20/01/2025
ඔබත් ට්රිප් යන්න ළමයි ලොකු වෙනකන් ඉන්න කෙනෙක්ද?
මමත් අවරුදු 6 කට වගේ ඉස්සර එහෙම හිතුවා. ඒ මතය වෙනස් කරගන්න මට හේතු ගොඩක් තිබුනා. කොහොම හරි අපි දෝනිව මාස 5 න් දවස් 4ක ට්රිප් 1කක් ගියා මුලතිව්, වේරවිල් වලට. එක දවසක beach camping එකක් එක්කම. අපේ පොඩ්ඩව මාස එක හමාරෙන් Devil's staircase එක්කන් ගියා. ඒ ඔක්කොම පටන් ගත්තේ blue dragon(land cruiser 80) එකත් එක්ක. ඉතින් යන්න ආස අය ඉන්නවානේ, එත් ඒක හරි අමාරු දෙයක් කියල හිතල අතහැරලා දමන අය වෙනුවෙන් මගේ අත්දැකීම් බෙදාගන්න හිතුවා.
☘️ළමයින්ව ගෙනියන්න ඕනේ ඇයි?
ගොඩක් අය හිතනවා දැන්ම ගමන් ගිහාම ළමයින්ට තේරෙන්නේ නෑ තව ටිකක් ලොකු උනහම යන්න ඕනේ කියලා. එක ඇත්තද?
මට හිතෙන්නේ අපි ගමන කල් දමන්න හදා ගත්ත කතාවක් කියලා. ඒ ගමන තුලින් දරුවන් ලබන සතුට එයාලගේ මානසික සමබරතාවයට හරිම වැදගත්.අපි නොසිතුවට එයාලගේ මනසේ හරි ලස්සනට ඒ දේවල් තැන්පත් වෙනවා. අහල තියෙනවා නේද බබාලා පොඩි කලේ එයාලට තේරුනේ නැතත් කතා පොත් කියවන්න කියල.මේකත් ඒ වගේ. ඒවා ළමා මනස වර්ධනයට ලබා දෙන stimulations.
අපි පොඩි කලේ ගියපු ගමන් තාමත් අපේ හිතේ හරි ලස්සනට තැන්පත් වෙලා තියෙනවා.හරි සුන්දර මතකයන් විදිහට. එත් අද අපිට වැඩිහිටියන් විදිහට ඒ කලේ වගේ විදින්න බෑ කියලා තේරෙනව නේද? මොකද ළමා කලේ ජීවිතේ විදින ආකාරය හරි වෙනස්. ඉතින් ඒ දේ අපි ළමයින්ට ලබා දීම තුලින් සුන්දර මතක එයාලගේ ජිවිතයට එකතු වෙනවා.
🍀හොදම වයස මොකක්ද?
ඕනෙම කාලයකදී ළමයින්ව ට්රිප් එක්කන් යන්න පුළුවන්. පොඩිම කලේ කෑම හදාගන්න විදිහක් තියේ නම් ගොඩක් ලේසි. මම නම් ඒ කලේ බබාට serial/ baby biscuits වගේ දේවල් දුන්න ගමනේ පහසුවට. පුළුවන් වෙලාවට එයාගේ කෑම හදා ගත්ත. ලොකුවට හිතුවොත් අපිට ගමන වෙහෙසකර වෙනවා.
breast-feeding කරන කලේ ට්රිප් යන්න ගොඩක් ලේසි . මොකද බබාට කෑම හදන්න ඕනේ නෑ, ළමයි දුවන්න පනින යන්නෙත් නෑ , වැඩිපුර වෙලාවක් බබා නිදා ගන්නවා. ඉතින් ට්රවෙලින්ග් වලදී හරි ලේසි.
☘️විසබීජ
අම්මල තියෙන තවත් ලොකු ප්රශ්නයක් නේ විසබීජ. විසබීජ නිසා එලියට ගෙනියන්න එපා කියන එක මම ලොකුවට වද වෙන දෙයක් නෙවෙයි( වසංගත රොගයක් දැක දැක ගෙනියනව කියන එක නෙවෙයි කියන්නෙ).පොඩි කලේ ඉදලම ප්රතිශක්තිකරණය හැදුනම ළමයි ඕනෙම දෙයකට ඔරොත්තු දෙනවා. බලන්න ගෙදරින් එලියටවත් ගන්නේ නැති ළමයි එලියට ගිය ගමන් ලෙඩ වෙනවා.
