18/09/2026
🎉អបអរសាទរ រោងចក្រផ្គុំ និងដំឡើងរថយន្តរបស់ក្រុមហ៊ុន
ធីអេច អូតូម៉ូធីវ មេនូហ្វេកឆឺរីង ដាក់សម្ពោធជាផ្លូវការ🇰🇭
រោងចក្រផ្គុំ និងដំឡើងរថយន្តរបស់ក្រុមហ៊ុន ធីអេច អូតូម៉ូធីវ មេនូហ្វេកឆឺរីង និងខ្សែសង្វាក់ផលិតកម្មម៉ាក GAC ត្រូវបានដាក់សម្ពោធជាផ្លូវការ នាព្រឹកថ្ងៃទី១៧ ខែកញ្ញា ឆ្នាំ២០២៦ នេះ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
សូមជម្រាបថា ក្រុមហ៊ុន ធីអេច អូតូម៉ូធីវ មេនូហ្វេកឆឺរីង គឺជាបុត្រសម្ព័ន្ធរបស់ក្រុមហ៊ុន TH Group ដែលជាក្រុមហ៊ុនកូនខ្មែរ១០០% ត្រូវបានវិនិយោគក្នុងទំហំទឹកប្រាក់ប្រមាណជិត ២០លានដុល្លារ នៅលើផ្ទៃដីសរុប ១១ហិកតា ស្ថិតនៅលើផ្លូវជាតិលេខ៥ ភូមិខ្នាយកកោះ ឃុំសែប ស្រុកកំពង់ត្រឡាច ខេត្តកំពង់ឆ្នាំង។ បច្ចុប្បន្ន រោងចក្រមានកម្មករជំនាញចំនួន ២៥០នាក់ ដែលទទួលបានការបណ្តុះបណ្តាលបច្ចេកទេសផ្គុំ និងដំឡើងរថយន្តតាមស្តង់ដារអន្តរជាតិពីក្រុមហ៊ុន GAC ប្រទេសចិនផ្ទាល់ ពិសេសរោងចក្រនេះ មានសមត្ថភាពផ្គុំ និងដំឡើងរថយន្តរហូតដល់ ២០០០០គ្រឿងក្នុងមួយឆ្នាំឯណោះ៕
