد عنده المشكلة معناها بيكون من knock sensor.
تتشابه الاعراض وتختلف المسببات

08/08/2026

يوم الاربعاء جاني زبون عنده سبورتاج 2013 شاريها من فترة بسيطة
مشكلتها الصبح بس لما تولعها الكوادرو يفصل اول ما يضغط البصمة .
قلت له جرب حاجتين
الاولى حط الريموت ع البصمة وولع بيه والثانية اعفس فرينو وشوف ضي السطب يشعل او لا .
الخميس قال ماصار شي .
اليوم جاني مشيت معاه ولما وصلت ولعتها ولعت طول 😁😁. صار له ستك مافهم شي
ركبت الفيشة مابتش تخدم
الفيوزات كويسات والكهرباء واصل فيشة الكشف
ركبت الفيشة تاني خدمت طول 🙃🙃
درت كشف تام مالقيتش أخطاء .
اعطيته طريقة يولع بيها من ريلاي الموتورينو في حالة انها دارتها تاني وولعت من الريلاي معناها موضوعها بين التشيبولة وبوكس البصمة
لو ماولعتش معناها الموتورينو يبي دورة

07/08/2026

مع الشواء اللي صاير في أسعار زيت المحركات تخليك تمشي بنظام الامريكان
كل 20الف كيلومتر لو نقص زيده كيلو وخلاص

03/08/2026

بعد جبنا الهزاز متاع كشف الصالة تبين ان اكثر الاصوات من براريم مرخيات ودادوات متفولتات

27/07/2026

مركز سند لصيانة السيارات - Sanad Center for Car Maintenance