16/09/2026
🚨 හම්බන්තොට වරායේ Smart Key ජාවාරමක් හෙළිවෙයි! 🚗🔑
හම්බන්තොට වරාය හරහා මෙරටට ගෙන්වන වාහනවල ‘Smart Key’ සොරාගෙන අලෙවි කිරීමේ ජාවාරමක නිරත වූ බවට සැකපිට වරාය සේවකයෙකු සහ එම යතුරු මිලදී ගත් ව්‍යාපාරිකයෙකු අත්අඩංගුවට ගෙන තිබේ.
🔹 සැකකාර වරාය සේවකයා විසින් මාස කිහිපයක් තුළ Smart Key 45ක් පමණ සොරාගෙන අලෙවි කර ඇති බව පොලිස් විමර්ශනවලදී අනාවරණය වී ඇත.
🔹 වාහන වර්ගය අනුව එක් Smart Key එකක් රු. 6,000 සිට විවිධ මිල ගණන් යටතේ අලෙවි කර ඇති බව සඳහන් වේ.
🔹 මෙම ගනුදෙනු හරහා සැකකරු රුපියල් ලක්ෂ 15කට අධික මුදලක් උපයාගෙන ඇති බවට විමර්ශනවලදී අනාවරණය වී තිබේ.
🔹 වරාය සේවකයාගෙන් ලද තොරතුරු මත කුරුණෑගල ප්‍රදේශයේ ව්‍යාපාරිකයෙකුද අත්අඩංගුවට ගෙන ඇති අතර, ඔහු Smart Key මිලදී ගත් බවට ප්‍රකාශ කර ඇත.
🔹 ඔහු සතුව තිබූ අදාළ Smart Key කිහිපයක්ද පොලිස් භාරයට ගෙන තිබේ.
⚖️ සැකකරුවන් දෙදෙනා හම්බන්තොට මහෙස්ත්‍රාත් අධිකරණයට ඉදිරිපත් කිරීමෙන් අනතුරුව, එළැඹෙන 22 වනදා දක්වා රක්ෂිත බන්ධනාගාරගත කර තිබේ.
🔍 මෙම ජාවාරම හම්බන්තොට වරාය හරහා වාහන ආනයනය ආරම්භ කළ කාලයේ සිට සිදුව ඇති බවටද වරාය ආරක්ෂක අංශ සහ පොලිසිය සිදුකළ විමර්ශනවලදී තොරතුරු අනාවරණය වී ඇත.
👮 හම්බන්තොට වරාය පොලිසියේ ස්ථානාධිපති පොලිස් පරීක්ෂක අජිත් ප්‍රියන්ත මහතාගේ උපදෙස් මත, අපරාධ විමර්ශන අංශය වැඩිදුර විමර්ශන සිදුකරයි.