☘️නිදහස ලබා දී නිදහස් වීම
ගෙදරදී කොච්චර කරදර කලත් ට්රිප් 1කක් ගිහාම එයාලට ගොඩක් වැඩ තියෙනවා . අලුත් පරිසරය, අලුත් පිරිසක් එක්ක නිසා. එයාල යන හැම තැනම පස්සෙන් දුවන්න වද වෙන කෙනෙක් නෙවෙයි මම. කල්පනාවෙන් ඉන්න ඕනේ. නමුත් එයාලට නිදහසේ දුවන්න වැටෙන්න,වතුර සෙල්ලම් කරන්න දෙන්න ඕනේ. මම ළමයි පොඩිම කාලේ කකුල් දිගට තියෙන කලිසමක් අන්දන නවා. එතකොට වැටුනට තුවල වෙන්නෙ නෑ. එයලම නැගිටල යනවා. එතකොට ඉගෙන ගන්නවා වැටෙන්නේ නැතිව දුවන්න. නැති නම් හැමදාම අපිට ලගින් ඉන්න වෙනවා . මොකද අපි හදන්න ඕනේ අපි නැතත් තනියෙන් රැකෙන්න පුළුවන් ළමා පරපුරක්. ඔව්න්ට පුළුවන් කියන විශ්වාසය ඇති කරන්න පුලුවාන් ඒ තුලින්.
🍀කෑම ප්රශ්නය?
ට්රිප් එකකදී බබාලාගේ කෑම ගැන මම වද ලොකුවට වෙන්නනේ නෑ,මොකද ගෙදරදී එයාලට කොහොමත් කෑම කැවෙනවා නේ. ඉතින් කන දෙයක් කලා ඒ ගමන එයාලට විදින්න දෙනවා .කාවේ නෑ කියල දුක් වෙවී හිටිය කියල බබාගේ බඩ පිරෙන්නෙත් නෑ අපිට හිතට නිදහසකුත් නෑ. තව දෙයක් ගෙදරදී බබාලා වෙනුව්න්ම හදන කෑම බිම ඔක්කොම නැවතිලා ඉන්න හොටෙල් 1කෙ ඉදලා හදන්න උත්සහ කරන්න එපා. ඊට වැඩිය හොදයි ගෙදරම ඉන්න ඒක.
🍀බඩු ලෑස්ති කරන්නේ කොහොමද?
ට්රිප් එකකට ගෙනියන්න ඕනේ බඩු ලිස්තුවක් මම google keep කියලා online app 1කක තියාගෙන ඉන්නවා. check list 1කක් තියෙන නිසා ඔක්කොම් බඩු අමතක නොකර අරගෙන යන්න පුළුවන්ම. common list 1කක් තියා ගන්න එක වැදගත්. මොකද අපි යන්නේ සීතල පලතකටද උෂ්ණ පලතකටද කියන එක මත අපිට ලිස්ට් කීපයක් තියාගන්න අමාරුයිනේ. ඉතින් එක ලිස්ට් එකකට ඔක්කොම දාලා තිය ගන්න. ඕනේ ටික විතරක් යන ගමනට අදාලව අරන් යන්න. මේ ලිස්ට් එකට ඔයාලට ඕනේ හැම දෙයක්ම ඇතුලක් කරන්න. ටික කාලයක් ට්රවෙල් කරනකොට සම්පුර්ණ ලිස්ට් 1කක් හදා ගැන පුළුවන්. මම වැඩට යන නිසා කලින් බඩු ලෑස්ති කරන්න පලුවන් කමක් නෑ. යන්න කලින් දවසේ රෑට හෝ යන දවසේ උදෙන්ම ඇහැරලා තමයි ලිස්ට් 1ක බලලා හදා ගන්නේ . පුරුද්දක් විදිහට ගමනට ඕනේ බඩු ඔක්කොම ලෑස්ති කරන්නේ මම. මොකද මම බෑග් හැදුවොත් මට ලේසියෙන් ඕනේ දේවල් හොයා ගන්න පුළුවන්. කාගෙන්වත් අහන්න ඕනේ නෑ.
🍀වෙලාව
අපි පුරුද්දක් විදිහට පාන්දර තමයි ගමන පටන් ගන්නේ. එතකොට ළමයි හැරෙනකොට ගොඩක් දුර ගිහින්. නැතිනම් අප්පච්චි දැන් ලගිද කියන එක සිය සැරයක් විතර අහගන්න පුළුවන්. ඉස්සර නම් එයාලව නින්දෙන්ම වහනයට දාලා මගදී ලෑස්ති කලා. දැන් නම් ඉතින් පාන්දර 3 ට ගියත් ඔක්කොමලා ඇහැරෙනවා.
මගදී වමනේ දාන එක ගොඩක් අයට තියෙන ප්රශ්නයක් නේ. එකට මම නම් උදෙන්ම කිරි, චීස් වගේ දේවල් බබාලට දෙන්නේ නෑ . ඉතින් ඒවගෙන් වලකින්න ඒ වගේම එයාල නිදාගෙන ඉන්න වෙලාවට ට්රවෙල් කරන්න.
නිතරම ට්රැවල් කරනකොට අපිට පුළුවන් අපිටම හොද විදිහක් හදා ගන්න. මුලින් පටන් ගන්න. අමාරුයි වගේ දැනෙයි, එත් පස්සේ අපි එකට පුරදු වෙනවා.
එතකොට අපරාදේ අපි පුළුවන් කලේ ගියේ නැනේ කියන පසුතැවීම සිතට ඇති වෙන්නේ නෑ.
❤️❤️❤️
ඉතින් ඔයලගෙ අදහසුත් comment වලට එකතු කරගෙන යන්න
Sajeewika Dissanayake
