What are the opening hours?

Monday 9am - 7:30pm Tuesday 9am - 7:30pm Wednesday 9am - 7:30pm Thursday 9am - 7:30pm Friday 9am - 7:30pm Saturday 9am - 7:30pm

https://www.facebook.com/196365143873723/

UDAY Cycle. lunawada, uday cycle, Lunavada (2026)

25/02/2026

થોડીક બીક લાગે છે...
દાહોદ, હાલોલ, ગોધરા, બાલાસિનોર અને મોડાસાથી નવી સાયકલ લેવા ગ્રાહક છેક લુણાવાડા આટલી નાની ગલીમાં આવે એતો સમજાય કે ગ્રાહકોનો પ્રેમ અને અમારી BEST સાયકલ છે પણ...
સાયકલ રીપેર કરાવવા છેક 90 કિલોમીટર દુર હાલોલથી હર્ષિતભાઈ સોની લુણાવાડા આવે તો બીક લાગે કે આપણી ગ્રાહક પ્રત્યેની જવાબદારી ઘણીજ વધી જાય છે. ગ્રાહકના આટલા બધા પ્રેમ અને વિશ્વાસ ઉપર આપણે ખરા ઉતરી શકીશું?
KENDA (ઈન્ટરનેશનલ બ્રાન્ડ) નું ટાયર નાખ્યું છે. એમની દીકરી જેટલી સાયકલ ચલાવવી હોય ચલાવે, જ્યારે ટાયર બદલાવવું પડશે બીજુ ફ્રી...

25/02/2026

હશે..કંઈક કારણ તો ચોક્કસ હશે...
નહિતો આટલા મોટા વડને આ રીતે પ્રાથમિક શાળાના પટાંગણમાંથી કાપી ના નાખે.અહીંતો પ્રકૃતિ બચાવવાના સૂત્રો દિવાલો પર લખવામાં આવે છે, પ્રકૃતિ બચાવવાની રેલીઓ કાઢવામાં આવે છે, પ્રકૃતિ બચાવવાની ચિત્ર હરીફાઈ થાય છે, પ્રકૃતિ બચાવવા માટે મોટા મોટા સાહેબો છેક ગાંધીનગરથી આવીને કેટલા સરસ ભાષણો આપે છે. વૃક્ષ એ જીવન છે અને એવુ બધુ..
નક્કી વડના મૂળમાં કોઈક સરીસૃપનો વાસ હશે, વડના પાંદડા અને પક્ષીઓને લીધે ગંદકી થતી હશે,વડના મૂળિયાંઓએ એની મસ્તીમાં નીચે વિસ્તારવાનું શરૂ કર્યું હશે, બાળકો વડવાઈઓ પર હીંચકા ખાઈને ભણવાનો સમય બરબાદ કરી રહ્યા હશે, શાળામાં અંધારુ પડતું હશે, કદાચ કોઈકનો ઉડતો પતંગ ભરાતો હશે.
જે જરા પણ નડે એને પતાવી જ દો..આટલુ બાળકો ચોક્કસ શીખ્યા હશે.
હશે જે કઈ પણ કારણ હોય મારે તો કોઠંબા તરફથી પાછા આવતી વખતે છાંયડામાં પાણી પીને બે ઘડી ઉભા રહેવાની જગ્યા જતી રહી.

