Dhawan tyre store

06/05/2026

ਤੁਸੀਂ ਸਾਡੀ ਫ਼ਿਕਰ ਨਾਂ ਕਰੋ ਜੀ, ਨਾਂ ਹੀ ਅੰਮ੍ਰਿਤਸਰ ਨੋਰਥ ਦੀ ਕਰੋ।
ਜੇਕਰ ਚਿੰਤਾ ਕਰਨੀ ਹੈ ਤਾਂ ਤੁਸੀਂ ਆਪਣੀ ਕਰੋ; ਤੁਹਾਡੇ ਚਾਣਕਿਆ ਵੀ ਤੇ ਚੰਦਰਗੁਪਤ ਵੀ ਹੁਣ ਤੁਹਾਡੇ ਨਹੀਂ ਰਹੇ। ਤੁਹਾਡੇ ਜਿਹੜੇ ਆਕਾ ਹਨ ਉਨ੍ਹਾਂ ਨੂੰ ਵੀ ਆਪਣਾ ਨਿੱਜੀ ਚੋਣ ਹਾਰਨ ਦਾ ਤਜ਼ਰਬਾ ਹੋ ਗਿਆ।
ਅਸੀਂ ਤਾਂ ਅੰਮ੍ਰਿਤਸਰ ਵਿੱਚ ਗੁਰੂ ਰਾਮ ਦਾਸ ਜੀ ਦੀ ਸ਼ਰਨ ਵਿੱਚ ਰਹਿ ਰਹੇ ਹਾਂ ਅਤੇ ਅੰਮ੍ਰਿਤਸਰ ਮੇਰੇ ਵਾਸਤੇ ਪਰਿਵਾਰ ਦੀ ਤਰ੍ਹਾਂ ਹੈ ਅਤੇ ਮੇਰਾ ਇਲੈਕਸ਼ਨ ਅੰਮ੍ਰਿਤਸਰ ਦੇ ਲੋਕ ਹੀ ਲੜਦੇ ਰਹੇ ਹਨ; ਮੈਂ ਤਾਂ ਤੁਹਾਡੇ ਮਿਤਰਾਂ ਦੋਸਤਾਂ ਨੂੰ ਜਿਤਾਉਣ ਲਈ ਸਾਰੇ ਪੰਜਾਬ ਦੇ ਵਿੱਚ ਚੋਣ ਪ੍ਰਚਾਰ ਕਰਦਾ ਰਿਹਾ।
ਅੱਜ ਜੋ ਕੁੱਝ ਵੀ ਚੱਲ ਰਿਹਾ ਹੈ ਇਹ ਮੈਨੂੰ ਬਹੁਤ ਪਹਿਲਾਂ ਹੀ ਪਤਾ ਲੱਗ ਗਿਆ ਸੀ, ਤਾਂ ਹੀ ਮੈਂ ਪਹਿਲੇ ਤਿੰਨ ਸਾਲਾਂ ਵਿੱਚ ਹੀ ਆਪਣੇ ਹਲਕੇ ਦਾ ਤਕਰੀਬਨ 90 ਪਰਸੈਂਟ ਕੰਮ ਕਰਾ ਲਿਆ ਸੀ; ਉਹ ਵੀ ਆਪਣੇ ਦਮ ਤੇ, ਨਾਂ ਕਿ ਕਿਸੇ ਦੀ ਚਮਚਾਗਿਰੀ ਕਰਕੇ। ਅਸੀਂ ਰਾਜਨੀਤੀ ਕਰਦੇ ਹਾਂ ਅਸੂਲਾਂ ਦੀ, ਸਾਡੀ ਵਫ਼ਾਦਾਰੀ ਹੈ ਤਾਂ ਸਿਰਫ਼ ਪੰਜਾਬ ਦੇ ਅਵਾਮ ਪ੍ਰਤੀ, ਅਸੀਂ ਸਮਰਪਿਤ ਹਾਂ ਅੰਮ੍ਰਿਤਸਰ ਦੇ ਲੋਕਾਂ ਪ੍ਰਤੀ; ਅਸੀਂ ਨਿਸ਼ਠਾ ਰੱਖਦੇ ਹਾਂ ਮੁਲਕ ਦੇ ਸੰਵਿਧਾਨ ਪ੍ਰਤੀ।

