19/05/2023
ថ្ងៃនេះ Admin លើកប្រធានបទពី LED Display ដែល មកបង្ហាញជាចំនេះដឹង។ យើងជិះតាមផ្លូវរាល់ថ្ងៃ តែងតែឃើញមាន LED Display ជាច្រើន គឺឃើញមានទំហំ ខ្លះតូច ខ្លះធំ ខ្លះច្បាស់ និងខ្លះមិនសូវច្បាស់ជាដើម។ មុនដំឡើង LED Display បាន តើគេឆ្លងកាត់បច្ចេកទេស និងមានអីខ្លះ?
(EP01)
-ជាមូលដ្ឋាន LED Display ត្រូវបានគេបែកចែកជា ប្រភេទធំៗពីរជាទូទៅគឺ
-ប្រភេទ Indoor (ប្រភេទដំឡើងក្នុងអគារ, សាល, ក្លិប, ឬកន្លែងសំខាន់ដែលមិនប៉ះជាមួយអាកាសធាតុក្តៅ-សើមខាងក្រៅ)។
-ប្រភេទ Outdoor (ប្រភេទដំឡើងខាងក្រៅ មានទីតាំងសាធារណះ សាលតន្រ្តីចល័ត លើអគារ ឬ ស្តាតកីឡា ឬទីតាំងផ្សេងៗ ដែលធន់ជាមួយ បរិយាកាសក្តៅ-សើម ឬភ្លៀង) ។
1.ការជ្រើសរើស LED Display
-Pixel pitch គឺជាលក្ខណៈសំខាន់ដែលត្រូវពិចារណានៅពេលសម្រេចចិត្តរវាងជម្រើសនៅក្នុងអេក្រង់ LED Display ។ ខ្ញុំនឹងប្រាប់អំពីកម្រិតភីកសែល (Pixel) ជាពិសេសទាក់ទងនឹងចម្ងាយមើល។
ផ្នែកមូលដ្ឋានគ្រឹះ Pixel Pitch
តើអ្វីជា Pixel Pitch?
pixel pitch គឺជាការវាស់វែងលីនេអ៊ែររវាងចំណុចកណ្តាលនៃភីកសែលនីមួយៗនៅលើអេក្រង់ LED ។ ខ្នាតត្រូវបានវាស់ជាមីល្លីម៉ែត្រ។
តើ ខ្នាត Pixel Pitch សំរាប់ ប្រភេទ Outdoor LED Display ជម្រើសដ៏ល្អបំផុត របស់យើងគួរប្រើមួយណា? បច្ចុប្បន្ននេះ ខ្នាត សំខាន់នៃអេក្រង់ LED ខាងក្រៅគឺ៖ P4, P5, P6, P8, P10, P12, P16 តើត្រូវជ្រើសរើសរបៀបណាដើម្បីជ្រើសរើសភីកសែលដែលសមបំផុត?
2. ចម្ងាយមើល
Pixel Pitch មានន័យថា ប្រវែងរវាង Pixel ទៅ Pixel កំណត់គុណភាពបង្ហាញ ឧទាហរណ៍ P5 មានន័យថា Pixel គឺ 5 មីលីម៉ែត្រ ហើយគុណភាពបង្ហាញរបស់វាគឺ 40,000 Pixel/ម៉ែត្រការ៉េ។ លើសពីនេះទៅទៀត តម្លៃ P តូចជាងគេ គុណភាពបង្ហាញភីកសែលកាន់តែខ្ពស់ហើយច្បាស់ ហើយចម្ងាយមើលកាន់តែជិត។
ដូច្នេះហើយ បើយើងចង់បានចម្ងាយមើលជិតនោះ គួរយកគំរូ Pixel Pitch តូចដូចជា P4, P5, P6 ម៉ូដែលភីកសែលមធ្យមដូចជា P10 និង P8 ។សំរាប់ (EP2) Admin ផុសស្អែក។
