AFA Nós Oleiros

Cómo llegar

AFA Nós Oleiros AFA Nós Oleiros é a Asociación de Familias de Alumnos do CEIP Juana de Vega de San Pedro de Nós, Oleiros (A Coruña)

É un motor para a dinámica escolar e ten como obxectivos participar e axudar no funcionamento do centro ademais de contribuir ao logro de niveis óptimos de calidade en tódalas actividades nas que participan as nosas fillas e fillos.

📢 ASEMBLEA DO AFA E PREPARATIVOS DO SAMAÍN 🎃🌰Queridas familias:Adiantámosvos que o vindeiro 29 de outubro ás 18:00 horas...
16/10/2026

📢 ASEMBLEA DO AFA E PREPARATIVOS DO SAMAÍN 🎃🌰

Queridas familias:

Adiantámosvos que o vindeiro 29 de outubro ás 18:00 horas terá lugar a asemblea ordinaria do AFA. A convocatoria oficial enviarase proximamente, pero pedímosvos que reservedes xa esta data no calendario.

Durante a asemblea haberá un cambio de cargos na xunta e aproveitamos a ocasión para animar a todas as persoas interesadas a presentar a súa candidatura e dar un paso adiante para formar parte dela.

Quen desexe presentar a súa candidatura para formar parte da xunta deberá enviala antes do mércores 21 de outubro.

Participar na xunta é unha excelente maneira de contribuír á vida da nosa comunidade educativa. Cada vez son máis as actividades, as ideas e os proxectos que queremos levar adiante e cantas máis persoas sexamos, mellor poderemos repartir o traballo, compartir responsabilidades e facer realidade novas propostas.

Grazas á implicación das familias podemos impulsar actividades culturais, formativas e de convivencia dirixidas a toda a comunidade educativa. Cada axuda é valiosa e cada achega conta!

Ademais, ese mesmo día dedicaremos un tempo a preparar as castañas para celebrar o Samaín 🌰🎃. Será unha boa ocasión para atoparnos, colaborar e compartir un anaco de tempo como comunidade do AFA.

Animámosvos a participar, compartir as vosas ideas e, se vos apetece, formar parte da xunta! Xuntas e xuntos podemos seguir construíndo unha comunidade educativa máis activa, participativa e enriquecedora.

📅 Reservade a data: 29 de outubro, ás 18:00 horas.

Contamos con vós!

📣 ELECCIÓNS AOS CONSELLOS ESCOLARES 2026/27Este curso celébranse as eleccións aos Consellos Escolares, un espazo fundame...
06/10/2026

📣 ELECCIÓNS AOS CONSELLOS ESCOLARES 2026/27

Este curso celébranse as eleccións aos Consellos Escolares, un espazo fundamental para participar na organización, convivencia e mellora da escola.

👉 Preséntate. Vota. Participa.

Animamos a todas as familias a:

🔹 Informarse sobre o calendario e os requisitos.
🔹 Presentar a súa candidatura e representar as familias.
🔹 Consultar as candidaturas.
🔹 Participar nas votacións, tanto de maneira presencial como a través do voto telemático polo espazo Abalar.

🗳️ Novidade: voto telemático por Abalar.
Lembra que, se votas por Abalar, o voto non se poderá modificar e non poderás votar posteriormente de maneira presencial.

Desde a AFA consideramos fundamental achegar esta información ás familias e fomentar a súa participación. Que a AFA teña unha persoa representante no Consello Escolar non impide que outras persoas da Xunta Directiva ou calquera outra nai, pai ou representante legal poidan presentar a súa candidatura polo sector das familias.

📌 Consulta o calendario concreto, os prazos e as instrucións de votación.

🏫 A escola pública tamén se constrúe coa túa voz.

♿ ESTAS PRAZAS SON PARA ELES E ELAS.No noso colexio hai prazas de aparcamento reservadas para persoas con mobilidade red...
18/09/2026

♿ ESTAS PRAZAS SON PARA ELES E ELAS.

No noso colexio hai prazas de aparcamento reservadas para persoas con mobilidade reducida, situadas preto dos accesos.

Queremos lembrar algo moi sinxelo pero importante: estas prazas deben respectarse sempre e non ser ocupadas por outros usuarios, nin sequera “só por uns minutos”.

Para unha persoa con mobilidade reducida, ter unha praza accesible preto da entrada non é un privilexio, é unha necesidade. Facilita o acceso ao colexio e contribúe á súa autonomía, seguridade e benestar.

