AFA Nós Oleiros

01/09/2026

🌿 Xa está aberto o Programa Bono Concilia Familia 2026!

Unha axuda destinada a facilitar a conciliación da vida persoal, familiar e laboral das familias galegas ante situacións puntuais ou durante os períodos de vacacións escolares.

👨‍👩‍👧‍👦 Quen pode solicitala?
Familias residentes en Galicia con nenas e nenos nacidos entre o 1 de xaneiro de 2013 e o 31 de decembro de 2022.

💡 Que gastos poden cubrirse?
✔️ Atención infantil a domicilio
✔️ Contratación temporal dunha persoa empregada do fogar para o coidado
✔️ Ludotecas e outros servizos de conciliación autorizados
✔️ Campamentos e outros recursos colectivos durante as vacacións escolares

💶 A axuda pode alcanzar ata o 100 % do gasto en determinados supostos e ata o 75 % no resto dos casos, cos límites establecidos na convocatoria.

📅 Prazo de solicitude:
Do 9 de setembro de 2026, ás 9:00 h, ao 9 de outubro de 2026, ás 14:00 h.

💻 As solicitudes deben presentarse por vía electrónica a través da sede electrónica da Xunta de Galicia.

✨ Infórmate e aproveita esta oportunidade para facilitar a conciliación familiar!

01/09/2026

¡AINDA ESTÁS A TEMPO DE APUNTARTE ÁS EXTRAESCOLARES!

🎒Comezamos o curso 2026/2027 con moitas ganas e cunha gran variedade de actividades extraescolares para que os nosos peques desfruten, aprendan e compartan novas experiencias.

📣 ¡Aínda quedan prazas dispoñibles en varias actividades!
Se aínda non escollestes extraescolar, este é un bo momento para botarlles unha ollada e animarse a participar.

¡Dámoslle un empuxón especial a
⛸️ PATINAXE!
Temos prazas dispoñibles nos grupos de segunda hora, de 17:00 a 18:00 h, así que animamos especialmente ás familias que esteades buscando unha actividade para esa franxa horaria a apuntarvos. ¡Unha oportunidade estupenda para aprender, mellorar e desfrutar sobre rodas!

🧸 Ludoteca
Un espazo para xogar, crear, divertirse e pasar un bo rato despois da xornada escolar. ¡Aínda podemos encher este grupo!

📚 Ponte ao día
Para quen precise un tempiño de apoio coas tarefas e cos estudos, nun ambiente tranquilo e acompañado.

🔬 Ciencia divertida
Experimentos, descubrimentos e moita curiosidade. Unha actividade pensada para aprender ciencia dun xeito práctico e, sobre todo, ¡divertido!

🎭 Teatro
Escenas, personaxes e moita diversión. Un espazo para desenvolver a creatividade, a expresión e a confianza nun mesmo.

Por outra banda, Tecnualidades dos martes xa está completo e conta actualmente con lista de agarda.

💙 ¡Animádevos a participar!

Se estabades dubidando ou aínda non decidistes actividade, ¡aínda estades a tempo de apuntarvos! Especialmente a Patinaxe de 17:00 a 18:00 h, Ludoteca, Ponte ao día e Ciencia divertida.

👉 ¡Agardámosvos!

31/07/2026

🎸ACTIVIDADE EXTRAESCOLAR DE GUITARRA🎶

Boas familias!

A empresa Activa, avísanos de que hai 2 inscricións para a actividade de guitarra e que só se levaría adiante con un mínimo de 10 alumnos e, para conseguilo, necesitamos un pequeno impulso.

🎵 Actividade pensada para nenas e nenos de diferentes niveis.
🎵 Un xeito divertido de descubrir o mundo da música.
🎵 Unha oportunidade para facer novas amizades e adquirir unha afección para toda a vida.

💚 Se o teu fillo ou filla lle gustaría aprender guitarra… este pode ser o momento perfecto!

📧 Lembra: unha vez realizada a inscrición, Activa sempre envía un correo electrónico de confirmación. Se non o recibes, revisa o cartafol de correo non desexado (spam). No caso de non recibir ningún aviso, é posible que a inscrición non se completase correctamente.

Saúdos!

14/07/2026

📢 Reunión sobre diversidade e inclusión

Desde a AFA Nós Oleiros queremos informar ás familias de que se vai a celebrar unha reunión con representantes do CEIP Juana de Vega e familias de alumnado con diversidade.

