19/11/2020
එන්ජිමක කොටස්
භාවිතා කරන ඉන්ධන අනුව එන්ජිමක් පෙට්රල් හා ඩීසල් වශයෙන් ප්රධාන කොටස් 2කට බෙදා වෙන්කරගන්න පුලුවන්..වාහනයක් ධාවනය වීම සදහා යාන්ත්රික ශක්තිය නිපදවීම එන්ජිමේ පධාන කාර්ය වන අතර ඒ සදහා එන්ජිම තුල ක්රියාත්මක වන්නාවූ ප්රධානම කොටස් පිලිබදව තමයි අද මම කතා කරන්න යන්නේ....
එන්ජිමක ප්රධානම කොටස් කීපයක් ඇත..
1. සිලින්ඩර හිස
2. සිලින්ඩර බද
3. පිස්ටනය
4. පිස්ටන් අත
5. දගර කද
6. කැමි දණ්ඩ
7. වෑල්ව
1. සිලින්ඩර හිස (engine head)
මෙය චීනට්චට්ටි ලෝහයෙන් වාත්තු කර ඇති නමුත් නවීන මෝටර්රථ එන්ජින් සදහා සිලින්ඩර හිස ඇලුමිනියම් මිශ්ර ලෝහයකින් නිෂ්පාදනය කර ඇත. චූෂණ හා පිටාර වෑල්වයද මෙය තුල ක්රියාත්මක වේ. තවද චූෂණ (inlet) හා පිටාර (exhaust) වායු මාර්ග, පෙට්රල් එන්ජිමක නම් පුලිඟු පේනු ද ඩීසල් එන්ජිමක නම් ඉන්ධන විදිනද, රොකර් ආම්(rocker arm), තාප පේනු(thermal plugs),හා ටැපට් කවරය සවිකිරීමට ඇණ තව්ද මෙහි ඇත.
2. සිලින්ඩර බද (engine block)
එන්ජින් කොටස් අතර ප්රදානම කොටස ලෙස සිලින්ඩර බද හැදින්විය හැක. මෙය වාත්තු කිරීමේදි සිලින්ඩර බෝරයක්ද දගර කද භ්රමණය සදහා මව් බෝරයක්ද ජලය සංසරණය සදහා ජල කුහරද තෙල් ( oil ) සංසරණය සදහා කුහරද නිර්මාණය කර හැක. මෙය චිනට්චට්ටි ලෝහයෙන්ද නිර්මාණය කර ඇත.
3. පිස්ටනය (piston)
ඉන්ධන දහනයෙදී නිපදවන ශක්තිය පිස්ටනය මතට ලබාගෙන එය පිස්ටන් අත හරහා දගර කදට ලබා දීම මෙහි ප්රධාන කාර්ය වේ. ඇලුමිනියම් මිශ්ර ලෝහයකින් මෙය නිපදවා ඇත.
4. පිස්ටන් අත (connecting rod)
ඉන්ධන දහනයෙදී පිස්ට්න් මගින් ඇතිකර දෙන බලය දගර කද (crank shaft) වෙත ලබා දීම මෙමගින් සිදු කරයි . මෙය චීනට්චට්ටි ලෝහයෙන් නිශ්පාදනය කර ඇත.
5. දගර කද (crank shaft)
පිස්ටනය මගින් පිස්ටන් අත හරහා ලබා දෙන රේඛීය චලිතය භ්රමණ චලිතයක් බවට පත් කිරීම දගර කද මගින් සිදු කරයි . දගර කද දෙදරීම් මගින් වළකා ගැනීම සදහා එන්ජින් බදට තදින් සවිකර ඇත. දගර කද ද මිශ්ර වානේ වලින් නිපදවා ඇත.
6. කැමි දණ්ඩ (cam shaft)
මෙය චීනට්චට්ටි ලෝහයෙන් නිපදවා ඇත. මෙහි ප්රධාන කාර්ය වන්නේ එන්ජිමේ චූෂණ/සම්පීඩන/බල/පිටාර යන පහරවල් වලදී එන්ජිමේ ඇති වෑල් කැමි දණ්ඩේ ඇති කැමි මගින් නිසි වෙලාවට විවෘත කිරීමයි.
7. වෑල්ව (valve)
මේවා ප්රධාන වශයෙන් චූෂණ හා පිටාර ලෙස වර්ග 2 කින් යුක්ත වේ. චූෂණ වෑල්වය පිටාර වෑල්වයට වඩා තරමක් විශාලය. සිලින්ඩරය තුලට ඇතුලු වූ වාතය සම්පීඩන පහරේදී කාන්දු වීම වළකා තබා ගැනීම වෑල්වයක ප්රධාන කාර්ය වේ. මේවාද චීනට්චට්ටි ලෝහයෙන් නිපදවා ඇත.
Page එකට like කරන්න. Share කරන්න.
ඔබගේ අදහස comment කරන්න..