Sabemos que ás veces as présas, a falta de espazo ou un momento de descoido poden levar a ocupar estas prazas. Por iso, simplemente pedimos un pouco de empatía e responsabilidade entre todos e todas.

💙 Respectar as prazas reservadas é facer que o noso colexio sexa máis accesible, inclusivo e respectuoso.

Grazas por colaborar e por axudarnos a construír, entre todos, un espazo no que cada persoa poida acceder ao colexio nas mesmas condicións.

📢 AVISO IMPORTANTE – RECOLLIDA DO COMEDOR ESCOLARLembramos ás familias os horarios de recollida das crianzas:🍽️ Primeiro...
17/09/2026

📢 AVISO IMPORTANTE – RECOLLIDA DO COMEDOR ESCOLAR

Lembramos ás familias os horarios de recollida das crianzas:

🍽️ Primeiro turno: de 15:00 a 15:15 h
🍽️ Segundo turno: de 15:45 a 16:00 h

🌧️ AVISO, especialmente para as novas familias de Infantil

Cando vexades BANDEIRA VERMELLA 🚩 no portalón de abaixo, significa que está a chover ou que o patio de Infantil está mollado.

Nese caso, para recoller as crianzas, deberedes entrar polo portalón onde está colocada a bandeira e dirixirvos ao pavillón.

Grazas pola vosa colaboración e por axudarnos a organizar as recollidas de maneira segura e ordenada.

XORNADAS PORTAS ABERTAS “PONTE AODÍA”En “Ponte ao Día”, no CEIP Juana de Vega, acompañámolos para que aprendan a organiz...
09/09/2026

XORNADAS PORTAS ABERTAS “PONTE AO
DÍA”

En “Ponte ao Día”, no CEIP Juana de Vega, acompañámolos para que aprendan a organizarse, facer os deberes, mellorar as súas técnicas de estudo e, sobre todo, gañar confianza nas súas propias capacidades.

✨ Unha hora á semana para:
📖 Poñerse ao día cos deberes e tarefas.
💡 Aprender técnicas para estudar mellor.
🇬🇧 Reforzar o inglés.
🎯 Recibir un seguimento máis personalizado.
💪 Mellorar a autonomía e a confianza.

Luns e mércores, de 16:00 a 17:00 h.

E se aínda tes dúbidas… ven probar! 😊
Temos xornadas de portas abertas os días 21 e 23 de setembro. Podes vir un dos dous días e coñecer a actividade sen compromiso.

📲 Reserva a túa praza por WhatsApp: 697 433 122

🍽️ MENÚ DO COMEDOR ESCOLAR PARA O PRIMEIRO TRIMESTRE 🍎🎒Comezamos un novo curso con enerxía, ilusión e, por suposto, unha...
09/09/2026

🍽️ MENÚ DO COMEDOR ESCOLAR PARA O PRIMEIRO TRIMESTRE 🍎

🎒Comezamos un novo curso con enerxía, ilusión e, por suposto, unha alimentación equilibrada!

Desde a AFA Nós Oleiros, compartimos o menú do comedor do CEIP Juana de Vega correspondente ao primeiro trimestre do curso 2026-2027.

📅 Consulta na imaxe o menú de setembro, outubro, novembro e decembro.

Bo proveito e feliz curso!

🌿 Xa está aberto o Programa Bono Concilia Familia 2026!Unha axuda destinada a facilitar a conciliación da vida persoal, ...
01/09/2026

🌿 Xa está aberto o Programa Bono Concilia Familia 2026!

Unha axuda destinada a facilitar a conciliación da vida persoal, familiar e laboral das familias galegas ante situacións puntuais ou durante os períodos de vacacións escolares.

👨‍👩‍👧‍👦 Quen pode solicitala?
Familias residentes en Galicia con nenas e nenos nacidos entre o 1 de xaneiro de 2013 e o 31 de decembro de 2022.

💡 Que gastos poden cubrirse?
✔️ Atención infantil a domicilio
✔️ Contratación temporal dunha persoa empregada do fogar para o coidado
✔️ Ludotecas e outros servizos de conciliación autorizados
✔️ Campamentos e outros recursos colectivos durante as vacacións escolares

💶 A axuda pode alcanzar ata o 100 % do gasto en determinados supostos e ata o 75 % no resto dos casos, cos límites establecidos na convocatoria.

📅 Prazo de solicitude:
Do 9 de setembro de 2026, ás 9:00 h, ao 9 de outubro de 2026, ás 14:00 h.

💻 As solicitudes deben presentarse por vía electrónica a través da sede electrónica da Xunta de Galicia.

