17/09/2026
الفيس بوك بيقولّي النهارده:
“ذكرى سنوية سعيدة للمتابعين الرائعين لديّ، شكرًا على كل الدعم الذي قدمتموه! وعمل منشن لاكتر اكونت داعم ❤️
بس الفيس بوك ميعرفش إن الأكونت ده هو أمي ❤️
ولا يعرف إنها مش مجرد متابعة للبيدج…
دي الوحيدة اللي فضلت تدعمني، وتشجعني، وتدعيلي، وتصبر عليّا، وتتعب عشاني طول حياتي كلها🤍
الفيس بوك بيحسبها سنة من المتابعة والدعم…
وأنا بحسبها 30 سنة من الحب والدعاء والصبر والتعب. ❤️
فلو الفيس بوك بيقولك شكرًا على دعمك للبيدج خلال السنة اللي فاتت…
أنا بقولك:
ألف مليون شكر يا أمي على كل حاجة عملتيها عشاني، وعلى كل دعوة دعوتيها ليّا، وعلى كل مرة وقفتي جنبي، وعلى كل حاجة كنتي سبب فيها وصلت ليها ❤️
يمكن حاجات كتير وصلت لها بإيدي وتعبّي…
لكن ورا كل خطوة حلوة في حياتي، كان فيه دعاء أم ربنا استجاب له. 🤲❤️
ربنا يخليكي ليا ويديمك نعمة في عمري، وأقدر أرد جزء صغير من اللي عملتيه عشاني.
بحبك يا أمي ❤️🌹
ست الكل
