26/09/2026
Membership Agreement ........................................
නැනෝ ඩොක්ටර් ඔටෝ හබ් (ප්‍රයිවට්) ලිමිටඩ්
NANO DOCTOR AUTO HUB (PVT) LTD
(සමාගම් ලියාපදිංචි අංකය: 00333865)
සාමාජිකත්ව ගිවිසුම (MEMBERSHIP AGREEMENT)
මෙම සාමාජිකත්ව ගිවිසුම නැනෝ ඩොක්ටර් ඔටෝ හබ් (ප්‍රයිවට්) ලිමිටඩ් (මෙතැන් සිට "සමාගම" ලෙස හඳුන්වනු ලබන) සහ පහත සඳහන් සාමාජිකයා අතර .................. දින අත්සන් කොට බලාත්මක කරනු ලැබේ.
1. සාමාජිකයාගේ විස්තර (Member Details)
සාමාජිකයාගේ සම්පූර්ණ නම: ..........................................................................................................
ජාතික හැඳුනුම්පත් අංකය: ..........................................................................................................
ලිපිනය: ...........................................................................................................................................
දුරකථන අංකය: ........................................... WhatsApp අංකය: ...........................................
ප්‍රධාන වාහනයේ විස්තර (Primary Vehicle):
වාහන අංකය: ........................................... මාදිලිය: Tata Nano
එන්ජින් අංකය / චැසි අංකය: ....................................................................................................
අතිරේක වාහන විස්තර (Additional Vehicles - ඇත්නම් පමණක්):
(සෑම අතිරේක නැනෝ රථයක් සඳහාම මාසිකව රු. 500/= ක අමතර ගාස්තුවක් එකතු වේ)
අතිරේක වාහන අංකය 01: ........................................... මාදිලිය: Tata Nano
අතිරේක වාහන අංකය 02: ........................................... මාදිලිය: Tata Nano
2. සාමාජික ගාස්තු සහ ගෙවීම් කොන්දේසි (Fees & Payment Terms)
ආරම්භක ලියාපදිංචි ගාස්තුව: රු. 2,500/= (එක් වරක් පමණක් අය කරනු ලබන අතර, නැවත ලබා ගත නොහැක).
පළමු මාසයේ සහනය: ප්‍රථම වරට ලියාපදිංචි වන අවස්ථාවේදී ගෙවිය යුත්තේ ලියාපදිංචි ගාස්තුව වන රු. 2,500/= පමණි. මාසික සාමාජික ගාස්තුව අය කිරීම ඊළඟ මාසයේ සිට ආරම්භ වේ.
මාසික සාමාජික ගාස්තුව: රු. 1,000/= (ප්‍රධාන වාහනය සඳහා). සාමාජිකයා සතුව අතිරේක නැනෝ රථ ඇත්නම්, ලියාපදිංචි කර ඇති සෑම අතිරේක වාහනයක් සඳහාම මාසිකව රු. 500/= බැගින් එකතු වේ.
ගෙවීම් කාලසීමාව සහ සහන කාලය:
මාසික සාමාජික ගාස්තුව සෑම මසකම ................ දින සිට දින 5ක් ඉක්ම නොයන සේ ගෙවා නිම කළ යුතුය.
ගෙවීම් ප්‍රමාදවීම් සහ අහෝසි වීම්:
නියමිත දින සිට දින 5ක් ඉක්මවා ගෙවීම් සිදු කරන අවස්ථාවලදී, සාමාජික මුදල් ගෙවූ දින සිට ඉදිරි දින 7ක් දක්වා කිසිදු සාමාජික වරප්‍රසාදයක් හිමි නොවේ. දින 7 අවසානයේ සාමාජිකත්වය නැවත සාමාන්‍ය පරිදි සක්‍රිය වේ.
අනුගාමිකව මාස 3ක් සාමාජික මුදල් නොගෙවුවහොත් සාමාජිකත්වය ස්වයංක්‍රීයව අහෝසි වේ.
වසරේ වරප්‍රසාද නොලැබීමේ විශේෂ ප්‍රතිලාභය (No-Claim Benefit):
පළමු සාමාජික වර්ෂය තුළ සාමාජිකයා විසින් කිසිදු සාමාජික වරප්‍රසාදයක්/වාසියක් ලබාගෙන නොමැති නම්, දෙවන වසර සඳහා සාමාජික මුදල් අය නොකෙරේ.
3. සාමාජික වරප්‍රසාද සහ සේවා (Membership Benefits)
සාමාජිකත්වය සක්‍රියව පවතින කාලසීමාව තුළ සාමාජිකයා වෙත පහත සඳහන් විශේෂ වරප්‍රසාද හිමිවේ:
අමතර කොටස් (Spare Parts) වට්ටම්:
සමාගම වෙතින් මිලදී ගන්නා සියලුම අමතර කොටස් සඳහා 10% ක ස්ථිර වට්ටමක් හිමිවේ.