23/02/2026

ખલાસપુર ride...
15 દિવસ પછી સાયકલ પર બેસો એટલે લગભગ નવેસરથીજ શરૂઆત કરવાની હોય. જુના ગ્રાહક અને ફેસબુક મિત્ર સંજય સિંહ ગોહિલ ભાઈ કાયમ કોમેન્ટ કરે કે શેઠ એક વખત ખલાસપુર આવો.આજે વીરણીયા થઈને ખલાસપુર..
ખલાસપુર પાટીયે પહોંચીને અગાઉ વાત થયા પ્રમાણે બાપુને ફોન કર્યો. તેઓ મને લેવા આવ્યા. થોડાક આગળ જતાજ વચ્ચે બેટ વાળુ રમણીય તળાવ અને જાજરમાન વડલાના દર્શન થયા. તળાવના કિનારે વડની વડવાઈઓની વચ્ચેથી રોડ પસાર થઈ રહ્યો હતો. આ હા હા..ભવ્ય...જાણે ગામમાં પ્રવેશવા માટેનો પ્રકૃતિએ બનાવેલો ગેટ. સંજયસિંહ એમના બાઇક પર અને હું મારી સાયકલ પર આગળ વધ્યા. સંજયસિંહ ડેરીના ચેરમેન છે એમણે ડેરી આગળ ઉભા રહીને ત્યાં દુધ ભરવા આવેલા વડીલો સાથે મારી ઓળખાણ કરાવી. અમે આગળ વધીને ડુંગરોની વચ્ચે બનેલા ખાલણમાંના મંદિરે પહોંચ્યા જેમના નામ પરથી ગામનું નામ ખલાસપુર પડયું છે. સરસ વૃક્ષો અને ડુંગરોથી ઘેરાયેલા મંદિરમાં અમે દર્શન કર્યા.
હવે અમે ઉપર ડુંગરની વચ્ચે આવેલી વાઘની ગુફા જોવા ગયા ત્યાં આગળ જતા અમારી સાથે જેઠાભાઈ જોડાયા. અમે ત્રણેય થોડુંક ચઢાણ ચઢીને ગુફા આગળ પહોંચ્યા. ત્યાં 1970 ની સાલ સુધી વાઘ રહેતો હતો એવી માહિતી જેઠાભાઈએ આપી. ગુફા અંદર વળાંક લઈને ઘણી મોટી છે.
પાછા વળતી વખતે બાપુ મને આગ્રહ કરીને એમના ઘરે લઈ ગયા. ત્યાં એમના કાકા અને બીજા વડીલોએ ભેગા થઈને મારી સાથે બહુબધી વાતો કરી. નાસ્તો અને મજાની કોફી પીવડાવી.
બીજી મહીસાગર જિલ્લા માટે ગર્વની વાત ત્યાં ખબર પડી કે અમેરિકાની ક્રિકેટ ટીમના કેપ્ટન મોનાંક પટેલની સાસરી ખલાસપુર થાય. સંજયસિંહના કુટુંબમાંજ કેપ્ટનના લગ્ન થયા છે એટલે મોનાંક પટેલ આપણાં મહીસાગર જિલ્લાના જમાઈ કહેવાય.
ચોમાસામાં આ વિસ્તાર અલગજ છટા ધારણ કરતો હશે.
સંજયસિંહ અને ગોહિલ પરિવારનો આભાર..

21/02/2026

આજે વિશ્વ માતૃભાષા દિવસ છે.
એક સાયકલની દુકાન વાળો કે સમોસાની લારીવાળો જો લખવામાં ભૂલ કરે તો ચાલે પણ...આ તો નાજ ચાલે..
શું ભુલો છે એ શોધો..

14/02/2026

છેક ગોધરાથી આટલી ગરમીમાં સાયકલ ચલાવીને રણજીતસિંહ રાઠોડ સાહેબ(જિલ્લા પંચાયત,પંચમહાલ ગોધરા હિસાબી અધિકારી) લુણાવાડા સાયકલ સર્વિસ કરાવવા આવે તો...दिल बाग बाग થઈ જાય. સાહેબ પાછા પણ 12.30 વાગે સાયકલ પરજ ગયા..Salute..
એટલેજ કાયમ કહુ છુ ...ગિયર વાળી વધારે care માગે છે, જો તમે cycling માટે આટલા passionate હોવ તોજ ગિયરવાળી સાયકલ તમારા માટે ઉપયોગી છે.
સાહેબ આવતા મહિને બહુ લાંબુ cycling કરવાના છે.

