07/08/2026
بقيت ألاحظ في الفترة الأخيرة إن اغلب العملاء – حتى في أعمار صغيرة جدًا – بتنسى بسرعة، ومبقاش عندهم نفس القدرة على التركيز أو الصبر حتي علشان نتعلم المهاره او نعيد التمرين فترة كبيرة،
وده بيأثر بشكل كبير على مستواهم في أي حاجة بيتعلموها… حتى في الكورسات العملي زي السواقة.
السبب الكبير في ده هو اللي بيتسمى دلوقتي تعفّن الدماغ الرقمي:
السبب الرئيسي: محتوى سريع طول الوقت (Reels – Shorts – TikTok).
المحتوى السريع بيشتغل على نظام المكافأة في المخ:
كل فيديو قصير أو Scroll بيدي جرعة دوبامين
الدماغ يتعوّد على ده، فيعتبر أي نشاط أبطأ أو أعمق “ممل” ومايستاهلش المجهود.
بالوقت، ده يعمل إعادة برمجة لطريقة استهلاكك للمتعة والمعلومات.
👈 نصيحة: حاولوا تقللوا من الاستهلاك السريع ده، وادّوا نفسكم فرصة تعيشوا أنشطة أطول: قراءة، رياضة، أو أي هواية محتاجة وقت.
لأن الدماغ زي أي عضلة… لو سيبته يتعود على السرعة والسطحية، هيضعف. ولو دربته على الصبر والتركيز، هيبقى أقوى وتستفيد منه طول العمر 💪
