27/11/2019
News එකක් හෝ උපුටා ගත නොහැකි ලිපියක් share කලොතින් ඇර මීට කලින් වෙන කෙනෙක් මහන්සියෙන් ලියපු දෙයක් හෝ ලිපියක් මේ page එකේ පලකලේ නෑ. වෙන එනෙක්ගේ දෙයක් මගේ වගේ පළකලේද නෑ. ඒ සම්ප්රදාය කඩමින් සහෝදර තාක්ෂණවේදියෙක් වන උත්පල මහීකාන්ත ගේ මේ ලිපියට සාධාරණයක් කිරීම සඳහා ඔහුගේ අනුමැතිය ඇතිව මෙහි පලකරමි.
ගැරිජ් කතාවක්!
මේක ලියන්නෙ මම ඇතුලු සමස්ථ කුඩා පරිමාණ ගරාජ් වර්ගයා වෙනුවෙන් සහ ඒ ගැරිජ් වලට තමන් දුක් මහන්සි වෙලා අමාරුවෙන් හම්බ කරල ගත්ත වාහනේ අරන් හදා ගන්න යන පාරිභෝගික මහතුන් වෙනුවෙන්..
. ව්යාපාරිකයෙක් විදියට මේක නොලීව යුතු දෙයක් වෙන්න පුලුවන්..ඒ වගෙම මේක පොර ටෝකක් වත් ලොකු සීන් එකක් වත් නෙමෙයි.ගරාජ් එකක් කරගෙන යනකොට අවුරුදු ගානක් පුද්ගලිකව අත් විදින්න උන කර්කශ කඨොර සිදුවීම් වලින් මිරිකිලා ලැබුනු අත්දැකීම් වලින් උක්තයෙහි කියූ දෙකොට්ඨාශයටම සාධාරනයක් වෙන්න කියල හිතල ලියන එකක්..ඒ වගෙම මේක බලපෑමක් නෙමෙයි කාරුණික ඉල්ලීමක්...
කතාවට යනවනම් කුඩා පරිමාණ ගරාජ් කාරයෙක් කියන්නෙ සල්ලි භාගෙ යහමින් තිබිල සීතල වීදුරු මාලිගාවක කස්ටමර්ව ඉන්දවල කූල් ඩ්රින්ක් එකක් දීල ,බේබි ඩෝල් වගේ රූප සම්පත්තිය තියෙන අංගනාවක් දම්මල සිරික්කියක් දාල කස්ටමර්ගෙ හිත පුරවල බිල දෙනකොට වින්ද විසූක දස්සන වලට හරියන්න බොටුව මිරිකල හිස්ගෙඩියට කුඩුවෙන්න වෙඩි තියල බිලක් දාල දෙන්න පුලුවන් පොරවල් නෙමෙයි..
උන් බහුතරය හරිම අමාරුවෙන් දනීස් ගෙවෙනකම් ඇවිදල ඉගෙන ගන්න කාලෙ බඩට කෑමක් නොකා ඇදුරු තුමන්ලාට මෙහෙවර කරල අනේක දුක් ගැහැට විදල මේ කර්මාන්තෙ ඉගෙන ගෙන කාටවත් අත නොපා ජීවත් වෙන උන්.(කස්ටමර්ගෙ රීරි මාන්සෙ උරා බීල වාහනේ හප කරල දාන උන් සුලු පිරිසක් නැතුව නෙමෙයි හරිය)
ඉතින් උන් අමාරුවෙන් ස්වාදීන වෙන්න කියල පුංචියට ගැරිජ් කට්ටක් දාගත්තට පස්සෙ වාහනයක් හදල ඉවර උනාම මොණ්ර කොල ටිකක් හම්බ උනාම උන්ගෙ තියෙන ප්රස්න ඔක්කොම අලුයම ලූ කෙළ පිඩක් සේ දූරිම්භූත වෙල නිවසට ශ්රියා කාන්තාව ඇවිත් සිතූපැතූ සම්පත් ලබාදෙන ඇලඩින්ගේ පුදුම පහන ගෙනත් දෙන්නෙ නෑ ඔය කිව්වට..
