一角工房電單車 Tencents Motorcycle Workshop

25/09/2026

【做車房最怕唔係爆鑊，係老友夜晚打電話嚟……🫠】

​「喂？我條胎好似有啲漏氣……」

​本來收咗工準備返去食飯，但邊個叫你係兄弟？
無得推，即刻帶齊工具、補胎牛筋飛去現場救駕。
拔釘、通窿、塞膠條、打氣一氣呵成，順利救返條命，唔使推車推到抽筋。

​車友們，平時行慢線或者地盤附近真係要帶眼泊車。
​適逢佳節，順便祝各位車友中秋節快樂！人月兩團圓，出車平平安安，行車千里都「粒釘不沾」！🥮🌕✨

​ #車房日常 #講義氣 #老友限定 #中秋節快樂 #人月兩團圓

25/09/2026

【一年一度「拖車巡禮」：一年行唔夠 100km 嘅 CBR600RR】

​呢架 CBR600RR 每年都會好似候鳥咁坐拖車嚟搵我哋。
望望錶板，上年至今年……好似連 100km 都未行夠。

​🫅好有心：「今年想保養多少少嘢，仲有咩換？」
🧑‍🔧：「放咁耐，除咗電池，迫力油吸水一定要換，最多換埋機油油隔。」
🫅：「仲有無？」
🧑‍🔧望住架新到發光嘅車，忍唔住笑：「如果你肯揸多啲，迫力皮都可以換嘅。」
🫅好認真：「到期未？」
🧑‍🔧：「……厚到同新嘅一樣，未到期。」
🫅：「換埋啦！」

​有種保養，叫「車主覺得你應該換」😂
雖然里程少，但油水有時效性，放到過期同磨損過期一樣要搞；至於件未到期我哋一定講明唔夾硬 sell。不過既然你咁錫車，我哋梗係專業搞掂！

​你架車又擺咗幾耐？得閒推佢出嚟郁下啦！
​ #車房日常 #良心車房 #電單車保養

24/09/2026

【ZX-4RR 停燈位狂跳轉？原來個肺油過塊煎堆 🫁🧈】

​呢部 ZX-4RR 行咗 20 分鐘熱車後，停燈位怠速喺 1000–2000 轉跳十字步 扯晒蝦，起步仲好易窒油！

​一拆開即刻破案 🔍：

​超滋潤高流量風隔：塊風隔油淋淋似啱啱油鑊撈出黎 🍳，保濕度極高！唔知係咪落油果時手鬆得濟，後面節氣門閥仲積咗層厚油泥，怠速入風唔順，電腦一路補油收油救命，轉數咪發羊吊咁跳囉。📉📈

​萬八公里舊火嘴：行咗 18,000km 電極耗損，點火效率大打折扣，低轉起步自然有氣無力。

​舊電池老化：夾錶測到內阻偏高⚡，電池老化隨時影響電腦/感應系統反應！

​今次直接幫佢洗節氣門污積、換新火嘴兼換新電池——順手踢走塊「油淋淋風隔」換返原廠，乾爽清涼又吸得順 🌬️，起步低扭即刻返晒黎，唔使再驚個肺油淋淋浸到咳！

​車主拎車試完即讚 👍：「成架車順返晒，低轉好力咗，停燈位怠速終於肯乖乖企定定！」

​💡 師傅提示：
呢類 16,000 轉先紅區嘅高轉四缸玩具 🚀，唔好日日當綿羊仔幾千轉慢行。熱晒車後，間唔時都要高轉轟下佢通下氣 🔥，副偈先會精神唔積碳！

​你架車又係咪停燈位扯晒蝦？隨時 whatsapp 搵我哋跟跟佢啦 📲55485044！

​ #四缸 #電單車維修 #怠速不穩

22/09/2026

【二手車界天花板！呢位舊車主請受小弟一拜 🙇‍♂️💚】

​平時啲人賣車前恨不得一蚊都唔使，但呢位 Ninja 400 舊車主簡直係「極品良心前任」！

​佢過戶前自掏腰包入嚟大保養，一句：「架車陪咗我咁耐，想下家接手係最精神、最安全嘅狀態。」型到裂！買家真係上世拯救咗銀河系先遇到佢！🤝

​舊車主咁有心，我哋手藝自然畀足 100 分：

​換頭尾迫力油 💧：抽走水氣，煞車手感飽滿扎實。

​換頭尾迫力皮 🛑：厚實新皮上陣，安全感畀足下家。

​換 Fuchs Silkolene 全合成機油 🛢️：順滑清脆，接手一扭油就知有幾錫車。

​換全新頭尾胎 🛞：落地即咬地，轉彎落雨心定神安。

​騎士最型嘅唔係跑幾快，而係交車嗰刻有幾有品。祝舊車主新玩具更上一層樓，新車主接手人車平安！✨

​放車想做個有品前任？定接咗「盲盒」想大驗身？隨時過嚟搵我哋！

📞 WhatsApp 預約：55485044

​ #二手車天花板 #良心舊車主 #安全第一 #電單車保養

21/09/2026

【出車第一件事：保命兼防撞！P 牌仔嘅終極護身符 🛡️】

​新手落地，最緊要唔係改喉，係裝車 Cam！😂

今次呢位 Haojue DN150 新車主夠哂精明，掛得塊 P 牌出街，緊係要裝返部行車記錄儀安心兜風。今次客人揀嘅係 Mio 最新勁系列旗艦款 —— MiVue™ M820 Pro！

