Car Care

13/01/2020

دلالات الاحرف على لوحات السيارات بجمهورية مصر العربية..

06/02/2018

القول الفصل في معظم اعطال الفتيس و اصلح ولا اغير 🙄🤔
الكلام ده علي الفتيس اسمه dpo و dp2 و al4
اللي في عربيات كتير منهم رينو ميجان 2 و سينيك و لوجان و سانديرو و فلواينس و بيجو 307 و 406 و سيتروين سي ٤ و تيجو و ده دليل انه فتيس ناجح و اعتمادي
بوست طويل بس ركز معايا
و نبتديها واحدة واحدة
فتيس حضرتك بيمشي كويس بس في نتشات او نقلات صعبة و بتحس بكل غيار فبالتالي انت نويت تفك الفتيس و غالبا هتكشف عليه كله و تبتدي تفك
غالبا هتغير الاتي طالما الفتيس ماشي كويس بس مش ناعم
اولا هتفك الفتيس كله نضفه كله و غالبا هتغير الاتي
2 سولنايد و 2 بريك باند و فلتر زيت و اويل سيل قربة و 6~7 ك زيت فتيس و هتنظف هيدروليك و هتكشف علي كل الاتي
طيب تكلفة قطع الغيار دي تقريبا 3 الاف بدون زيت
الزيت من اول 480 الي 1500 تقريبا
مصنعيه الشغل ده من 900 اللي 2300 تقريبا
اذا الاجمالي تقريبا متوسط 5500 و ده صيانة هاديه للفتيس كل 100 الف تقريبا لاداء افضل و استمرار كفائه الفتيس
طيب الفتيس الاستيراد ب 5000 و تركيبه تقريبا 750
يعني التكلفة تقريبا واحد
انهي الافضل وجهة نظري انت لما تصلح فتيسك مخسرتش تمنه و اتطمنت انه كله تمام و مفيهوش حاجه عكس الاستيراد اللي وارد يجي ماشي كتير او ماشي قليل و هلكان
هنا القرار قرارك
تاني عيب الفتيس ماشي تمام بس في ونة و خشانة
ده عيب لو هتصلح ممكن مع الكشف و الصيانة العاديه هتدخل تقريبا غي 3000 اللي 5500 و العيب ممكن اسبابه كتير زي قربة او كرونة او مجموعة كوكبيه او اي بلي بالفتيس
تالت عيب و هو اكتر عيب انتشر موخرا و هو اويل سيل قربة الفتيس كل ما تغيره يضرب
ده اسبابه كتير اقلهم و اضعفهم انه يكون عيب تركيب او اويل سيل مش عايز اجزم ان لو الفتيس سليم و جبت اويل سيل ب 2 جنيه هيمنع زيت
لكن اسبابه غالبا هو وجود بوش زيادة بالقربة او طلمبة الزيت او ال drive shaft نفسه
رابع عيب
الفتيس قطع مارشيدير او الغيار الاول
العيب غالبا بريك باند او مجموعة الاول
و دي تكلفتها بالزيت بتبقي من 1500 الي 2500
اشهر عيب و هو تشيك جيربوكس او لمبة فتيس تنور
ى غالبا بيبقي سببه السولنايد و ده تكلفته من 1200 الي 3500 علي خسب جايب قطع منين
و احيانا نقص الزيت و احتمال كبير حساس ضغط عامل قافلة short circuit
خامس عيب
الفتيس بجيب الغيار الاول D ادوس بنزين احس الغيار اتاخر و بعدين يجي برزعه
اسبابه غالبا شنابر ديل او نقص زيت او قربة زيت
اعطال بقي ملهاش علاقة بالفتيس بس بتاثر علي الفتيس و ده في حالة الرينو بس غالبا
حساس ال abs
او اي عطل في موتور ماثر علي عزم الموتور زي بوجيهات مباين او طلمبة بنزين
Gearbox over heating causes
غالبا سببها زيت مش كويس او مش مظبوط او العربية بتسخن او انسداد بمبرد الفتيس و ضعف قدرته علي التبريد بشرعه
اعطال قليله بس بتحصل
الفتيس مرة واحذة قطع حركة و نفس 😂😂
غالبا دي بيجي بعد تغيير زيت او عدم تغيير الزيت نهائي
غالبا العطل بيبقي فلتر زيت اتسد و ده بيتفك و يتعمل الصيامه الدورية اللي في اول عطل
اخر حاجه الفتيس الضغط فيه واقع مع انك متاكد ان السولنايد سليم و حساس الضغط سليم و فلتر سالك غالبا بيبقي عيب طلمبة مبوشة و فيها تاكل و غالبا بتكون قصرت علي زور القربة

اخيرا ملاحظات عامة
1- الفتيس ده dpo و dp2 و al4 فتايس ممتازه و معمرة اللي اقصي حد و ادئها كويس جدا طالما حافظت علي الصيانه بتاعته