උන් බහුතරයටකට තියෙනව සේවාවක් ලබාදීල ගන්න මුදලින් අනිවර්ය වියදම් ටිකක්..ඒව තමයි
• සේවක වැටුප්
• ගරාජ් කුලී
• විදුලි බිල්
• ජල බිල්
• ගෙවී යන කැඩී යන ආවුද වෙනුවෙන්
• ස්කෑනර් වගේ උපකරන නඩත්තුව සහ යාවත්කාලින් කිරීමට
• ඔය ඔක්කොම කරන්න ගරාජ් එක දා ගන්න මුලින්ම ගත්ත බැංකු ණය වාරික
වගේ වියදම්
ඊට අමතරව තව සුලු සුලු වියදම්
අන්තිමට කොහොමහරි හැම දුකම විදල ඔය ටික ගෙව්වට පස්සෙ ඔය සේරම කරේ ගෙදර මිනිස්සු එක්ක සතුටින් කාල බීල ෂැපේ ඉන්න කියන එක විතරක් මග ඇරෙන වෙලාවලුත් තියෙනව..
ඉතින් වදේ ගොනා පස්සෙ එන ගැල වගෙ එන, ඔය ටික ගානට බැලන්ස් කරගෙන ගෙවාගෙන යන්න නම්
ගරාජ් එකේ වැඩ ටික හරියට ගානට නූලට බැලන්ස් කරගෙන යන්න ඕන..
ඔන්න ඔතනදි බලපාන ප්රධානම ප්රශ්නයක් තමයි සේවක ප්රශ්නය.අද මේ රටේ තත්වෙ බැලුවම හැලියක් තරම් ඔලුවක් ඇතුලෙ අලයක් තරම් මොලයක් තියෙන එකෙකුට උනත් තේරෙන දෙයක් තමයි මේ රටේ ශ්රමිකයන්ගෙ විශාල හිගයක් තියෙනව .කොටින්ම ගහකින් ගෙඩියක් කඩා ගන්න එක, මිදුලක් උදලු ගා ගන්න එක පවා ඩිමාන්ඩ් එකක් තියෙන රස්සා වෙලා.. ඉස්සර ගෙදර මහ තැනට ඔයටික කරන්න පුලුවන් කම තිබුනට පරිණාමයට පින්සිද්ද වෙන්න අද ඉන්න උගත් යැයි සම්මත උන්ට ගස් යන්න බෑ..
එහෙව් එකේ අද දෑතෙ කර්මාන්තයකට නිපුන කාර්මිකයෙක් හොයා ගෙන උගේ කොන්දේසි ටිකට එකග වෙලා රස්සාවට ගන්නවට වඩා ලේසියෙන් බාගෙදා කිසා ගෝතමියට උනත් කිසිවෙකු නොමල ගේකින් අබ මිටක් හොයා ගන්න පුලුවන් කම තියෙන්න තිබ්බ....
(මෙතන නිපුන කාර්මිකයෙක් කියනෙ සහතිකයක් තියෙන නිපුන කාර්මිකයෙක් නෙවෙයි හරිය..හරියට වැඩේ කරන්න පුලුවන් නිපුන කාර්මිකයෙක්)
ඉතින් එහෙම උන් හොයාගෙන අමාරුවෙන් ගරාජ් එකක් ඇදගෙන යද්දි වෙලාවක් කලාවක් නැතිව වැඩ කරන්න වෙනව.දවසට පැය අටක් වැඩ කරනව වෙනුවට උදේ පාන්දර කුකුල අතේ අරන් වැඩ පටන් අරන් රෑ ජාමෙ වෙනකන් වැඩ කරන්න වෙන වෙලාවල් තියෙනව.සමහර වැඩත් එක්ක කන්න වත් විවේකයක් නැතුව කස්ටමර්ගෙ හිත සංතර්පනය කරන්න වෙන වෙලාවල් තියෙනව..