09/02/2026

અર્બુદા ધામ (ભેમાની વાવો) જવુ હોય તો કાળીબેલ સુધી લાંબો આંટો મારીને જવુ એ મૂર્ખતા કહેવાય પણ વસંતના વાયરા વાતા હોય, છેલ છેલ્લો કૂણો કૂણો તડકો વરસતો હોય વચ્ચે શાંમણાનું તળાવ આવતુ હોય અને મોવાસા વાળો કદી ન જોયેલો રસ્તો હોય તો....તો..લાંબો આંટો મરાય. 50 kmનો circular route.
વજન ઉતારવા માટે ટ્રેનરની મદદ લઈને કસરત ચાલુ કરી છે. કાલે પહેલી વખત 60 સ્કોટ અને પગની કસરતો કર્યા પછી પગ ગરબા ગાઈ રહ્યા હતા પણ રવિવારનું cycling તો miss નહોતુજ કરવુ.
પગના દુખાવા સાથે સવારે 6.30 એ નીકળીને ચાટકા બેલી પહોંચ્યો ત્યાં એક ખેતરમાં ઘેટાની વણઝાર હતી.હું એમના ફોટા પાડતો હતો ત્યાં એ લોકોએ મને ઘેટાના દૂધની ચા પીવાનો આગ્રહ કર્યો પણ સાથે બીજા એક વડીલે ચેતવ્યા કે ઘેટાનું દૂધ ગરમ હોય જો પહેલી વખત પીતા હોવ તો ઝાડા થઈ જવાની પુરી શકયતા.હું ઝાડાના નામથી ગભરાયો.ઘેટાના દુધની ચા પીધા વગરજ આગળ નિકળ્યો.
કાળીબેલ આગળ બે નાના બાળકો રોડની સાઈડમાં પડેલી રૂપિયાની નકલી નોટો જે આગલા દિવસે વરઘોડામાં ઉડાવવામાં આવી હશે તે ભેગી કરતા હતા. એમાં મોટો સનિયો તો ફોટો પાડવા માટે પોઝ આપી રહ્યો હતો પણ નાનો કારીયો તો નોટો ભેગી કરવામાં એટલો ઉતાવળમાં હતો કે એક ક્ષણ બગાડવા તૈયાર નહોતો. 500ની, 200ની, 100ની અને 10ની નોટોનો ઢગલો થઈ ગયો હતો.
નવાજ બનેલા મંદિર અર્બુદા ધામ પહોંચ્યો. આખા મંદિર પરિસરમાં હું એકલોજ હતો. માતાજીના દર્શન કર્યા, ફોટા પાડયા અને મલેકપુર થઈને પાછો ઘરે.
પાછા વળતી વખતે મલેકપુર ચોકડીથી ટ્રાફિક ઘણોજ વધી ગયો. લગ્નો ઘણાંજ છે આજે એટલે અને લગ્નના ટ્રાફીકથી સાચવવું જરૂરી છે.

