06/08/2026
💵 ពេលខ្លះជីវិតយើងជាប់គាំងនៅមួយកន្លែង មិនមែនមកពីយើងគ្មានសមត្ថភាពទេ ប៉ុន្តែមកពីយើងមិនហ៊ានបោះជំហានដំបូងប៉ុណ្ណោះ។
១. ការមិនសាកល្បង គឺជាការបិទទ្វារភាពអាចទៅរួចដោយខ្លួនឯង ពេលដែលយើងមិនចាប់ផ្ដើមធ្វើអ្វីសោះ លទ្ធផលល្អៗក៏គ្មានថ្ងៃកើតឡើងដែរ។
ឱកាសពិតប្រាកដនឹងកើតមានឡើងលុះត្រាតែយើងហ៊ានសាកល្បង។
ឧទាហរណ៍៖ សាកស្រមៃមើលគម្រោងរកស៊ីលក់អនឡាញមួយតម្លៃ ១,០០០ ដុល្លារ។ បើអ្នកគ្រាន់តែអង្គុយគិតហើយមិនព្រមសាកល្បងទាល់តែសោះ ឱកាសដែលអ្នកនឹងទទួលបានចំណេញ ៥០០ ដុល្លារ គឺ ០% តែបើអ្នកហ៊ានសាកល្បង ទោះបីជាខាតបង់ខ្លះ ក៏អ្នកនៅមានឱកាសត្រឡប់មកចំណេញវិញបានដែរ។
២. ភាពបរាជ័យមិនគួរឱ្យខ្លាចស្មើភាពស្ដាយក្រោយ មនុស្សជាច្រើនមិនសូវជាយំសោកព្រោះតែធ្វើខុសទេ ប៉ុន្តែពួកគេតែងតែស្ដាយក្រោយពេញមួយជីវិត ព្រោះតែមិនធ្លាប់បានសាកល្បងធ្វើអ្វីដែលខ្លួនស្រឡាញ់។
ឧទាហរណ៍៖ ឱកាសទិញហ៊ុន ឬវិនិយោគក្នុងតម្លៃ ២,០០០ ដុល្លារ ដែលអ្នកស្ទាក់ស្ទើរកាលពីឆ្នាំមុន ថ្ងៃនេះវាបានកើនឡើងតម្លៃទ្វេដង។
ការមិនហ៊ានសាកល្បងពេលនោះ ធ្វើឱ្យយើងស្ដាយក្រោយខ្លាំងជាងការខាតបង់បន្តិចបន្តួចទៅទៀត។
ភាពជោគជ័យទាំងអស់ផ្ដើមចេញពីការហ៊ានសាកល្បងលើកដំបូង គ្មាននរណាម្នាក់កើតមកចេះពូកែស្រាប់ទេ។ អ្នកដែលជោគជ័យគ្រប់រូបសុទ្ធតែធ្លាប់ជាអ្នកថ្មីរៀនចេះរៀនធ្វើពីបាតដៃទទេ។
៤. ការសាកល្បងធ្វើឱ្យយើងបានរៀនសូត្រ ទោះបីជាលទ្ធផលមិនបានដូចការរំពឹងទុកក៏ដោយ ក៏បទពិសោធន៍ដែលយើងទទួលបាននឹងក្លាយជាមេរៀនដ៏មានតម្លៃបំផុត។
៥. កំហុស គឺជាផ្នែកមួយនៃការរីកចម្រើន មនុស្សដែលធ្លាប់ធ្វើខុសសោះ ភាគច្រើនគឺជាមនុស្សមិនធ្លាប់ធ្វើអ្វីថ្មីៗសោះក្នុងជីវិត។
៦. ឱកាសជោគជ័យមានសម្រាប់តែអ្នកដែលធ្វើ បើមិនសាកល្បង ឱកាសជោគជ័យ គឺសូន្យគត់ ប៉ុន្តែបើសាកល្បង យ៉ាងហោចណាស់ក៏យើងនៅមានភាគរយឈ្នះដែរ។
ឧទាហរណ៍៖ ការដាក់ពាក្យប្រកួតប្រជែងយកទុនរៀនត ឫប្រាក់រង្វាន់គម្រោងអាជីវកម្ម ៥,០០០ ដុល្លារ។
បើមិនដាក់ពាក្យសាកល្បង គឺប្រាកដជាមិនបានលុយនោះឡើយ ប៉ុន្តែបើហ៊ានសាកល្បង ឱកាសឈ្នះគឺមាន ៥០/៥០។
៧. ភាពក្លាហានសំខាន់ជាងភាពត្រៀមខ្លួនរួចរាល់ ពេលខ្លះយើងមិនចាំបាច់ត្រូវតែរង់ចាំឱ្យមានលុយ ១០,០០០ ដុល្លារ ពេញដៃចាំធ្វើរឿងអ្វីមួយទេ គ្រាន់តែហ៊ានបោះជំហានដំបូងជាមួយលុយ ១០០ ដុល្លារ ក៏អាចចាប់ផ្ដើមបានដែរ។
៨. ភាពជោគជ័យតែងតែលាក់ខ្លួននៅពីក្រោយការព្យាយាម អ្វីដែលមានតម្លៃធំធេងតែងតែទាមទារពេលវេលានិងការអត់ធ្មត់។ អ្នកដែលមិនបោះបង់ងាយៗគឺជាអ្នកដែលដើរបានឆ្ងាយជាងគេ។
៩. រាល់ពេលដែលអ្នកសាកល្បង អ្នកកាន់តែរឹងមាំ មិនថាវាចេញមកលទ្ធផលបែបណាទេ អ្នកនឹងទទួលបានទាំងជំនាញ ចំណេះដឹង និងទំនុកចិត្តបន្ថែមលើសមុនជានិច្ច។
១០. ជីវិតអាចផ្លាស់ប្ដូរបានដោយសារការសម្រេចចិត្តត្រឹមតែមួយពេល គ្រាន់តែការ "សាកល្បង" ត្រឹមតែមួយដង អាចក្លាយជាចំណុចរបត់ដ៏ធំមួយដែលនាំជីវិតអ្នកទៅរកភាពស៊ីវីល័យ និងភាពមានបានជាងមុន។
ដូច្នេះ ថ្ងៃនេះតើអ្នកបានសាកល្បងធ្វើអ្វីថ្មីហើយ ឬនៅ?
💬 អរគុណអ្នកទាំងអស់គ្នា ដែលតែងតែគាំទ្រ Money Buddy មករហូត!
សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា! 💚
❕ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។