ਰਹੀ ਗੱਲ ਤਥਾਕਥਿਤ ਹਲਕਾ ਇੰਚਾਰਜ ਦੀ ਤਾਂ ਅਸੀਂ ਕਿਸੇ ਹਲਕਾ ਇੰਚਾਰਜ ਨੂੰ ਚੋਣ ਜਿੱਤਦੇ ਹੋਏ ਨਹੀਂ ਦੇਖਿਆ। ਜੋ ਲੋਕ ਆਪਣੀ ਜੇਬ ਵਿੱਚ ਰਿਬਨ ਲੈ ਕੇ ਚੱਲਦੇ ਹਨ, ਉਹ ਮੇਰੇ ਵੱਲੋਂ ਪਹਿਲਾਂ ਤੋਂ ਪਾਸ ਕਰਾਏ ਕੰਮਾਂ ਦੀ ਚੁੱਪ ਚਪੀਤੇ ਰਿਬਨ ਕੱਟ ਲੈਂਦੇ ਹਨ ਅਤੇ ਉਸਦਾ ਕਮਿਸ਼ਨ ਜਾਂ ਦਲਾਲੀ ਆਪਣੇ ਦੂਰ ਬੈਠੇ ਆਕਾਵਾਂ ਤੱਕ ਪਹੁੰਚਾ ਦਿੰਦੇ ਹਨ। ਦੂਜੇ ਪਾਸੇ ਅੰਮ੍ਰਿਤਸਰ ਸ਼ਹਿਰ ਦੇ ਲੋਕ ਗਰਮੀ ਦੇ ਵਿੱਚ ਪਾਣੀ ਦੀ ਕਿੱਲਤ; ਗੰਦੇ ਪਾਣੀ ਦੀ ਸਮੱਸਿਆ, ਸੀਵਰੇਜ ਦੀ ਸਮੱਸਿਆ ਦੇ ਨਾਲ ਪਰੇਸ਼ਾਨ ਹੋ ਰਹੇ ਹਨ ਅਤੇ ਤੁਸੀਂ ਬਿਨਾ ਕੰਮ ਕਰਾਏ ਬਿੱਲ ਬਣਾ ਕੇ ਅੰਮ੍ਰਿਤਸਰ ਦੇ ਲੋਕਾਂ ਨੂੰ ਲੁੱਟ ਰਹੇ ਹੋ; ਪਹਿਲਾਂ ਸਮਾਰਟ ਸਿਟੀ ਦੇ ਕਰੋੜਾਂ ਅਰਬਾਂ ਦੇ ਫੰਡ ਦੀ ਲੂਟ ਦਾ ਤਜਰਬਾ ਵੀ ਰੱਖਦੇ ਹੋ।

ਲੇਕਿਨ ਸਾਰਾ ਹਿਸਾਬ ਕਿਤਾਬ ਗੁਰੂ ਗੋਬਿੰਦ ਸਿੰਘ ਜੀ ਦੀ ਅਦਾਲਤ ਵਿੱਚ ਹੋ ਰਿਹਾ ਹੈ।
ਫ਼ਿਕਰ ਨਾਂ ਕਰੋ ਇਲੈਕਸ਼ਨ ਲੜਾਉਣਾ ਤੇ ਜਿਤਾਉਣ-ਹਰਾਉਣ ਦਾ ਕੰਮ ਕੁੱਝ ਚੰਦ ਪੱਤਰਕਾਰਾਂ ਦਾ ਨਹੀਂ ਹੁੰਦਾ; ਉਹ ਵੀ ਭੁਲੇਖੇ ਵਿੱਚ ਹੀ ਰਹਿ ਜਾਂਦੇ ਹਨ ਅਤੇ ਸਾਰਾ ਅੰਕਗਣਿਤ ਇੱਧਰ ਦਾ ਉੱਧਰ ਹੋ ਜਾਂਦਾ ਹੈ। ਤੁਸੀਂ ਤਾਂ ਜਾਪਦਾ ਹੈ ਕਿ ਟਿਕਟਾਂ ਦੇਣ ਦਾ ਕੰਮ ਵੀ ਅਖ਼ਬਾਰ ਵਾਲਿਆਂ ਨੂੰ ਹੀ ਦੇ ਚੁੱਕੇ ਹੋ।
ਚਿੰਤਾ ਨਾਂ ਕਰੋ ਇਹ ਪਬਲਿਕ ਹੈ, ਸਿਆਣੀ ਹੈ, ਸਭਕੁੱਝ ਜਾਣਦੀ ਹੈ।

06/05/2026

05/05/2026

24/12/2025