09/10/2026
🙏 សូមអនុមោទនា ពិធីបុណ្យភ្ជុំបិណ្ឌ 🙏
**សេចក្តីជូនដំណឹងអំពីការឈប់សម្រាកក្នុងឱកាសបុណ្យភ្ជុំបិណ្ឌ**
ក្នុងឱកាសពិធីបុណ្យភ្ជុំបិណ្ឌប្រពៃណីជាតិខ្មែរ ឆ្នាំ២០២៦ នេះយើងខ្ញុំសូមជម្រាបជូនអតិថិជនជាទីគោរពស្រឡាញ់ឱ្យបានជ្រាបថា យើងខ្ញុំនឹងឈប់សម្រាករយៈពេល ៣ថ្ងៃ គឺចាប់ពីថ្ងៃទី១០ ដល់ថ្ងៃទី១២ ខែតុលា ឆ្នាំ២០២៦។
ក្នុងឱកាសនេះ យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះអតិថិជនទាំងអស់ ដែលតែងតែផ្តល់ទំនុកចិត្ត គាំទ្រ និងជ្រើសរើសប្រើប្រាស់ផលិតផល ព្រមទាំងសេវាកម្មរបស់យើងខ្ញុំនាពេលកន្លងមក។ ការគាំទ្ររបស់លោកអ្នក គឺជាកម្លាំងចិត្តដ៏សំខាន់ដែលជំរុញឱ្យយើងខ្ញុំបន្តខិតខំផ្តល់ជូននូវផលិតផល និងសេវាកម្មដែលមានគុណភាពជូនអតិថិជនជានិច្ច។
យើងខ្ញុំសូមប្រសិទ្ធពរជ័យ សិរីសួស្តី ជ័យមង្គល និងបវរមហាប្រសើរ ជូនចំពោះអតិថិជន បងប្អូនប្រជាពលរដ្ឋទាំងអស់ ក្នុងឱកាសពិធីបុណ្យភ្ជុំបិណ្ឌនេះ សូមជួបប្រទះតែសេចក្តីសុខ សុភមង្គល សុខភាពល្អ និងសម្រេចបានជោគជ័យគ្រប់ភារកិច្ច ព្រមទាំងទទួលបាននូវ ពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមធ្វើដំណើរទៅទីជិត ទីឆ្ងាយ ប្រកបដោយសុខសុវត្ថិភាព និងសូមឱ្យការជួបជុំក្រុមគ្រួសារក្នុងឱកាសបុណ្យភ្ជុំបិណ្ឌនេះ ពោរពេញដោយសេចក្តីស្រឡាញ់ ភាពកក់ក្តៅ និងសុភមង្គលគ្រប់ៗក្រុមគ្រួសារ។ 🙏❤️
