21/08/2022
الدوله لازم تتدخل فورا لحل ازمه السيارات في مصر ومحدش يقول دي ازمه عالميه
الزيادات العالميه في اسعار السيارات لم تتخطي حاجز ال١٠% وانما في مصر وصلت ل ١٠٠%
في مستثمرين كتيير كان عندهم نيه قويه يعيشو في مصر ومعني مستثمر هنا مش لازم يبقا معاه مليارات لا خالص لو حد قرر يستقر في البلد ويشتري شقه وعربيه ويقعد فدا مستثمر
المشكله ان تخيل مستثمر من اي دوله قرر يحسب عربيه وشقه هيلاقي ان العربيه سعرها في العالم كله ب ٢٠ الف دولار يعني ٤٠٠ الف مصري هيجي يروح للوكيل يقوله معنديش يروح للتاجر يقوله ٨٠٠ الف يقوله بس الوكيل بيقول سعرها ٤٠٠ هيقوله اروح اشتريها لو لاقيتها فطبيعي احنا هنخرج من حساباته كدوله حتي لو عندك اقوي منظومه امنيه في العالم كله ودا طبعا غير القرار الغير حكيم اللي صدر بوقف الاستيراد فخلي سلع ب ١٠٠ دولار توصل سعرها عندنا ل ٣٠٠ دولار بلا مبالغه
المنافسه حوالينا قويه ولازم نكون قدها عشان تكون بلد استثماري قوي لازم مثلث لا ينقص ضلع
قمته امن وامان واحنا دلوقتي بقا عندنا كاميرا لكل مواطن
الضلع اليمين منظومه طرق محترمه ودي ماشاء الله عندنا طريق وكوبري لكل عائله
الضلع الاخير مناخ اقتصادي في سيطره علي الاسواق وكلمه دوله تكون فوق كل احتكار وجشع التجار وبعيدا كل البعد عن المحاباه لفصيل او لجهه علي الاخري
كملو المثلث وازبطو الاسعار بدل ماتنهار واحنا قدها ونقدر لان دي بلدنا وعايزينها اعظم دوله ولا نزايد علي احد فكلنا في المركب سواء واي خرم هنغرق بمنتهي الغباء