02/02/2026

ડેભારી ભ્રમણ..
મેરીડા એવા એકજ નામના ત્રણ શહેર, ત્રણ અલગ અલગ દેશ..સ્પેન,મેક્સિકો અને વેનેઝુએલામાં છે. સ્પેનિશ લોકો જ્યાં ગયા ત્યાં એમણે બીજુ મેરીડા વસાવ્યું. એવુજ ડેભારીનુ, મેવાડના ઉદેપુર પાસે ડેબારી નામે એક ગામ છે ત્યાંથી વિસ્થાપિત થઈને આવેલા મેવાડા બ્રાહ્મણોએ અહીં પણ ડેબારી વસાવ્યું જે હવે ડેભારીના નામે ઓળખાય છે. અહીંના બ્રાહ્મણોએ દેશવિદેશમાં રસોઈયા તરીકે અને બીજા અનેક ક્ષેત્રમાં ખુબ નામના મેળવી છે.
આ રસ્તે પહેલા હું ગયેલો છું પણ આ વખતે સાયકલ અને ફોટા પાડવાનુ સાધન અલગ હતા.
વડાગામ,કોયલા,વખતપુર થઈને ડેભારી પહોંચ્યો.વડાગામ આગળ હાઈવે છોડ્યા પછી જંગલ, ખરાબ રસ્તો અને ઢાળ ચડાવવાના આવ્યા.વચ્ચે રસ્તામાં દેશી ઢોલ,થાળીવાજું અને વાજિંત્રો લઈને લગ્નમાં જતા ત્રણ વગાડવા વાળા ચાલતા જતા મળ્યા. D.J ના ધમધમાટ વચ્ચે આ હજી ટકી રહ્યા છે એ આનંદની વાત. ડેભારીના ખુબ પ્રાચીન એવા પ્રેમનાથ મહાદેવ પહોંચ્યો. ત્યાં નવચંડીની તૈયારી ચાલી રહી હતી. મંદિરમાં બે શિલાલેખ છે એના ફોટા પાડયા. ત્યાંથી થોડેક દુર તળાવના કિનારે ગામેરા મહાદેવ છે. રસ્તામાં વચ્ચે આવતા જુના મકાનોના ફોટા પાડતો પાડતો તળાવે પહોંચ્યો. ડેભારીમાં બેએક ઘર એવા છે જ્યાં મળવા જવાની મજા આવતી પણ રવિવારની સવારમાં વહેલા કોઈના ઘરે ટોપા પહેરીને પહોંચી જવામાં મને સંકોચ થયો.
પાછા આવતી વખતે ગંધારી, લીમડીયા વાળો રસ્તો લીધો.ગંધારી આગળ કેનાલની નીચેના ગરનાળાંમાં એટલુ બધુ પાણી ટપકી રહ્યુ હતુ કે નીચેથી પસાર થતી વખતે બીક લાગી કે નાળું પડી ના જાય. પાણી એટલુ બધુ ટપકી રહ્યુ હતું કે પાસે એક નાના તળાવ જેવી રચના થઈ ગઈ હતી. ભ્રષ્ટાચારને લીધે પાણીનો કેટલો બધો બગાડ?આંખે પાટા બાંધેલા તંત્રએ સાઈન બોર્ડમાં ગંધારીની જગ્યાએ ગાંધારી કરી નાખ્યું છે જે વર્ષોથી એમજ છે. ગામવાળા પણ આ સુધારવાનો પ્રયાસ નહીં કરતા હોય?લીમડીયામાં પંડિતજીના સમોસા અને ગોટા દૂરથીજ જોતો જોતો ઘરે પાછો...

29/01/2026

ગ્રંથને ટેન્ડમ પર school મૂકવા જવાનો છેલ છેલ્લો આનંદ લઈ લીધો. 12મુ પુરુ થઇ રહ્યુ છે.