2- اللي بيريح دماغه و يبقي فتيسه في حبة مشاكل و يغيره ده بيحسبها الاوفر ماديا و اعتقد في ااظروف الحالية ده مقبول
3- معظم الاوقات صيانة او عمرة الفتيس بتكلف اكتر من تمنه في العربيات الرينو و البيجو و قريب لسعره في التيجو
4- معظم العمرات عمرها اطول من الفتيس الاستيراد
5- العمرة في ناس بتستخذم غيها قطع غيار استيراد و ناس بتستخدم جديد في الحالتين اثبتوا انهم بيرجعوا الفتيس زيرو
6- عمرة الفتيس ممكن اوووي متظبطش علي مرة واحدة و ممكن يتفك الفتيس و يركب كذا مرة خصوصا لو قطع غيار اسيتراد لكن اكيد هتظبط
7- ضروري جدا اللي يعمر الفتيس يكون فاهم الفتيس كويس و دارس طبعا او واخد تدريبات لان في قياسات كتير في الفتيس اينعم مش كل الناس بتعملها بس في حاجات ضروريه

كده القرار قرارك و ليك مطلق الحرية و عرفتك ان دايما العمرة اغلي من الاستيراد حتي في المحركات ليه لان العمرة هي تكلفة اني ارجع الفتيس زيرو اللي تمنه جديد عدي 70الف جنيه
ممكن اكون نسيت حبة حاجات بس ده الحاضر في ذهني و الشائع تكرراه.

(منقول)
م/ عمرو محمد

11/10/2017

10/10/2017

الموتور الخفيف .. من أول علاماته اللي بتظهر .. طب كلمة إن الموتور خفيف معناها إيه ؟؟ وليه بيحصل ؟؟ طب وإيه العلاج ؟؟

==========================
معني الموتور الخفيف إن أجزاء الموتور الداخلية اللي بتحكم عملية عدم تسريب الزيت لـ غرفة الحريق أصبحت خلوصاتها واسعة وبتسرب الزيت لـ غرفة الحريق وتلاقي الزيت بيتحرق مع البنزين والهوا !!
وده طبعاّ بيؤدي بما لا يدع مجال للشك إن الموتور يحصل فيه خلل .. وطبعاّ تسريب الزيت لـ غرفة الحريق بيخلي بخار الزيت يهرب لـ خرطوم الفايظ اللي بيبقي بين كارتيرة الزيت وغرفة البنزين .. وده ممكن نكشف عليه بالنظر وهو إننا بندور العربية وبنشوف الخرطوم ده لو بيخرج منه بخار خفيف جداّ جداّ فـ ده مفيش فيه مشكلة إطلاقاّ وده العادي أصلاّ .. أما إنك تبص عليه تلاقي الخطروم شغال ماشاء الله بيخرج في دخنه بيضا يبقي ده معناه إن شنبر الضغط خفيف ..

علي فكرة إحنا في أي موتور عندنا 3 شنابر ضغط .. واحد فوق خالص علي البستم بيحكم علي عملية الحريق نفسها والتاني في نص البستم بيحكم الضغط جوة غرفة الحريق إنه ميهربش والتالت بيبقي تحت خالص وده بيمنع دخول الزيت لغرفة الحريق فوق ..

==========================
طيب الموتور الخفيف علاماته إيه ؟

1- بوجيهات عليها زيت بطريقة ملحوظة ودي من أشهر علامات الموتور الخفيف وتلاقي مع الوقت العربية الصبح مش بتدور لأن الزيت علي سن البوجيه مانع الشرارة إنها تخرج.
2- دخنه بيضااااااا مع الكبس علي النقلات .. نقول كمان دخنه بيضاااااا زي الصورة كدة بظبط .. دخنه بيضااااا كتير وتخنق كدة وده لأن الزيت عند حضرتك بيتحرق بقي فـ بيتبخر ويخرج لونه أبيض حلو كدة.
3- لو خرجت مقاس الزيت هتلاقي الزيت نااااااااقص وده ليه ؟؟ ما هو بيتحرق زيه زي البنزين بقي أنت نسيت.
4- الموتور هتلاقيه علي المطالع ومع الحمل بيسقف جامد أوي بشكل ملحوظ ومش قادر يشد العربية .. أه ما هو طبيعي .. غرفة الحريق دلوقتي بقي جواها بنزين وهوا وزيت .. طب الموتور هيخرج كفاءته القصوي إزاااااي !!