🗓️ Xoves 16
🕛 12:00 horas
📍 CEIP Juana de Vega

Este encontro será unha oportunidade para compartir inquietudes, trasladar propostas e seguir fortalecendo a colaboración entre as familias e o centro, co obxectivo de avanzar cara a unha escola cada vez máis inclusiva e que dea resposta ás necesidades de todo o alumnado.

Animamos especialmente ás familias de alumnado con diversidade a participar e achegar a súa experiencia.

Entre todas e todos podemos seguir construíndo unha comunidade educativa máis aberta, accesible e inclusiva.

09/07/2026

¿E se o mellor recordo do colexio dos nosos fillos e fillas comeza contigo? 💙

As festas que lles fan sorrir. 🎉
Os obradoiros que esperten a súa curiosidade. 🎨
As actividades que nunca esquecerán. ✨

Nada diso acontece por casualidade. Detrás de cada momento hai familias que dedican un pouco do seu tempo para que o colexio sexa moito máis ca un lugar onde aprender: un espazo onde medrar, compartir e crear recordos inesquecibles.

Agora precisamos máis persoas que queiran formar parte deste proxecto.
Non buscamos heroes nin grandes compromisos. Buscamos familias con ganas de sumar. Porque unha hora, unha idea ou unha man amiga poden marcar unha gran diferenza.

💛 Se cada familia achega un pouquiño, entre todas conseguimos moitísimo.
¿Anímaste a participar?

01/07/2026

Actividades extraescolares para o curso 2026/2027

🔈A información completa e os formularios de inscrición estarán dispoñibles o día 6 de xullo ás 18:00 h. Ata ese momento non será posible realizar inscricións.

🔗 Publicación completa en MIAMPA:

https://anpanosoleiros.miampa.com/page/extraescolares20262027aperturadeinformacioneinscricionso6dexulloas1800h

Saúdos!

30/06/2026

ÚLTIMO día para formalizar as matrículas do alumnado de infantil, ainda hai prazas vacantes!!

📣 VACANTES CEIP JUANA DE VEGA!!

Avisamos a tódalas familias de que QUEDAN PRAZAS libres para o primeiro curso de INFANTIL.
Estas prazas poden ser solicitadas por familias de calquera concello xa que, ao non se cubrir o máximo de solicitudes, non se aplicará baremo de admisión.

Saúdos!

14/06/2026

🍽️ AXUDA AO COMEDOR ESCOLAR

Grazas á subvención para o comedor escolar cofinanciada pola Xunta de Galicia, este ano poderemos destinar esta axuda ás familias usuarias do servizo de comedor.

Por este motivo, a AFA NÓS OLEIROS, en colaboración coa Xunta de Galicia, asumirá o custo correspondente ao mes de xuño de todo o alumnado usuario do comedor escolar.

Con esta medida queremos que o beneficio desta subvención repercuta directamente nas familias, facendo efectiva unha axuda que é posible grazas á participación e ao apoio de toda a comunidade educativa.

Agardamos poder manter esta iniciativa nos vindeiros cursos, sempre que a contía das subvencións recibidas o permita.

Moitas grazas ás familias pola vosa confianza e colaboración.

09/06/2026

🎉 FESTA FIN DE CURSO 2025/26 AFA NOS OLEIROS

Boas familias!!

Este venres 12 de xuño, de 16:30 a 19:30, terá lugar no CEIP Juana de Vega a festa de fin de curso da AFA Nós Oleiros.

Vamos a poder desfrutar de xogos populares e tradicionais, inchábeis, música, animación…

Por parte do alumnado de 6º de EP, vaise dispor dun mercadillo, comida e bebida a prezos populares para recaudar de cara a excursión.

Esperámosvos, non faltedes!!

Colabora Concello de Oleiros

02/06/2026

Prestacións de apoio ao comedor escolar para o curso 2026/2027

A Concellería de Servizos Sociais e Igualdade do Concello de Oleiros publicou a convocatoria das prestacións de apoio ao comedor escolar para o curso 2026/2027.

Estas axudas están dirixidas ás familias empadroadas no Concello de Oleiros con alumnado matriculado en centros públicos do municipio e cuxo servizo de comedor escolar estea xestionado polas AFAs ou ANPAs.

O prazo de presentación das solicitudes está aberto desde o 1 de xuño ata o 30 de xuño de 2026.

Recoméndase consultar atentamente os requisitos, a documentación necesaria e os consentimentos que deben acompañar a solicitude.

Toda a información oficial está dispoñible na páxina web do Concello de Oleiros:
PRESTACIÓNS DE APOIO AO COMEDOR ESCOLAR CURSO 2026/2027 - Concello de Oleiros - oleiros.org

https://share.google/OB8adEI6RS5Sc7bmM

Saúdos!