18/09/2026
صباح معطر بذكر الله عليكم/
لما كوبلن واحد يطقطق ينفع يتغير بدون تغير الجمب الثانى لو سليم
الجواب ينفع تغير واحد فقط والسليم يفضل ومالوش اى تاسير على الجنب التانى
سؤال ليه لما بيكون فيه رعشه بسبب الكبالن لازم نحل الاثنين مش واحد
الجواب لأن الكوبلن الدخلى المسبب للرعشه بيكون الاثنين جمب بعض فى الفتيس تحت رجلك من الصعب انك تحدد الرعشه من واحد خلاف الخارجى اللى ناحية العجل بتقدر تحدد الصوت جاى من اى عجله
طب ينفع لما نحل الكبالن الدخلى وفى واحد سليم يركب تانى ومايكونش عليه ضرر بعد فكه وتركيبه
الجواب ينفع طبعا يتشحم ويركب تانى ولا فيه اى مشكله
هو اكس الكوبلن المعووج زى مابيقول البعض يعمل رعشه على سرعه بطيئه فقط سرعة ٤٠ مثلا
الجواب الاكس المعووج بيعمل رعشه على سرعات مستديمه أما رعشة الأربعين بتكون بسبب الكبالن الدخلى
هل ينفع لما يكون الكوبلن الدخلى بايظ اغير صليبه فقط زى مابيعمل البعض
الجواب لا هتغرم فلوس على الفاضي لأن جسم الكوبلن نفسه بيكون حصل تلف فيه بمعنى حصل نقر بالمجره اللى بتمشى فيها الصليبه ودى هتعمل رعشه حتى لو غيرت الصليبه
فى حاله واحده فقط تغير الصليبه فقط لو حد وهو بيحل الكوبلن فرت الصليبه غصب عنه والكوبلن سليم من جوه لازم يكون جسم الكوبلن سليم ليس به نقر / لأى استفسار 01151515964