ඇත්තටම මෙහෙම අමතර කාලයක් අරන් වැඩ කරා කියල පුංචි ගරාජ් කාරයන්ට කස්ටමර්ගෙන් වැඩි පුර මුදලක් අය කරන්න හැකියාවක් නෑ.සාමන්ය ජොබ් එකේ ගානම තමයි අය කරන්න වෙන්නෙ..නැත්තම් වැරදිලාවත් පහුවදාට ඉරිද ලංකාදීප පත්තරේ අරන් බැලුවත් හොයාගන්න පුලුවන් අහවල් ගැරිජ් එකේ අහවල් වැඩේ කරා ..ඒ වැඩේට මෙච්චර ගානක් ගත්ත.. ඒක මහ අසාධාරනයි ඒ අපරාදෙට නම් ඔය ගැරිජ් කාරයට සහ ගහනව සා..... වගේ ආමන්ත්රන නම්බුනාම එක්ක ප්රසිද්ධ කරල ඇති.
ඒත් ගරාජ් කාරය විදියට ගෝලයොන්ගෙන් නියමිත වෙලාවෙන් පස්සෙ වැඩ ගනිද්දි උන්ට අතිකාල දීමනාවක් වත් දිය යුතුයි. නීතිය කොහොම උනත් ඒක හාම්පුතෙක්ගෙ සදාචාරත්මක යුතුකමක්..නැත්තන් ගෝලයො ගෑස් පිම්බුවම ගරාජ් කාරයගෙ හුලං බහිනව... මේ අතිකාල දීමනාව බොහොදුරට ගෙවන්න වෙන්නෙ ගැරිජ් කාරයගෙ ශුද්ධ ලාබෙන්. ඒ කියන්නෙ අර උඩ කියපු වියදම් ටික ඇරියට පස්සෙ හවසට විෂ්කි පොඩ්ඩක් කටේ හලාගෙන බයිට් පොඩ්ඩක් කන්න ඌ ආස තැනකට පවුලත් එක්ක ගිහින් ඉදල එන්න ඉතුරු වෙන සොච්චමෙන්.එහෙමත් නැත්තම් ගෙදරට හාල් පොල් ටික අරන් යන්න තියෙන කාසි කැටෙන්.
ඔච්චර කටු කාපු එකාටයි ඌත් එක්ක ආපු ගෑනිටයි නම් නොකා නොබී හරි ඉන්න බැරියැයි. ඒත් ඔතන ඊට එහා ගිය දෙයක් තියෙනව.. ඒකෙ සම්පූර්න අවාසිය තියෙන්නෙ කස්ටමර්ට. හේතුව කස්ටමර් පත්තරේ ලිපේ දාල ලිප නිවෙන්න කලින් වහනේ ලෙඩ ටික හදා ගෙන යන්න කියල හිතාගෙන ආවට ඒ විදියට කරන වැඩේ ගුනාත්මක තාවය ගැන ගැටලුවක් තියෙනව..
හේතුව නියමිත වෙලාවෙන් පස්සෙ කාර්මිකයො ටික වැඩ කරාට ඒ වෙනකොට ඔවුන් දවස පුරා වෙහෙසට පත් වෙලා කායිකව සහ මානසිකව පිරිහිලා ඉන්නෙ.වැඩ කරන වෙලාව උදේ අට පහ නම් පහ වෙද්දි උන් ඉන්නෙ දරු මල්ලො ඉන්න එකෙක් නම්
උන් ටික නිදා ගන්න කලින් කඩල ගොට්ටක් හරි අරන් පැටවු ටික නිදා ගන්න කලින් ගෙදර දුවන්න.උන්ට ලැබෙන ඕ ටී එකෙන් ලැබෙන මුදලට ඒ සතුට ලබා ගන්න බෑ.. උදේ ගෙදරින් පිට වෙනකොටත් පැටවු ටික නිදි නම් උන් ටික නැගිටල අම්මගෙන් අහන්නෙ අම්මෙ තාත්ත කියන්නෙ බෝඩින් කාරයෙක් වගේ එකෙක්ද කියල.