✨ Infórmate e aproveita esta oportunidade para facilitar a conciliación familiar!

¡AINDA ESTÁS A TEMPO DE APUNTARTE ÁS EXTRAESCOLARES!🎒Comezamos o curso 2026/2027 con moitas ganas e cunha gran variedade...
01/09/2026

¡AINDA ESTÁS A TEMPO DE APUNTARTE ÁS EXTRAESCOLARES!

🎒Comezamos o curso 2026/2027 con moitas ganas e cunha gran variedade de actividades extraescolares para que os nosos peques desfruten, aprendan e compartan novas experiencias.

📣 ¡Aínda quedan prazas dispoñibles en varias actividades!
Se aínda non escollestes extraescolar, este é un bo momento para botarlles unha ollada e animarse a participar.

¡Dámoslle un empuxón especial a
⛸️ PATINAXE!
Temos prazas dispoñibles nos grupos de segunda hora, de 17:00 a 18:00 h, así que animamos especialmente ás familias que esteades buscando unha actividade para esa franxa horaria a apuntarvos. ¡Unha oportunidade estupenda para aprender, mellorar e desfrutar sobre rodas!

🧸 Ludoteca
Un espazo para xogar, crear, divertirse e pasar un bo rato despois da xornada escolar. ¡Aínda podemos encher este grupo!

📚 Ponte ao día
Para quen precise un tempiño de apoio coas tarefas e cos estudos, nun ambiente tranquilo e acompañado.

🔬 Ciencia divertida
Experimentos, descubrimentos e moita curiosidade. Unha actividade pensada para aprender ciencia dun xeito práctico e, sobre todo, ¡divertido!

🎭 Teatro
Escenas, personaxes e moita diversión. Un espazo para desenvolver a creatividade, a expresión e a confianza nun mesmo.

Por outra banda, Tecnualidades dos martes xa está completo e conta actualmente con lista de agarda.

💙 ¡Animádevos a participar!

Se estabades dubidando ou aínda non decidistes actividade, ¡aínda estades a tempo de apuntarvos! Especialmente a Patinaxe de 17:00 a 18:00 h, Ludoteca, Ponte ao día e Ciencia divertida.

👉 ¡Agardámosvos!

🎸ACTIVIDADE EXTRAESCOLAR DE GUITARRA🎶Boas familias!A empresa Activa, avísanos de que hai 2 inscricións para a actividade...
31/07/2026

🎸ACTIVIDADE EXTRAESCOLAR DE GUITARRA🎶

Boas familias!

A empresa Activa, avísanos de que hai 2 inscricións para a actividade de guitarra e que só se levaría adiante con un mínimo de 10 alumnos e, para conseguilo, necesitamos un pequeno impulso.

🎵 Actividade pensada para nenas e nenos de diferentes niveis.
🎵 Un xeito divertido de descubrir o mundo da música.
🎵 Unha oportunidade para facer novas amizades e adquirir unha afección para toda a vida.

💚 Se o teu fillo ou filla lle gustaría aprender guitarra… este pode ser o momento perfecto!

📧 Lembra: unha vez realizada a inscrición, Activa sempre envía un correo electrónico de confirmación. Se non o recibes, revisa o cartafol de correo non desexado (spam). No caso de non recibir ningún aviso, é posible que a inscrición non se completase correctamente.

Saúdos!

📢 Reunión sobre diversidade e inclusiónDesde a AFA Nós Oleiros queremos informar ás familias de que se vai a celebrar un...
14/07/2026

📢 Reunión sobre diversidade e inclusión

Desde a AFA Nós Oleiros queremos informar ás familias de que se vai a celebrar unha reunión con representantes do CEIP Juana de Vega e familias de alumnado con diversidade.

🗓️ Xoves 16
🕛 12:00 horas
📍 CEIP Juana de Vega

Este encontro será unha oportunidade para compartir inquietudes, trasladar propostas e seguir fortalecendo a colaboración entre as familias e o centro, co obxectivo de avanzar cara a unha escola cada vez máis inclusiva e que dea resposta ás necesidades de todo o alumnado.

Animamos especialmente ás familias de alumnado con diversidade a participar e achegar a súa experiencia.

Entre todas e todos podemos seguir construíndo unha comunidade educativa máis aberta, accesible e inclusiva.

Dirección

Rúa Concelleiro Alfredo Novoa, 1
Oleiros
15176

Página web

Notificaciones

Sea el primero en enterarse: le enviaremos un correo electrónico cuando AFA Nós Oleiros publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Atajos

Compartir