26/01/2026

ઘણા દિવસ પછી આજે વાદળછાયા વાતાવરણમાં ચાકલીયા થી મધવાસ વચ્ચેની જંગલ રાઈડનો આનંદ લીધો.એ નીલગાયનું ઝુંડ, સોનાના વૃક્ષોનો મહિમા ઘણી વખત વર્ણવી ચૂક્યો છુ પણ આજે
એક ભૂલની કબુલાત કરવાની છે.
થોડાક સમયથી dry skin અને ચામડીની સમસ્યા વિતાડી રહી હતી એના ઈલાજ દરમ્યાન શરીરના બધાજ રિપોર્ટ કરાવવાના થયા. આટલુ બધુ cycling, આટલા મજબૂત DNA (દાદા 98 એ અને દાદી હમણાં 106 એ ગયા અને મમ્મી પપ્પા સ્વસ્થ છે) અને એકદમ એક્ટિવ જીવન પદ્ધતિના લીધે આપણને મનમાં એક ફાંકો હતો કે મને શું થાય? 5 વર્ષ પહેલા ટર્મ પ્લાન લેતી વખતે બધાજ રિપોર્ટ અપટુડેટ આવ્યા હતા પણ એ રિપોર્ટના લીધે હું ખાવામાં ઘણો બેજવાબદાર બની ગયો હતો. મીઠાઈઓ, ફરસાણ, તળેલુ, બહારની એકદમ તીખી દાળ બાટીની ઠોકાઠોક હતી.ગરિમા, કાવ્યા અને ગ્રંથના ઘણા રોકવા છંતા દિવાળી પર મઠીયા અને મોહનથાળના ડબ્બા મેજ ખાલી કર્યા એના લીધે પેટ અને વજન વધવા માંડયું. વધેલા પેટ ઉપર વ્યંગ્ય કરીને ઘરનાંને બતાવી બતાવીને ખાધેલી મીઠાઈઓએ લગભગ બધા જીન્સ નકામા બનાવી દીધા.
આતો રિપોર્ટ કરાવ્યા ત્યારે ખબર પડી કે કોલેસ્ટેરોલ અને બી.પી વધેલા અને B-12 અને વિટામિન D ઘટેલા આવ્યા.
હવે એકદમ શિસ્તબદ્ધ રીતે વજન ઉતારવાનું મિશન લેવુ છે. ભાવતા ભજીયા હાલ પુરતા તો બંધ.
કહેવાનો મતલબ એ કે અમુક ઉમર પછી ગમે તેટલા ફીટ હોવ ધ્યાન રાખવુ જરૂરી છે.

22/01/2026

"यत् पृथ्वीपरे श्रेष्ठं तत् सर्वं भुक्त्वा सुखेन वस।"
એટલે કે "પૃથ્વી પર જે કંઈ શ્રેષ્ઠ છે, તે બધું ભોગવીને સુખથી રહો."..
પચાસ વર્ષથી આ ભાવના સાથે ભારતમાં મળતી શ્રેષ્ઠ સાયકલ, લુણાવાડા અને આજુબાજુના વિસ્તારને આપવાનો અમારો પ્રયાસ રહ્યો છે. હવે એમાં એક નવુ પીંછુ ઉમેરી રહ્યા છીએ.
ROYAL BABY...3 થી 10 વર્ષ સુધીના બાળકો માટે દુનિયાની નંબર 1 બ્રાન્ડ, હવે લુણાવાડામાં.
ગુજરાતમાં રાજકોટ, અમદાવાદ મહાનગરો પછી એકમાત્ર લુણાવાડામાં જોવા મળશે આ સાયકલ ROYAL BABY...
એની comfort, એની durability, એની બ્રેકની efficiency, એની મજા, એની latest technology જોવા માટે ફરી એક વખત પધારો ઉદય સાયકલમાં..
આ સાયકલની ખાસિયત એ છે કે એ 90% ફીટ આવશે એટલે ગુજરાતમાં ગમે ત્યાં અમે એને મોકલી શકીશું. ફીટ કરવા માટે પાના અને હવા ભરવાનો પમ્પ પણ એની સાથે આવશે અને વેબસાઈટ પર બતાવેલા ભાવમાં આકર્ષક discount પણ ખરુ. બેટરીવાળા બાઇક કે કારની પાછળ પૈસા બગાડવા કરતાં આ રોકાણ worth છે.
આપ મને ફોન કરી શકો છો..9879392029

UDAY Cycle. lunawada

25/02/2026

25/02/2026

23/02/2026

21/02/2026

14/02/2026

09/02/2026

02/02/2026

29/01/2026

26/01/2026

22/01/2026

Address

Opening Hours

Telephone

Website

Alerts

Contact The Business

Shortcuts

Share

Monday	9am - 7:30pm
Tuesday	9am - 7:30pm
Wednesday	9am - 7:30pm
Thursday	9am - 7:30pm
Friday	9am - 7:30pm
Saturday	9am - 7:30pm