ඕකා තාම කසාද බදින්න හිතන් ලවු කරන එකෙක් නම් උගෙ කෙල්ලගෙන් දාහක් ප්රශ්න , ඔයා හුගක් වෙනස් වෙලා,කවදාද ආයෙ එන්නේ හමු වන්න මා ඉතින්,සිහිනයකි ඔබ නිහඬ මැදියම් රෑ දාහක් කතා..
අවසානෙ කෙල්ල කියන්නෙ මජං නාන ගැරිජ් කාරයෙක්ට මෙච්චර වදින්න පුලුවන්ද.තමුසෙ වාහනත් එක්කම ඉන්නව මම කහ පාට ටැංකිය තියන පලල් රෝද බයික් එකක් තියෙන ඔපිස් එකක වැඩකරන ලස්සන කොල්ලෙක් ඒක්ක ගියා කියල.
හාම්පුතාට බැහැ කියන්න බැරි කමට රස්සාව බේර ගන්න ඕන කමට මේවට උදැල්ල නොදා කර බාගෙන නයිටත් ගැහුවට උගෙ හිතේ තියෙන්නෙ වහනේ වැඩේ නෙමෙයි.ඌ සල්ලි හම්බ කරල ගෙවන්න හිතාගෙන හිටපු ජීවිතේ මොන වගේද දැන් ගෙවන ජීවිතේ මොනවගේද කියන් එක.එතනදි කරන වැඩේ ගුනාත්මක භාවය බොහෝම නරක විදියට අඩු වෙනව. ඒත් ඒක කස්ටමර්ට අදාලම නෑ මොකද ඔහු ඇවිත් ඉන්නෙ සල්ලි දීල වාහනේ හදාගෙන යන්න නිසා.
ඔතනදි ගිරේට අහුවෙච්ච පුවකෙ වගේ තැලෙන්නෙ ගරාජ් කාරය .ඌ තමන්ගෙ ගෝලයො ටික බැලන්ස් කර ගන්නත් ඕන කස්ටමර් බැලන්ස් කර ගන්නත් ඕන.. කොහොම හරි ඔය දෙකම බැලන්ස් කරගෙන වැඩේ ඉවර වෙලා රෑදොලහට ගෙදර ගියා කියල හිතමු. ඉවරයි කියල හිතුවට ඉවර නෑ පින්වතුනි තව තියෙනව..කලින් දවසෙ රෑ දොලහට වැඩ ඉවර වෙලා ගෙදර ගිය උන් පහුවදා වැඩට එන්නෙ දවල් එකොලහට.එතකොට එදා දවසෙ වැඩ ටික ආයෙ පස්සට එකතුවෙලා එදාටත් දීපන්කො ඕටී.එහෙමයි කියල මරන්නද ! බෑනෙ නිපුන කාර්මික ශ්රමය සහ දැනුම වක්කඩ කැඩුව වගේ හම්බෙන්නෙ නෑනෙ.ඊලගට තමා මහ කෙලිය, රෑ නිදිමරගාතෙ කරපු වැඩේ ගැස්සිලා පහුවදා කස්ටමර් කම්ප්ලේන් කරනව මේකෙ අවුලක් තියෙනව කියල.. ඒක ආයේ බලන්න වෙනව.එක පාරක් කරපු වැඩේ අතගාල රෙද්දක් ඇදන් ආයේ සල්ලි ගන්න බෑනෙ ඉතින්.ඒ කාලයෙ සහ ශ්රමයේ වටිනාකම යන ලෝකෙකට කියල ගැරිජ් කාරයගෙ පිං පොතට .