==========================
طيب والحل يا هندسة .. نعمل إيه !!!
بص أنت قدام منك حلين أو بظبط 3 حلول :-

1- هنعمل مسكن وهنتفق مع بعض علي حاجة حلوة .. موتورك خفيف ومحتاج طقم شنبر وخلاص ده بقي أمر واقع والزيت بينقص والبوجيهات خلاص بتستغيث فت الحل المسكن هو إننا نشتري 443 مل أسمه ABRO Oil Treatment .. الزيت ده كثافته تقيلة جداّ جداّ لزوجته عالية أوي .. طب بيعمل إيه الزيت ده ؟؟ بيقلل الإحتكاك وبيقلل دخول الزيت لـ غرفة الحريق وبالتالي تقليل نسبة خروج الدخان الأبيض .. خد بااااااالك الزيت بقي الزيت ده أنت بتحطه مع كل تغييرة زيت جديدة فـ لو عربيتك وليكن بتاخد 3 لتر زيت يبقي تنقص شوية وتخليه وليكن 2 لتر ونص والباقي زيت شنبر .. مجرد ما هتجرب الزيت ده هتحس بفرق ملحوووظ ولكن مننساش ده حل مسكن فقط عشان الغرور مياخدكش وتقول العربية رجعت سليمة .. لأ ده زيت مش سحر.

2- نعمل عمرة للموتور وهي تشمل خراطة الشمايز وتغيير الشنابر.

3- تغيير الموتور باّخر إستيراااااااد.

14/09/2017

14/09/2017

صيانة جميع انواع السيارات(ميكانيكا,عفشة,كهربا,تكييف,ضبط زوايا باحدث الاجهزة,غسيل كيماوى وبخار وغسيل شامل للسيارة)

21/04/2017

ماهي أضرار زيادة مستوى زيت المحرك؟

مما لاشك فيه أن غالبية السائقين لايعرفون أن الزيت الزائد في المحرك يؤدي الى أضرار جسيمة بالمحرك وقد يسبب لك الكثير من الخسائر!
فقد حذرت هيئة ألمانية مختصة بالفحص الفني من اضافة أو تجاوز الحد الأقصى للزيت في محرك السيارة والقيادة أو تشغيل المحرك والزيت ليس في المقاس الصحيح.
وأرجعت ذلك الى سبب رئيسي وهو ان الزيادة في مقدار الزيت عن الحد المطلوب قد ينتج عنه رغوة، مما يؤدي الى نقص في كفائة عمل الزيت خاصة في تقليل الاحتكاك بين أجزاء المحرك.
فعندما تقوم باضافة الزيت للمحرك أشير الى أنه قد تسبب لك هذه الزيادة في أضرار خطيرة على المحرك قد تصل حتى التلف، فكيف يحدث هذا؟
-خزان الزيت عند امتلائه فوق المستوى المطلوب قد يصل الزيت الزائد الى عمود الكرنك والذي يدور بسرعة آلاف الدورات في الدقيقة حيث عندما يصل مستوى الزيت الزائد اليه، يتحول بسبب سرعة دوران الكرنك الى رغوة وهنا مضخة الزيت لاتستطيع ضخ هذه الرغوة وبالتالي، لن تستطيع دفع الزيت الى باقي قطع المحرك التي تحتاجه وهنا يتعرض المحرك للتلف
لذا افحص مقياس الزيت واجعل السيارة في مكان مستقيم حتى يعطيك المقاس الصحيح.
ولاتتعدى اشارة الحد الأقصى (MAX) الموجودة في عصا حوض الزيت أو مايسمى بمقياس الزيت
لأنه عزيزي السائق ترك الزيت ناقص قليلا لن يضر المحرك على قدر تجاوز الحد المسموح به.
اذا حدث ووجدت الزيت زائد عن الحد الأقصى بشكل بسيط فقم بالتوجه الى اقرب مركز صيانة أو ميكانيكي للتخلص من تلك الزيادة.

**متى يجب تغيير زيت المحرك؟؟
كتيبات السيارات أغلبها تقول ان تغيير الزيت يجب ان يكون من 5 آلاف كم حتى 10 آلاف كلم وهذه المعلومات صحيحة، ولكن من الضروري الأخد بعين الاعتبار حالة السيارة فالسيارات القديمة تحتاج الى تغيير الزيت في فترة أقل ولعدد مرات أكبر مقارنة بالسيارات الجديدة والحديثة
ملاحظة لون الزيت الأسود لايعطي أي معلومات حول حالة الزيت فمباشرة بعد اضافته الى المحرك وتشغيل السيارة لمدة زمنية غير كبيرة يتغير لونه الى الاسود , فلا تعتمد على لون الزيت كمعيار لفحصه بل اعتمد على الاساسيات التالية:
1- ملمس الزيت :
يجب ان يكون ملمسه لزج وناعم بدون تحسس الشوائب المعدنية والتي يكون ملمسها مثل حبيبات الرمل الناعمة.
2- رائحة الزيت :
عندما تشم رائحة حرق الزيت عليك مباشرة تغييره
كما ينصح بتغيير الفلتر عند كل مرة يتم تغيير الزيت فيها، كما يمكنك الاعتماد على التوصيات التي توجد في كتيب سيارتك اذا وجد.

18/04/2017

لمبات التابلوه وما تشير اليه..

16/04/2017

اهمية الفرق بين الفتيس المانيوال و الاوتوماتيك و الايزي ترونيك و الستيب ترونيك

16/04/2017

لمعرفة معني الارقام والحروف الموجودة علي اطار سيارتك..!!