විශේෂ නිවේදනය: ඇලෝවීල් (Alloy wheels), ගියර් බොක්ස් (Gearbox) වැනි රු. 50,000 ට වැඩි වටිනාකමකින් යුත් අයිතම සඳහා 10% හිමිකම අදාළ නොවන අතර, ඒ සඳහා ලබා දිය හැකි උපරිම විශේෂ දීමනාව සමාගම විසින් ලබා දෙනු ඇත.
කැරියර් සේවා වට්ටම්: හදිසි ප්‍රවාහන (Towing / Carrier) අවශ්‍යතාවලදී 20% ක වට්ටමක් හිමිවේ.
ටිංකරින් සහ පේන්ටින් (Tinkering & Painting) වට්ටම්: සමාගම හෝ අනුමත ගරාජ් හරහා සිදුකරන ටිංකරින් සහ පේන්ටින් සේවා සඳහා 5% ක වට්ටමක් හිමිවේ.
නොමිලේ ස්කෑන් සහ දෝෂ පරීක්ෂාව: වාහනයේ එන්ජින් සහ ඉලෙක්ට්‍රොනික පද්ධති ස්කෑන් කිරීම (Computer Scanning) සහ දෝෂ පරීක්ෂාව නොමිලේ සිදුකර දෙනු ලැබේ.
Breakdown හදිසි සහාය: ධාවනය අතරමගදී වාහනය අක්‍රිය වන අවස්ථාවලදී ක්ෂණික තාක්ෂණික සහාය, මඟපෙන්වීම සහ සම්බන්ධීකරණය සපයනු ලැබේ. හැකි අවස්ථා වල එහි ගොස් උදව් ලබා දෙනු ලැබේ.
හදිසි රෙපයාර් සඳහා පොලී රහිත ණය පහසුකම (Emergency Interest-Free Loan):
ඇක්සිඩන්ට්, හදිසි රෙපයාර් හෝ ස්පෙයා පාට්ස් අවශ්‍යතාවලදී රු. 10,000/- දක්වා පොලී රහිත ණය මුදලක් සමාගම විසින් ලබා දෙනු ලැබේ.
මෙම පහසුකම එක් මාසයකදී සීමිත සාමාජිකයින් සංඛ්‍යාවකට පමණක් ලබා දෙන අතර, ලබා ගන්නා ණය මුදල මාස 3ක් ඇතුළත නැවත පියවිය යුතුය.
සාමාජිකයාගේ නිවැරදි ගෙවීම් පූර්වාදර්ශය මත පදනම්ව පසුව ලබා දෙන ණය මුදලේ අගය වැඩි කිරීම පිළිබඳ තීරණය සමාගම විසින් ගනු ලබයි.
4. නියමයන් සහ කොන්දේසි (Terms & Conditions)
මෙම ගිවිසුම යටතේ හිමිවන සියලුම වරප්‍රසාද අදාළ වන්නේ ගිවිසුමේ ලියාපදිංචි කර ඇති වාහන අංක සඳහා පමණි. වෙනත් වාහන සඳහා මෙම වරප්‍රසාද පැවරිය නොහැක.
මාසික සාමාජික ගාස්තු හිඟ පවතින අවස්ථාවලදී හෝ නියමිත කාල සීමාව ඉක්මවූ පසු අදාළ වට්ටම් සහ නොමිලේ ලබාදෙන සේවාවන් තාවකාලිකව අත්හිටුවීමට සමාගමට පූර්ණ බලතල ඇත.
වට්ටම්, ණය පහසුකම් සහ නොමිලේ සේවා ලබා ගැනීමට පෙර සාමාජික identity පත/අංකය/වාහන අංකය ඉදිරිපත් කළ යුතුය.
සාමාජිකයාට ඕනෑම අවස්ථාවක ලිඛිතව දැනුම් දී සාමාජිකත්වයෙන් ඉවත් විය හැක. කෙසේ වෙතත්, ගෙවන ලද ලියාපදිංචි ගාස්තු හෝ මාසික ගාස්තු නැවත ලබා දෙනු නොලැබේ.
සමාගමේ සේවා කොන්දේසි වෙනස් කිරීමේ හෝ යාවත්කාලීන කිරීමේ අයිතිය නැනෝ ඩොක්ටර් ඔටෝ හබ් (ප්‍රයිවට්) ලිමිටඩ් සතුව පවතී.
5. එකඟතාව සහ අත්සන් (Acceptance & Signatures)
ඉහත සඳහන් සියලුම නියමයන් සහ කොන්දේසි මම හොඳින් කියවා තේරුම් ගත් අතර, ඊට කැමැත්ත පළ කරමින් මෙසේ අත්සන් කරමි.
..........................................................
සාමාජිකයාගේ අත්සන
දිනය: ...........................................
..........................................................
නැනෝ ඩොක්ටර් ඔටෝ හබ් (ප්‍රයිවට්) ලිමිටඩ් වෙනුවෙන්
(බලයලත් නිලධාරියාගේ අත්සන සහ නිල මුද්‍රාව)
දිනය: ...........................................