ඔහොම වැඩ එක දෙක චොර වෙලා යද්දි කස්ටමර්ට ගැරිජ් එකත්, හාම්පුතාට ගෝලයොන්වත් ගෝලයොන්ට හාම්පුතාවත් පේන්න බැරිව යනව ..උනුත් වැඩටික අත ගානව කිසි පිලිවෙලක් නෑ හාම්පුතත් දෙන්නම්කො ඕකට කියල දත්මිටි කනව.. අන්තිමට හාම්පුතයි ගෝලයොයි කෙලගෙන ගැරිජ් එක වහල දානව..
ඒ හින්ද අපේ වගේ පුංචි ගැරිජ් වලට යන මහත්වරුන්ගෙන් දොහොත් මුදුන් දීල වැඳල ඉල්ලන්නෙ ..වාහනේ හරියට හදා ගන්න ඕන නම් යන ගැරිජ් එක ගැන දැනගෙන විශ්වාසෙන් යන්න පත්තරේ ලිපේ දාල වාහනේ ගැරිජ් එකේ දාන්න එපා.. දාපු වෙලේ ඉදල ගල් පැලෙන බේගල් කියල වහනේ ඉක්මනට හදල දෙන්න කිය කිය වද දෙන්න එපා..දවස් ගනන් වහන ගැරිජ් එකේ දාගෙන ඉන්න එක පුංචි ගැරිජ් වලට ගොඩක් පාඩුයි.මොකද වෙන වහනයක් ගන්න බැරුව එකම වාහනෙ දවස් ගානක් කර කර ඉදල ගන්න මුදල දවස් ගානෙන් බෙදුවම කාලයට ශ්රමයට දැනුමට බොහොම නොවටිනා මුදලක් තමා අතට එන්නෙ.. එහෙම තියෙද්දිත් ගොඩක් අය වහනේ හදල දෙන්නම් කියල කල් ඉල්ලන්නෙ ඒ අයට තියෙන ප්රමානික දනුම සහ පහසුකම් අනුව ඇත්තටම ඒකට ඒ පුද්ගලයාට යම්කිසි කාලයක් වැය වෙන දෙයක් නිසා.
ජීවිතකාලෙන් භාගයක් යකඩ ග්රීස් එක්ක ගැරිජ් වල මජං කන උන්ටත් හම්බ කරන සල්ලි වලින් ජීවිතය විදින්න, ජිවත් වෙනවා කියල දැනෙන්න ජීවත් වෙන්න විවේකයක් නිවාඩුවක් තියෙන්න ඕන.. හැමදාම මුදල් වෙනුවෙන් අනුන් ගේ ප්රස්නයක් ඔලුවට දාගෙන රෑට නින්ද යන්නෙ නැතුව කල්පනා කරන උන්ට නිවාඩු පාඩුවෙ ගෙදර වැඩක් කර ගන්න තමන්ගෙ ප්රශ්නයක් කල්පනා කරන්න නිවාඩුවකුත් තියෙන්න ඕන.
පිස්සු දොස්තරලගෙන් බේත් ගන්න කවුරුත් කැමති නෑ වගේම පිස්සු බාස් දෙන කසාය නස්න වලට වාහන කැමතිත් නෑ.. ඒ නිසා හැකිතරම් වැඩ කරන වෙලාව තුල කාර්මිකයාගෙ සේවය ලබාගැනීමට කවුරුත් උත්සහා කරන්න..
මේව ගැරිජ් කරන හැමෝටම ලියල ප්රසිද්ද කරන්න බැරි උනාට හැම ගැරිජ් කාරයම කාර්මිකයම ඔහොම හිතනව..මං වගේ ගං කබරයින්ට නැව ගිලුනත් බෑං චූන් නිසා බිස්නස් එකට හෙන ගහල ගියත් ගිනි හීතලේ පාන්දර එකහාමාරටත් යුනිකෝඩ් කොටනව..
අද ඉපැදුණු නැවුම් ලොවට
සිවු දෙවියනි වරම් දෙන්න
පතිනි මවුනි බැල්ම හෙලා
හද සුව යහනේ රකින්න
-උත්පල මහීකාන්ත.
