25/07/2016
ابنك خاربها ياحج .
بص بقا يا حاج اركب عربيتك او عربيت ابنك واعمل الي هقلك عليه
قبل متركب بص علي العربيه من برا لو لقيت جنط سبور غير الي العربيه كانت جايه بيه وكوتش رفيع كده والعربيه قريبه من الارض يبقا ابنك ناوي يخربها يا حج ( مجنط ) .
روح بقا ورا العربيه بص علي الشكمان لو لقيت فتحت خروج الهوا عريضه والشكمان بيلمع يبقا ابنك خاربها يا حج ( مركب ديفل ) .
اركب بقا العربيه بص علي الكراسي شكلهم رياضي كده ومكتوب عليهم sparco او recaro وعصلية الفتيس والطاره مكتوب عليهم momo ابنك خاربها يا حج ( مظبط )
بص بقا جمب الفتيس هتلاقي عصايه طويله كده وفي اخرها في مواسير صغيره ابنك خاربها يا حج ( هاند بريك هيدروليك ) بيدرفت يعني بيمشي بالعربيه بجمبها اه والله يحج بجمبها .
دور بقا واكبس بنزين ، سمعت صوت بيعمل فرووووم قوم بسرعه يا حج افتح الكبوت لقيت حاجه شبه كوز العصير لونها احمر ومكتوب عليها k&N او simota ابنك خاربها يا حج ( فلتر سبور )
لو ملقتش البتاعه الحمرا دي ارجع العربيه بسرعه يا حج الواد مش هيجبها البر اكبس بنزين جامد تاني للاخر ها سمعت صوت بيعمل فسسسست قوم بسرعه يا حج بص في الكابوت تاني في حاجه شبه البتاعه الي بتزحف دي جوا قوقعه كده الحلزونه وفيها مروحه ينهار مش فايت ابنك خاربها يا حج ( تيربو )
بص يحج غالبا لو لقيت الحجات دي هتلاقي ابنك كل شويه عمال يقلك عاوزين نغير الكوتش ( بيعمل بيرن اوت )
وهيقلك كل شويه رايح درس رايح سكشن رايح ازاكر عندي محاضره ( ابنك رايح الحرفيين يحج )
انا نصحتك اهوه يا حج وعرفتك كل حاجه
عزيزي الشاب اتمنا لك سهره سعيده مع الحج
وفي النهايه احب اقول ربنا يقدرنا علي فعل الخير