​📦 客問：「師傅，呢部嘢有咩咁把炮？」
好，等我哋講下點解呢部機咁受歡迎：

​前後雙 2K HDR 同步錄影：高解析度之餘，HDR 逆光過曝/暗位平衡做得極好！

​Sony 新 2 代星光級感光元件 (STARVIS™ 2)：夜晚黑媽媽出車，車牌依然清清楚楚。

​全機 IP67 防水防塵：主機、前後鏡頭連接頭全防水，就算黃雨紅雨落湯雞都唔怕罷工。

​SuperMP4 格式以秒寫入：萬一真係有碰撞斷電，檔案都唔會壞檔，保證有片交代。

​內建 WiFi：有咩事開手機 App 幾秒就 download 到片，唔洗周圍搵讀卡器。

​🔧 【車房的手藝堅持】
好嘅車 Cam，安裝更講究！
成部車咁靚，如果啲線「飛嚟飛去」似蜘蛛網，師傅自己都過唔到自己個關。
👀 睇下實裝圖（向左滑 👉）：
1️⃣ 前鏡頭完美收納喺車頭下方，隱蔽又唔遮擋視線。
2️⃣ 後鏡頭座正尾牌燈上方，角度居中，走線收得貼貼服服。
3️⃣ 降壓取電全部跟足安全標準，唔偷雞、唔破壞原裝線路！

​行得正企得正，出車自然無後顧之憂！不論你揸復古街車、羊仔定跑車，想裝車 Cam 隨時搵我哋傾傾～

​💬 查詢 / 預約安裝：歡迎 WhatsApp 55485044

​ #電單車 #行車紀錄儀

17/09/2026

【生命有價，但呢套皮真係用到一毫子都冇剩】

​車主話「個迫力好似有啲金屬聲」，拆出嚟睇真係嚇到成間車房靜晒。

摩擦層一早灰飛煙滅，直情用背板鐵磨鐵同迫力碟激情互動！

​各位師兄，皮厚度低過 1mm 已經係極限，慳幾百蚊換皮，隨時要硬食成隻碟、卡鉗過熱卡死兼冇煞車；想體驗極限運動唔使咁樣賭命，得閒返嚟望兩眼，咪等鐵磨鐵先知痛！

17/09/2026

綿羊仔唔係神仙，都要食飯做Spa㗎！🛵💨

咪以為「代步羊」淨係識換偈油！想佢乖乖聽話唔跪低，定期深度保養先係硬道理：

皮帶傳動：唔想半路變推車「特訓」，夠鐘就要Check！

前叉油＋偈油：吸震順、心臟爽，過彎先唔會似坐過山車。

迫力皮＋迫力油：煞得停先係真英雄，安全制動絕不手軟！

車仔同人一樣，你對佢好，佢絕唔會丟低你。快啲揸上嚟幫愛車「全身檢查」啦！歡迎whatsapp預約～55485044

#電單車保養 #電單車機油 #換油 #定期保養 #電單車

16/09/2026

【🐝 隻黃蜂唔食蜜糖，今日嚟飲頂級補品！】🍼🔥

唔好以為 Honda 襟踩就當佢鐵打！今日呢架 CB750 Hornet 準時返嚟「換血」🩸～

呢部 755cc 雙缸街車高轉拉起上嚟爽快有勁，但喺香港日日走走停停、高溫塞車，部車話熱就熱。想長踩長有，偈油真係唔慳得，一定要用靚嘢護住副心臟！

今次車主識揀，指定落 FUCHS Silkolene PRO 4 XP 10W-40（全合成酯類 Ester 配方）🛢️：

XP 科技高抗剪切：高轉、大扭力極限操駕都頂得住高溫，油膜唔易衰退

濕式離合專用：JASO MA2 規格，轉檔順滑清脆，搵空波一剔即入

全面潤滑保護：抗磨表現出色，市區高溫慢行定係跑山爆轉都一樣安心

你有幾耐冇睇過隻油窗？咪等到黑過墨汁、入波 kick 實先諗起我哋呀！快啲 whatsapp 預約過嚟換血啦 🏎️💨 55485044

#電單車維修 #電單車保養 #換偈油

15/09/2026