16/03/2025
دعوك فقالوا إن بنزين 80 فيه شوائب..
و علشان كده مش بيستخدموه للعربيات الحديثة !!
طب احب اوضح لك أن كل الفرق بين بنزين 80 و 90 و 92 هو يرجع لفرق تحمل ضغط البنزين داخل غرفة الاحتراق و ده نتيجة نسبة الاوكتان الموجودة في البنزين ، مع زيادة نسبة الاوكتان زيادة نسبة تحمل الوقود للضغط .
ايوا بس ده ايه علاقته ب أن العربيات الحديثة تستخدم بنزين92 و 95
العربيات الحديثة بتعتمد دخول البنزين غرفة الاحتراق عن طريق الحقن "الرشاشات" و ده بيحتاج لضغط اكبر من البساتم داخل غرفة الاحتراق ،عكس العربيات الي بتعتمد على نظام" الكربرتير " بيكون فيها الضغط اقل في غرفة الاحتراق ف بيتم استخدام بنزين 80 لانه مناسب لضغط البستام ..وضحت !
و ده بالتالي هيسبب ضرر كبير لو استخدمنا بنزين 80 لعربية بتحتاج 92 لأن البنزين هيحصله عملية الاحتراق قبل المعدل الطبيعي للبستام و بالتالي هيسبب لغبطة في حركة البساتم و ده هيقلل من عزم العربية و سماع صوت تسقيف صادر من المتور و ده على المدى القصير إنما على المدى البعيد هيسبب كسر في ذراعات البساتم و نخش ف عمرة كاملة للمتور
متكسلش و شوف البنزين الموصى بيه في الكتالوج
