28/03/2026
الحلقة التانية
اولا لو لقينا حاجة مش طبيعية فى مل اللى فى الحلقة الأولى يبقى ننهى الموضوع بشياكة
طب كل اللى فى الحلقة الأولى تمام و مفيش اى ملاحظات نكمل
١- نكمل بالكشاف برضو الاماكن الضيقة خلف و تحت البطارية و الجانب الاخر لحد قبل البطاحة او المساعدين
٢- نركز على اى تقشير او استعدال او بوية شكلها جديد
لان غالبا دهان الدواخل مش بيلمع
٣- كل اللى فات تمام اروح على الشنطة افتح الشنطة و اول حاجة اركز عليها قرنين الشنطة او اللى فوق الفانوسين الخلفي و معظم العربيات فيها لصقة دائرية صغير خالص ركز عليها لو موجودة تمام و بدون اى تقشير فى البوية
٤- نرفع ارضية الشنطة الموكيت و ننزل الاستبن و نراجع الفليتو اللى هو بين الفواصل و نضغط عليه بالضافر يدوب ضافرك يعلم فيه بالعافية دا كده الاصلى اما لو لقيته طرى و ضعيف و ضافرك بيعلم فيه بسهولة ده يبقى مصرى او معمول
لنا تكملة
