28/07/2026
⚠️ كارثة حقيقية.. الحرامي يقدر يبيع عربيتك المسروقة وينقل ملكيتها قانونياً وأنت لسه قاعد بتدور! 🚗❌
تخيل الصدمة: عربيتك تتسرق (لا قدر الله)، فتجري تعمل محضر في القسم وتفتكر إنك كده عملت اللي عليك.. المفاجأة المرعبة إن القانون لوحده مش هيتحرك لو ما عملتش الخطوتين دول بنفسك وبشكل فوري:
1️⃣ الخطوة الأولى إشارة نشر في مباحث المرور 🚨
بعد ما تعمل محضر القسم وتاخد رقمه، اطلب فوراً من مباحث المرور تعمل حاجة اسمها "إشارة نشر".
🔸 ايه الفايدة؟ بمجرد تسجيلها، رقم عربيتك هينزل على كل أجهزة المرور في مصر، ولو عربيتك ظهرت في أي كمين أو قسم هيوصلوا ليك فوراً.
⚠️ تحذير مهم: الإجراء ده مش بيتعمل تلقائياً للأسف، لازم تتابعه بنفسك وتتأكد إن عربيتك اتسجلت كـ "مسروقة".
2️⃣ الخطوة الثانية (قفل الثغرات القانونية): تطلع على النيابة وتطلب من وكيل النيابة "جواب بوقف التعامل على العربية".
♦️ ليه مهم؟ لو الرخصة كانت جوه العربية وقت السرقة، الحرامي ممكن يستغلها ويعمل توكيل مزور ويبيع العربية لشخص تاني وينقل ملكيتها باسمه قانونياً! بمجرد وجود الجواب في ملف العربية بالمرور، هيوقف أي تعامل عليها !!
الجواب ده بيقفل الباب تماماً قدام أي نقل ملكية أو ترخيص وبيحجز العربية.
💡 تنبيه وأنت في القسم: اتأكد بنفسك إن رقم تليفونك مكتوب بوضوح في المحضر، عشان الشرطة تعرف تكلمك أول ما يلاقوا العربية.
